匯控連跌 8日，相信各位睇見都會心痛。心痛指嘅緊係一手匯控嘅朋友，同埋強積金持有匯控嘅在職人士啦。如果買 put 輪嘅朋友，呢排應可笑逐顏開。
技術上，呢 D 叫做超賣，即係話賣過籠。反彈可期。
只不過，反彈嘅力度有幾大，同埋反彈完後係咪唔會再跌咁啫。
好多人買 HSBC 嘅心態係「有買貴冇買錯」，但又有幾多人開始留意佢嘅基本因素已經改變？呢期係玩 de-leverage，以往嘅高增長未必咁容易可以做得番。既然係咁，長線未必可以揸，短線博反彈者，亦不要期望會有好勁嘅回報。(起碼呢個 moment 都係)
寫呢篇 post 嘅時候，匯控喺倫敦已經做緊反彈，力度超過 4%。不過 sorry，今晚英磅大跌，計番港紙亦未必有 4% 呢個升幅。
任總話金融危機第二波嘅影響不容忽視。連一向自信嘅佢都話今年不明朗因素特別多，後市難睇。
尋晚掛住寫 Obama，都唔記睇下個匯市。
前幾日維京人咪講過歐羅兌美元， 1.3000 係個重要嘅支持位嘅。結果試咗幾次之後，呢個位尋日已經破咗。下一關睇 1.2600。家下做緊 1.2932，今日低見 1.2845。
最好歐羅繼續跌！
呢排好忙，寫住咁多先。
補番句，牛年 Obama 犯太歲。
Cheers！
obama 是鬼老, 应该可以邪返嗰太歲.
回覆刪除英鎊、歐羅不斷跌，歐洲市場危危乎？
回覆刪除小瓶子，
回覆刪除我同你一樣，都希望佢可以唔好步董伯伯、煲呔、同埋小馬哥嘅後塵。睇佢嘅講嘢技巧，肯定好過晒佢哋。但要執經濟衰退呢個爛攤子，仲要頂住跟住落嚟嘅金融海嘯第二波，希望佢真係可以化腐朽為神奇。
湯記，
匯價未必與經濟有同步嘅關係。今晚歐羅英磅暴跌，但日本經濟亦唔慌好，日本紙卻勁升。
可以好肯定咁講，歐洲經濟亦唔好。當主要經濟體系都唔好嘅時候，美元反而相對有安全感。避險情緒又會令到美元升，所以歐亞洲貨幣跌。
亞洲貨幣暫時只有一隻日圓較為出得大場面。歐美鬼佬覺得亞洲係資金避難所，所以日本經濟雖然差，但日圓都會升。
市場，有時真係幾無厘頭同反智。所以邊個都唔好信，自己睇多 D 問多 D，最後信自己多 D 就掂！
Cheers!
100% agree, 信自己!! 輸贏都無得賴嘛~
回覆刪除imak,
回覆刪除Yes! 學 Obama 話齋，呢 D 咪叫責任囉。
:P
犯太岁不一定不好,如果能利用这种冲突的能量,往往能把不可能的事变成可能,例如黑人当总统.
回覆刪除