回吐正是出擊時

自從上星期尾歐羅 chok 升、日圓又跌之後，呢兩日各貨幣普遍略有回吐。

EUR/USD 上咗 1.3800 後仲未夠彊再上去 1.3900，宜觀望。
USD/JPY 上星期尾上過 103.60 咁上下又回吐，但跌低過 103.00 又見美元買盤。
GBP/USD 波幅一向徧大。近期 touch 高位 1.6775 左右見回吐，但 1.6600 幾頂得吓。
AUD/USD 以為有得執，升過近期高位 0.9125 左右後，又腳軟去番 0.9000 咁上下。
USD/CAD 衝上 1.1100 後，似係做緊整固。

回吐正是出擊時。維京人睇好 USD/JPY 同埋 USD/CAD 呢兩 pair。各位點睇？

留意回吐過大時要考慮：1. 止蝕 2.追貨溝淡。

根據維京人經驗，滙市止蝕多數都會止錯蝕。但追貨溝淡十次兩三次睇唔啱嘅話就蝕凸！

Good luck~