Market Viking 市場維京人

2012

2012-01-12T00:56:00.000+08:00

原來已經有近一年半冇寫 Blog 了。呢一年半以嚟，維京人集中炒 Forex，都好少炒股票。就算炒，都只係炒吓 Apple 呢隻美股咁大把。睇到恆指呢段時間嘅表現，亦發覺唔炒股票真係明智到不得了嘅選擇。哈哈。

咁炒 Forex 嘅表現又如何呢？老實講，經過前幾年係咁交嘅學費，近呢兩年終於有啲進步喇。而我發覺其實 Forex 無論你買上又好買落都好，原則其實係比想像中嘅簡單：

嚴守止蝕！

TMD~ 你可能即刻想草泥馬同鵰娜馬我鳥。但呢個確確實實係近呢幾年小弟最感同身受嘅一樣嘢！

想喺 2012 試下寫吓自己所謂嘅心得，好嘅大家可以攞嚟用，唔好嘅大家亦可以知道一個滙市失敗過嘅人所犯過咩嘅錯誤。

祝大家有個成功嘅 2012!!! 記得得閒 follow 吓小弟嘅 Twitter！

http://www.twitter.com/marketviking

Cheers!

是時候入貨了！

2010-08-02T21:28:00.001+08:00

維京人上年 update 呢個 blog 的時候，正正係六月。經過超過一年時間冇 update，可能大家都有 D 奇怪。唔通維京人發咗達？又或者係已經喺人間蒸發？定係已經冇興趣寫 blog ？
係呀，唔知點解，突然間對市場不太感興趣。記得上年六月左右，恆指大約喺兩萬零點左右。由上年六月到而家，恆指基本上係小上小落，唔多點郁。最高恆指去到 22800，最低約去到 18700。升升跌跌，唔玩其實係唔會有損失，反而見以為向上去追貨或者以為向下去沽貨者，就有機會慌失失。維京人一向比較鐘意玩大上或者大落，見個市向上又未係時候，向下又唔會跌得多，所以咪暫且退出下市場，連 blog 都冇寫囉。

反而如果要搵食，可能滙市會好多機會。不過 Forex 嘅殺傷力亦非同少可，所以維京人都係細細注去玩，冇乜所謂。亦無謂喺度同人講。

個市牛皮咗超過成年，如果睇返小弟過去嘅 post，係估恆指今年見 30000 點嘅。家下 2010年已過一半，似乎 30000 點比較難做到。不過世事嘅嘢，乜都有可能嘅。炒股票亦非炒一日咁大把，如果睇好，家下又似乎係入貨嘅時候。

七月份過咗世盃效應，基金經理亦似乎收拾心情？可能仲有人放緊暑假，可能八月就係累積存貨好時機。九月開學，亦係股市開車之時。

係唔係？到時咪知囉。總之小弟就開始入貨喇！

巧合

2009-06-28T21:35:00.002+08:00

2003年，香港經濟因沙士走入谷底。同一年，哥哥同埋梅姐離我哋而去，對香港人嘅心情落井下石。

2009年，美國因金融海嘯經濟亦走入谷底。巧合地，兩顆巨星 MJ 同埋俏嬌娃 Farrah Fawcett 亦離大家而去。

永遠以為是低處，卻低處未算低；個天點都會令人受考驗，令人覺得個世界好悲同好灰。不過，好多時去到最深深低處，正係反彈之時。

******

講番個市，維京人睇六月半年結過後會跌番個零兩個月，然後恆指向出年三萬點邁進。

咩話？太進取？

做人最緊要有想像力。射唔到太陽射到隻大鷹都唔錯吖。

Cheers！

******

過埋今個月，再擺多 D 時間睇住個市先。

******

維京人 Twitter 已開通！
http://twitter.com/marketviking

******

維京人近期愛上跑步，有空請幫幫忙為小弟打氣啦！（雖然呢三個禮拜都冇乜點跑）

http://runningviking.blogspot.com

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam

黃金交叉、黃金機會、黃金後市

2009-06-22T23:26:00.002+08:00

維京人喺度重整旗鼓中，暫時盡量每個禮拜起碼會 update 呢度一至兩次咁啦。

港股 - 黃金交叉？

上個禮拜，維京人話港股似做緊黃金交叉，點知三爬兩撥已經喺上周中出現。上個禮拜二港股收市， 50天線係升穿 250天平均線嘅，仲係 5年嚟首次。所謂黃金交叉，一般係指短期間嘅移動平均線（例如50天）升穿較長期嘅平均線（例如 250天線），係牛市重臨嘅信號。

維京人對於技術指標，算係幾推崇嗰隻。之但係今次 D 人個個話黃金交叉利好，個人就不敢恭維。喺小弟心目中，短期平均線升穿中長期平均線，未算係好「黃金」。真正嘅「黃金交叉」，其實應該要呢兩條平均線都係於交叉嗰點同時上升，先至算有效。

睇番上個禮拜港股營造嘅「黃金交叉」， 250天線其實唔係算係好「上升」，所以呢次嘅威力應該冇乜。嚴格嚟講都唔係好算「黃金交叉」。類似嘅疑似「黃金交叉」喺 2002年亦出現過，結果亦係無效，要到 2003年 SARS 後港股先見底。

新股 - 黃金機會？

咁後市點睇？七月必見回吐，呢個已經成為市場上嘅一個大共識，無謂同大眾對著幹。(雖然好多時賺錢都係人哋唔敢而你去做) 反而近期港股又掀起一股抽新股熱潮。繼上個禮拜二有隻旭光 (#00067) 喺上市後即高收 19% 後，今日又有兩隻新股連贏。中金再生 (#00773) 用埋興利 (#00396) 分別較招股價爆升 22% 同埋 39%。抽新股又成為一眾小股民嘅黃金機會。

今日就有三隻股仔宣佈 IPO，分別係有話中國人係要嚟管嘅「大哥」做代言人嘅霸王（＃01338）、秦發集團（＃00866）同埋 361度 (#01361)。三隻新股入面，講氣氛就肯定係霸王，起碼知名度都贏晒。其餘兩隻相對就少 D 人認識。

維京人啱啱過咗嘅 weekend，走咗去廣州。諗住去一德路嗰度嘅批發市場睇下有咩貨可以放喺 eBay 賣。晚上喺上下九路流連，短短十零廿分鐘路程，嘩！驚覺竟然已經有 5 間 361度！簡直同香港西洋菜街嘅百老匯同鐳射等有得揮！！361度係賣體育用品嘅，當晚發現佢嘅生意都唔錯，起碼比起李寧 (#02331) 嘅生意好。李寧呢隻影子股亦由 $15 抽上去接近 $20。相比起霸王可能比較難抽中，維京人會吼 361度。

商品 - 黃金後市如何？

今日信報同埋 Now 聯手攪咗個關於黃金投資嘅機會。維京人本身都想去嘅，但多嘢做冇去到。事後睇番訪問曹 Sir，佢話家下股市係咪牛市未能確定，反而應該投資黃金。估唔到嘅係，佢哋個講座一完咗，金價喺歐洲時段即刻嚟個大暴跌！一度仲跌至 917邊緣，跌超過 15蚊美元一盎斯。唔通市場俾機會大家入貨？

小弟喺上兩個禮拜炒輸咗金，後嚟喺 935左右調轉頭買佢跌，今日見一低過 920即刻平倉，先收復小部份嘅失地先。918 係重要嘅支持，家下報緊 920.5。啱啱轉頭買番佢升，又係開始累積時。

維京人發覺炒黃金其實比較難炒短線。就算係短線，都好難用技術分析。理由係佢會好長嘅一段時間玩唔上唔落，等大家以為佢會慢慢升／跌，但唔聲唔聲就暗地裡做緊嘢，突然就跌（或升），有 D 估佢唔到。或者係小弟嘅功力問題？

******

生意淡薄，不如賭博。聽日六合彩又有四千萬金多寶，想發橫財夢嘅朋友又可以留意！以前逢親金多寶多數都係假期前夕，例如「聖誕金多寶」、「中秋金多寶」等節日金多寶。近幾年馬會為咗「出師有名」，聽日嘅金多寶就叫做「周二勁賞金多寶」！真係唔夠佢嚟！

******

維京人 Twitter 已開通！
http://twitter.com/marketviking

******

維京人近期愛上跑步，有空請幫幫忙為小弟打氣啦！（雖然呢兩個禮拜熱到死，冇乜點跑）

http://runningviking.blogspot.com

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam

似做緊黃金交叉，但個勢又似尋頂 ...

2009-06-14T22:30:00.002+08:00

經過上個星期小弟元氣大傷嘅一個禮拜後，維京人家下固本培元。稍後再戰市場。

油價一度上到近期高位 72美元一桶。金價銀價則繼上個星期後，繼續大上大落咁整固。金價去到 990美元一盎斯後阻力已現，美元兌其他貨幣似做番少少強勢。個人睇美元跌勢暫時告一段落，或起碼喘定。小弟亦喺禮拜六嘅時候喺銀行將 D 歐羅同埋日本紙唱番港紙先。

特別係英鎊，喺星期五亦一度高見 1.6601，但即阻力重重，家下已跌至 1.6444。睇嚟 1.66未必會咁快破到。

睇番個股市，恆指喺過去嘅一個禮拜曾跌穿 18000點水平，但跌近 20天線左近又係跌唔落。星期五仲反撲至 19000樓上，一度高見 19161點。雖然收市後都只係報 18889點，但成個禮拜升 210點，或 1.13%。熊仔又一次技術性被擊倒。

趨勢係炒家嘅好朋友，所以升市千祈唔好買佢跌。但問題係，你當佢朋友，佢未必當你係知己噃。特別係趨勢轉勢時，永遠都係靜悄悄嘅。

睇技術指標例如 RSI、MACD 等，期指就開始出現背馳現像，後市有戒心。睇移動平均線，恆指則似營造緊黃金交叉。咁多種技術指標入面，維京人最鐘意黃金同死亡交叉，貪其容易理解，而且準繩度超高。好似今年 A 股亦曾做黃金交叉，結果長升長有。

睇圖嚟講，恆指黃金交叉有好大機會實現。但始終低位買上嚟已超過 0.618嘅黃金比率，二萬前有機會大跌一嘢，然後先升過。跌幾多？Who knows? 到時候咪知囉。個人睇家下唔適合買貨，但亦唔好買佢跌。悶一陣咁啦。

Cheers！

******

維京人 Twitter 已開通！
http://twitter.com/marketviking

******

維京人近期愛上跑步，有空請幫幫忙為小弟打氣啦！（今日又去咗跑步，不過熱到死！）

http://runningviking.blogspot.com

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam

顛簸的一周 - 一個投機者的獨白（香港版）

2009-06-08T01:28:00.004+08:00

六月開始咗一個禮拜，股市又經過大上大落嘅一周。港股自三月低位，即恆指約萬一點升上嚟家下萬八點樓上，接近 60%。計反彈力度最強嘅比例 0.618 計，已接近高位尋頂階段。

總結上周，恆指升 508點或 2.8%，收報 18679點；國指升 433點或 4.2%，收報 10862點。留意睇，原來呢兩個指數已經連升三個禮拜。恆指國指及相關期貨圖嘅走勢，全部都做緊頭肩底，at least 恆指目標暫睇 20000點。

家下恆指守喺 250天線（即 18053點）樓上，守得住，每次回吐都係低吸之時。但回吐幾多先至低吸，真係只有事後孔明，事前估得中就係神仙！個人睇六月有機上破 20000點，下個月必見回吐。到時候以跌至 10天或 20天線嚟睇位買貨。

小弟持有嘅 Alibaba (#01688)，上星期中無啦啦話解除基礎投資者禁售期。真係俾佢激死！股價即由 $14.4 見回落，星期五收報 $13.8。小弟睇呢個做法對小股東好唔公平，睇好馬雲發夢但唔代表佢可以亂嚟，開始對佢有戒心，相信短線一定繼續回吐，但市旺，小注繼續持有。

顛簸嘅唔單只係股市，更顛簸嘅係商品同埋外匯市場。

油價算係穩定，我指嘅穩定係「穩定上揚」而唔係「穩穩定定」整固。反觀維京人一路推介嘅黃金冋埋白銀，呢個禮拜真係嚇死人！

金價一如預期喺禮拜一向上衝，小弟由於睇美元跌咁耐終見回吐，所以星期一早上平咗部份倉位先。點知升勢有餘未盡，星期一繼續抽上去 988美元一盎斯。結果，星期一晚果見回吐，但跌到 970又有支持。結果喺星期三抽上 990。手持大量金銀嘅小弟當然係笑到見牙唔見眼啦。

就喺呢個大上大落嘅星期一二三，維京人就係咁累積咗大量嘅好倉，博金價會抽上 1000大關。結果？一踏入六月四日紀念六四二十周年之際，金價即唔夠十二小時由高位 990 跌至 960。小弟喺 970平晒大部份倉位，諗住大賺點知冇得賺，認真冇癮。

最冇癮嘅係，星期五早上繼續買入黃金同白銀，博反彈，點知由於傳英國首相白高敦會落台，英鎊大跌做成美元暴升。英鎊兌美元喺禮拜五晚八點半左右由 1.62 三爬兩撥（唔駛半個鐘）跌至 1.60。金價嘛，竟然由 984 跌至 959！！銀價亦由 15.8 跌至 15.2！

當其時維京人正忙住幫老細做緊私人嘢，同埋趕住去朋友嘅飯局。冇設止蝕下，呢鋪真係輸得好慘。即係想像下當你個股票戶口原本有 100蚊（金額可以自行放大縮細，貨幣亦適隨專便），半個鐘頭後得番 5蚊！！

冇錯，就係呢種感覺！！

往者已矣，最重要係攞個教訓。維京人成日喺度叫人玩 forex 一定要設止蝕，點知自己呢次衰心熊冇設止蝕，哈哈！真係諷刺。睇呢個 blog 嘅朋友除咗睇到小弟對市場準確嘅分析外，亦可以學到一個投機者衰咗嘅慘痛經驗。

冇錯，唔係淨係自吹自擂，連衰咗嘅都會同你分享 ...... 咁當然，希望自吹自擂嘅機會比衰咗嘅機會多 D 啦！

是為投機者的獨白，香港版。

Cheers！

******

Twitter 越嚟越多人用，連今期 Time Magazine （時代雜誌）都以佢做 cover story，How Twitter Will Change The Way We Live，真係利害！

日前同朋友食飯，佢話維京人太多事情想做，太少時間；要放下一些，才可得到一些。諗下諗下，其實好鬼有哲理。既然家下有 Twitter，可能 update 呢個 blog 嘅時間會少咗咯。但小弟一定會繼續寫 blog，將無論賺錢同蝕錢嘅經驗喺度同大家分享。

咁當然，Twitter 就會 update D 啦。呢個 weekend，維京人仲花咗少少時間更新咗 Twitter 嘅 background 㖭。得閒望吓啦。

http://twitter.com/marketviking

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam

******

維京人近期愛上跑步，有空請幫幫忙為小弟打氣啦！（今日終於去咗跑步，爽！）

http://runningviking.blogspot.com

媽媽我餓，但我吃不下！

2009-06-04T00:00:00.004+08:00

媽．媽．我．餓．但．我．吃．不．下

不一樣的五月

2009-05-29T18:49:00.002+08:00

維京人今日放假，終於可以認認真真睇住個市。身為好友嘅我，緊係開心今日個市係咁升啦。

今日係五月最後一個交易日，喺呢個交易日，股市都係要升嘅。恆指今日收報 18171點，升 285點或 1.6%。重上萬八點。成個五月，恆指由四月底 15500 左右起步，家下埋單計數係升咗超過 2651點，約 17%。係 81年以嚟表現最好嘅五月! 期指大部份時間雖然都係低水，報 18120，低水 43點，但只係輕微低水咁啫。

Sell in May? 仲信嘅話肯定要講句問你死未！？熊仔大量被打靶，係望你有聽維京人意見齊齊睇升。經濟數據越差，個市反智地越升。冇計，今期炒熱錢流入，眼鏡碎一地。

奧巴馬話要 Change，估唔到股市都帶俾我哋一個不一樣嘅五月。感覺良好。

維京人手頭持有阿里巴巴 (01688)，買入價 $13.5，現價 $15.18，短線目標 $17，遠少少睇 $20 先。

中移動 (00941) 中海油 (00883) 同埋建行 (00939) 被評為今期最抵買嘅股票，尤其係中移動，市帳率 2.7倍，股本回報 26%。中移動喺今期嘅升市唔算郁得太犀利，估計中移動嘅收益實情受金融海嘯嘅影響比較少，可能冇經濟復甦嘅因素？

維京人睇既然個市企穩萬八，後市可以向二萬大關邁進。睇好中移動可以追落後。考慮小注買入 call 輪。

除咗港股，外圍其實都屢見好消息。日本工業生產上升 5.2%，另外 5月 PMI 為 46.6，連升五個月，越嚟越近 50 呢個好壞分界線。雖然失業問題係五年半以嚟最勁，但通常失業率都係一個濟後數據。

除咗股市，樓市似傳好？冇計啦，放喺銀行得嗰雞碎咁多息，買樓似乎仲可以保值。銀湖天峰尋晚通宵賣樓，近期罕見。

另一個不一樣嘅五月係商品大升，不過呢個就唔係出於市場預期之外。主要係美國係咁印銀紙，其他國家亦係咁印銀紙，資金大氾濫，人們預期通漲會重臨。

今期石油同黃金都大升。油價尋晚己經衝破 65美元！金價今日亦大升，終於升破近期嘅高住 970美元一盎斯。衝咗幾次終於衝破，呢兩日守得住，肯定會再向上衝向 1000 大關。而衝破 1000 大關後，相信呢次唔會好似上次咁咁快回落，點都會企得穩 1000。

寫呢篇 post 嘅時候金價做緊 973咁上下，一個月以嚟升咗接 9%。其實已經比油價升得少。維京人手頭呢兩日做咗唔少 Spot Gold 同 Spot Silver 嘅買入盤，家下開心到見牙唔見眼。為咗獎勵下自己，尋日端午節仲買咗塊金幣俾自己呢。不過有朋友話買金粒買賣差價會冇咁大，得閒又去問下先。

美國今晚會公布採購經理及消費者信心指數，對後市有啟示作用。另外，美國財長蓋特納將於呢個禮拜日（３１日）起至下個禮拜二（２日）訪華，市場預期都係同我哋嘅主席同埋總理講下美預算赤字及美國債券等問題，但估未必會提及人民幣匯率。

呢個會對匯市同美股走勢做成影響。近期非美元商品同貨幣走勢強勁，超買再超買，唔排除美元會技術上轉一轉強。所以大家呢期炒外匯、石油同埋黃金等都要睇美元。個人睇如果歐羅兌美元守得住 1.4000，金同銀都有得升，尤其睇好銀價，突破 15.00 美元一盎斯後下一關睇 $17，家下報 $15.44。

******

唔知各位開咗 Twitter account 未？Twitter 又稱 mini blog 迷你網誌，每段 post 限定喺 140字以內。據報 Twitter 用戶於全球已經超過 3000萬，好多大企業如 LV 等亦以此作網絡促銷。維京人喺三月都開咗 Twitter，發覺高手如雲，真係得到好多好有用嘅資訊。如果你開咗 account，記得 follow me 喇。

******

近排比較忙，如果想睇維京人嘅 update，可以去 twitter。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam

******

維京人近期愛上跑步，有空請幫幫忙為小弟打氣啦！（雖然有成兩個幾三個禮拜冇跑）

http://runningviking.blogspot.com

買阿里巴巴即係買馬雲

2009-05-25T23:49:00.001+08:00

今日港股低開後，恆指曾跌 332點。其後有反彈，恆指收市報 17,121點，升 59點或 0.35%。

港股反彈，主要受內地 A 貨做好所影響。A 貨今日做好，又受中石油 (#00857) 傳收購新加坡石油消息所刺激。

港股則禾雀亂飛格局，特別係Ｄ內房股同地產股，升幾十個巴仙都好似冇咩特別咁，嚇死人！

至於維京人推介嘅阿里巴巴 (#01688)，今日上午曾跌 2%。本身想入貨，但要開會。結果喺下午 $13.5 嘅高位追咗貨。利害嘅係高處未算高，收市報 $14.42，「微升」11.09%！維京人即市約賺 6%。

冇錯，話「微升」係因為今日嘅股仔大部份都係「巨升」。至於本身想長線揸貨嘅我，見升勢咁勁，反而想短炒。不過都係揸住先。

經 blog 友留言提醒，先知原來阿里巴巴同微軟上星期傳有單 deal。不過維京人睇好嘅理由其實比較單純，就係睇好網上拍賣嘅前景。上星期五喺深圳書城，見到好多書介紹淘寶網、拍拍、易趣等，都係教人點樣網上開店，而且仲好 pro 㖭。

如此才驚覺原來除了外國，online business 已經於內地爆得火烈。再睇番阿里巴巴嘅業績，首季少賺 16%，營業收入升 19﹪，不過主席馬雲對明年利潤恢復信心。

近期公司嘅新聞又真係唔少，包括傳收購敦煌網 (DH Gate 係呢排好「紅」嘅 drop shipper)、又同土耳其軟件開發商 Logo Group 組成戰略同盟、旗下 B2B 同埋淘寶網首次以「網貨」交易形式為中小企業同埋網路零售商搭橋。再加埋阿里巴巴總部杭州承諾抵制盜版，加上微軟將在當地投資，一切一切，都見到主席馬雲多多攪作。

買科技股，好多時都係買個主席，好似 Apple 就係買 Steve Jobs。而 Alibaba 就係買馬雲！小弟睇好中國網絡生意嘅前景，睇好 #01688，加上睇圖似做緊圓底，暫睇 $17，再睇 $20。

其實都睇好騰訊 (#00700)，不過硬係覺得佢嘅 QQ 冇創意，明顯地抄 ICQ，維京人唔係咁鐘意！（雖然 MSN、Yahoo! Massager 實情都係抄 ICQ）

Cheers！

******

近排比較忙，如果想睇維京人嘅 update，可以去 twitter。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam

******

維京人近期愛上跑步，有空請幫幫忙為小弟打氣啦！（雖然有成兩個幾三個禮拜冇跑）

http://runningviking.blogspot.com

黃金戰士

2009-05-24T00:51:00.000+08:00

報咗案先。維京人成個禮拜冇 update 呢個 blog，簡直係脫離咗小弟每日睇住個市，同埋同大家分享下對個市看法嘅慣例。

理由可以有千千萬萬個，實情最主要嘅理由或者藉口之唔係「懶」同埋「忙」咁啦。另一個主要原因係今期玩緊辦公室政治，日日要防暗箭，冇乜時間吖。

冇 update blog 唔代表冇睇住個市嘅。如果大家有睇維京人嘅 Twitter update，都知道發生咩事。

上個星期話審慎睇好，點知星期一就俾人震倉震走咗隻 call 輪，心情認真納悶。結果星期二同星期三有反彈，隻輪仲返番去買入價㖭。不過維京人一向都係超嚴格嚴守止蝕，話放就放，話之你之後升到喪。所以雖然有過短暫嘅納悶，但仍然奮勇再戰。

戰場唔再係股市，而係金市。呢個禮拜黃金曾一度震倉，爬到去 930 美元一盎斯後跌落 918。維京人喺 880 追上嚟，見佢 930 入咗貨，喺 920 左近又再入咗貨。

結果，震倉果然係震倉，金價呢個禮拜後期返回呢兩個月嘅高位，報 960 左近。小弟笑到見牙唔見眼！

黃金點好喺度已講咗好多次，唔再重覆喇。總之暫時睇有機衝向 1000 關口。日前甚至睇到內地有分析員睇會去到 2500 美元一盎斯㖭！唔係化？2500 咁勁？如果真係去到而又未放，咁維京人就真係盞鬼過中六合彩咯。

睇番港股，資金流入香港速度減慢，但唔代表唔流入。大戶仍未夠喉，會再升。衰就衰在美國嗰面嘅數據真係唔係好生性，成日都差過預期。唯有用番上個禮拜嗰句：「審慎看好」。

反而想吼科網股阿里巴巴 (#01688)，理由會喺下個禮拜有空時解釋。雖然呢隻科幻股由 $4.11 升到家下接近 $13，而且 PE 唔細，但睇好佢嘅潛力！考慮下周初買入作長線（即係買入後唔理佢，得閒先望望）。如果跌三成會再加碼，只宜小注。

祝各位有個愉快嘅周日！！

Cheers！

******

近排比較忙，如果想睇維京人嘅 update，可以去 twitter。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

維京人近期愛上跑步，有空請幫幫忙為小弟打氣啦！（雖然有成個幾兩個禮拜冇跑）

http://runningviking.blogspot.com

壞消息下審慎看好

2009-05-18T00:52:00.001+08:00

金融海嘯，肆虐全球。香港雖然唔係風眼，但都無可避免地經濟受到嚴重打擊。上個禮拜五公布首季 GDP，結果急跌 7.8%！嘩哈！遠遠超過大家嘅預期噃。呢次倒退亦係歴來最大按季跌幅，真係得人驚。

經濟係十年以嚟最差，奇就奇在大家感受嘅痛苦冇 98年亞洲金融風暴咁大鑊，認真奇怪。尋日睇經濟日報亦有分析，話上次金融風暴風眼喺亞洲，香港人感受最深莫過於樓價大暴瀉。今次淨係金融業制造業感受比較深，加上有自由行撐住，零售旅遊呢兩隻腳仲未死晒。

壞消息風起雲湧，恆指一周計數，跌 599點，或 3.4%，國指跌 444點，或 4.4%（咁多 4字嘅？）。兩大指數連升兩個星期回一回，實屬大漲小回格局而已。

後市係點？維京人已轉軚做好友，暫時仲未諗住改變策略。理由係祖國 A 貨近期走勢強勁，上證指數已由低位 1719點抽到家下 2803點。要留意嘅係佢嘅 50天移動平均線已穿越 250天平均線，形造黃金交叉。技術分析冇邊種係百分百準確，但黃金同埋死亡交叉一向準繩度超高。A 股好，H 股肯定會有人追捧，後市港股不要睇得太差。

資金湧港，雖則話可以去得快走得快，但大戶未搵夠錢點會咁快收手？審慎看好。

小弟仲持有 call 輪同埋 spot gold。

Good luck！

******

近排比較忙，如果想睇維京人嘅 update，可以去 twitter。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

維京人近期愛上跑步，有空請幫幫忙為小弟打氣啦！（雖然有成個幾兩個禮拜冇跑）

http://runningviking.blogspot.com

豬流感似未受控

2009-05-15T00:09:00.002+08:00

大市喺 250天線果見爭持。維京人曾講過睇好後市，仲話恆指有機衝向 20000點，不過有兩個前題：

1) 人類豬流感疫情見穩定；
2) 冇天災

幸好呢排算係冇乜天災，之不過疫情喺美國似有擴散跡象。香港似係控制到，但美國好似 hea 下 hea 下咁，有少少半失控。

暫時要觀望一下先。

今日恆指借尋晚美股跌市，大跌 517點，收報 16541點。萬七點眨下眼就失守。維京人仍手持 call 輪，帳面已蝕近三成，幸而小注。熱錢嚟得快唔知亦會唔會走得快，聽日隨時止蝕。反而手持 spot gold 暫時帳面有賺，cover 到 call 輪嘅損失。

呢排真係忙到連毎個市都唔係太多時間睇。可能 update 呢度會慢少少。大家喺 twitter 見我啦。

Good luck！

******

哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

Twitter Power, 唔到你唔信

2009-05-13T01:19:00.004+08:00

近排好忙，呢兩日冇乜時間 update 吓個 Blog。暫時仲持有恆指 call 輪同埋黃金，過兩日 update 番大家小弟對個市嘅睇法。暫時睇呢兩日嘅調整係算健康嘅，後市暫睇升。

啱啱諗住去 CNN Finance 睇新聞，竟然搵到一篇標題為 "I found my job on Twitter"。

果然，那裡有 Twitter，那裡有力量。

呢個係維京人嘅 Twitter account 吖。

http://twitter.com/marketviking

你仲未有 Twitter account？同炒股票一樣，唔好落後形勢喎。

仲唔快 D 開番個？開咗後記得 follow 我呢。

Cheers！

******

哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

水的三個形態 - 放水掠水散水

2009-05-10T11:14:00.001+08:00

星期四晚美股道指跌超過 100 點，似壓力煲測試做低咁。小弟喺 twitter 度講禮拜五跌得，但可以考慮買貨。

結果星期五早上港股果然開跌，約 200點左右。維京人大概喺 11點零鐘入咗 call 輪 #16114 @ $0.16，係要同淡友作對。喺 twitter 度 update 完成日都冇時間，結果收市後睇一睇，恆指倒升 171點，收報 17389點。＃16114 收報 $0.184，比起小弟嘅買入價升咗 15%。

今次升浪，小弟覺得可以用水的三個形態嚟形容。不過指嘅唔係中學讀書所講固體（冰）液體（水）氣體（蒸氣），而係放水、掠水、散水。

當全世界嘅股市（除咗內地）喺三月左右都係悲情股市時，其實資金已悄悄咁流咗出嚟。無啦啦點會有咁多資金？咁當然係由美國政府先發動嘅放水政策啦。各國為咗救市，乜嘢幾十億幾百億嘅方案都掟出嚟，印鈔機已悄悄開動。要有錢？So easy！政府會放水。當水一多，市場又要諗下呢 D 資金點去運用。

近期有資金係咁流入亞洲區股市，睇速度應係比歐洲嗰面多；而歐洲亦比美國嗰面多。嗰日睇財經台點醒咗我，可能係有基金減持美股增持亞洲區股票？其實好有可能。今次升市由萬五點買上家下萬七點，成交唔細，有成八百幾九百幾億，而且升勢好急，種種跡象顯示大戶做緊嘢。

要知道基金經理一買完貨，係唔會咁快散水嘅。要賺錢，一定要多 D 人落搭。呢個 weekend 小弟搭車都聽到 D 師奶阿叔講話個市咁升，匯豐中移動唔買買唔到貨喎。

相信個市升咁急，一定會回一回作整固。當整固之時如無意外散戶亦應會見低即吸，以防最心痛是買得太遲。呵呵，當大家都入市，連淡友都轉好友（小弟都係由淡轉好，哈哈）就係掠水之時。

咁 next step，之唔係散水囉。

小弟估個市會升到兩萬點，其實諗落可能都有 D 保守。不過投機從來都係摸著石頭過河，見步行步啦。

又一次證明趨勢係你嘅好朋友呢。

祝各位有個愉快嘅周日。

Cheers!

******

哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

決戰 250天線

2009-05-07T22:09:00.000+08:00

港股六個交易日以嚟，恆指升咗超過 2000點！恆指一日破萬五、一日破萬六、抖咗三日後今日恆指破埋萬七！過去 3日 230 隻熊仔死晒！

港股今日追隨外圍嘅升勢，一開市已經裂口高開 443點見高位17327點。臨食 lunch 前開始回軟，之不過下午茶時間３點鐘左右好友又響鐘，買買買買買買買，最後收市恆指守得住萬七，報 17217點，升 383點或 2.3%。最緊要係睇成交，有成 952億，而且期指低水縮窄咗。

250天線一向都係公認嘅所謂牛熊分界線。家下恆指 250天線嘅位大約喺 17486點，初見阻力；好友淡友將會喺度有強大嘅角力。不過阻力係要嚟破嘅而唔係要嚟擋住個升勢，相信喺呢個頂住個市跌多幾次，好友又試衝幾次，最後應會衝得過呢關，然後向下一站二萬點邁進。

聽日凌晨 4點鐘美國就會公布銀行壓力煲測試，夠竟係咪真係你有壓力我有壓力未解決，聽日瞓醒就知。不過美國財長蓋特納提早話咗 19 間壓力煲測試嘅銀行都冇破產嘅風險。唓，咁又點？冇破產壓力唔可以話錯，但有集資需要嘅銀行亦有十多間咁多就真珠都冇咁真！

美國今晚出咗幾個數據，又竟然做得唔錯。美國首季非農業生產力按季升 0.8%，略優於預期；申領失業金人數減少 3.4萬人，好過預期；通用汽車首季蝕 465億，又係好過預期。

當大家都唔信個市會繼續升，想入唔敢入，想放又唔敢放時，淡倉未夠貨，大戶唯有做好唔做淡。先挾淡友，當散戶落搭買貨，做淡先係時候。

今晚早 D 瞓，聽朝起身睇壓力測試結果。

Cheers！

******

哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

2009 殺熊記

2009-05-07T00:31:00.000+08:00

外圍冇方向，大家亦都以為升咗咁多日嘅港股會冇厘神氣，點都要抖抖啩？加上美國銀行壓力煲測試呢個禮拜四就有結果，大家緊係希望少做少錯，唔做唔錯咁啦。

如果你咁諗，即係同一眾散戶毫無分別，好難跑贏大市。港股就喺大家食完 lunch 後發神經，有匯控 (#00005) 做火車頭帶領大市一度衝破 16800 呢個久違了嘅高位。就咁衝一衝，又殺多 26隻熊仔。呢幕血淋淋嘅殺熊記，好友做得漂亮。

尋日維京人漏夜出咗 post，話恆指今次升浪有機會見二萬點。配合今日升市有成 804億成交，更加增強小弟嘅信心。

有朋友可能見維京人喺度吹水唔抹咀，問有乜證據話恆指會見二萬點。

咪玩啦，如果睇市都要講證據，咁唯一可以做嘅就係當個市去到二萬點時，就絕對證明冇錯嘞。

不過咁，你又會賺到錢咩？

股市唔會長升長有，亦唔會永遠下跌。只要係自己認為可以承擔風險，有個 direction，有需要設埋止蝕，咁就 OK，即刻可以扑鎚買貨！

尋晚可能出 post 出得太急，冇乜解釋到點解小弟會睇恆指會去到二萬點，喺度補充一下。

1. 睇圖原來恆指已經形成一個好漂亮嘅頭肩底，低位喺 11500 左右，頸線喺 16000 左右，前日裂口高開升穿咗，照計數量度升幅應為 20500 點。

2. 市面太多人想喺萬六萬七呢個位做淡，小弟較早前亦講過話覺得唔對路。如果咁多淡友，大戶冇理由唔做嘢個喎。

3. 基本面嚟睇，近排美國公布嘅數據顯示經濟有回升跡象。

4. 最重要係，今次嘅升市大家都話係有資金帶動。

今日信報畢 Sir 已經講話內地信貸增長太快，第一季度新增信貸 4.58億人仔；咁喺上個月 25日，銀監會副主席話預計今年發放嘅信貸至少八萬億元！真係嚇親人！據聞銀監會稍後發聲明否認。

係咁「放水」，個市唔想好先難！雖然唔排除呢個又係另一個泡沫。

如果各位想買貨又擔心，可以考慮睇埋禮拜四美國銀行壓力煲測試結果。始終呢個亦係一個令人要擔心嘅風險。或者學畢 Sir 話齋，一動不如一靜？

Good luck！

Cheers！

******

哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

如無意外，今次升勢恆指起碼見二萬點！

2009-05-06T01:44:00.000+08:00

冇錯！如無意外，今次升勢有餘未盡。恆指有機見二萬點，起碼！

所謂無意外，係指：

1) 無天災，如去年嘅四川地震；

2) 無人禍，如 911；

咁當然，豬流感唔好越演越烈啦 ﹣I mean 只要唔係好似 SARS 咁就得。

有一兩個零星嘅流感個案係唔會影響個市嘅大方向嘅，我諗。

經濟環境仲太差，點會大升呀？你可能會咁問。

但係，如果你相信股票市場同家下嘅經濟係冇直接嘅聯繫，如果你相信股市只係炒心理、炒人心趨向、炒未來、同埋炒信念，呢個世界，又有咩冇可能？

恆指會大升吖！Why don't you believe？

Anyway，相信你自己。所有識講股票嘅人只會識講，未必會買。真金白銀會買嘅你，記得自己做分析，同嚴守止蝕！

Cheers！

******

經濟唔好，有朋友話不如試下攪個 blog，用嚟刊登一下分類資訊。哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

圖表會說話

2009-05-04T21:25:00.001+08:00

又一次技術分析技術性擊倒基本分析。

講緊乜嘢？咪講緊今日港股大升囉。恆指今日一開市已經高開，其後長升長有，收市報 16381點，大升 860點或 5.54%。國企指數收報 9641點，巨升 557點或 6.13%。

市場無懼上個禮拜五香港發現第一宗甲型流感 H1N1個案，仲認為今次疫情冇咁嚴重，又或者今次會好似 2003年 SARS 咁疫症出現代表股市低位已見。

維京人上個再上個禮拜尾話股市會大升。理由係睇圖睇走勢個市氣勢好勁，唔升唔得。不過亦喺上個周末比豬流感越演越烈所影響，冇入到市。呢次好明顯如果維京人唔理基本因素，只要齌睇圖嘅話，係唔會受豬流感影響而已經入咗貨！

好可惜，小弟都係未能夠戰勝感性。同時亦再一次代表咗圖表會說話。

咁樣大升，今日熊證即時死亡破晒紀錄。有 63隻恆指熊證被強制收回，提早打靶。

市場今期炒緊牛市重臨。今日咁樣破關而上，連升三日計原來已經合共升咗 1825點或 12.5%。喺技術上嚟睇，恆指連續出現三支陽燭係好兆頭。姑勿論今次升市有冇基本因素 backup，轉勢之像明顯，恆指上萬七樓上應冇難度。

唯一擔心嘅係期指仍然大低水 130點左右，始乎有好多人仲未肯睇好。

係咪牛市重臨？咪心急，先睇衝唔衝得過 250天線即約 17592點左右先啦。信報曹仁超曹 Sir 話今期唔好 buy in May，曹 Sir 一向睇市準到無倫，今次又睇下佢準唔準？

Cheers！

******

經濟唔好，有朋友話不如試下攪個 blog，用嚟刊登一下分類資訊。哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

奧巴馬百日維新，美股開市大升

2009-04-30T00:10:00.001+08:00

今日期指結算，好友處心積慮嘅步署終可算係力挽狂瀾。冇計啦，受豬流感所影響，前兩日大家都恐慌性拋售。今日受內地 A 貨做得唔錯嘅氣氛所感染，午後恆指急升最高 423點，直迫萬五點。最後以接近全日高位收市，報 14956 點，升 401點。

雖然係咁升，但睇日線圖似係做緊小型頭肩頂跌破頸線後嘅後抽，維京人睇後市有機會見 13600 點左右。加上五月份期指做緊大低水 168點，168 一路發，唔通五月份做淡會一路發？今日美國爆出第一單豬流感死亡個案，好友要小心。

想知道豬流感嘅最新情況，可以到 http://www.pigflufighter.com

今晚原來係 Obama 上任嘅第一百日。大家又覺得佢做成點？小弟雖然喺佢上任前擔心佢淨係喺度吹水唔識做嘢，但見佢上任以嚟真係帶俾美國同全世界有一個 Change 嘅感覺，例如向中美同埋中東國家示好等。而且做錯嘢又肯即刻認錯，好似尋日空軍一號喺紐約上空飛過，令人以為再嚟多次 911 等，難怪佢民望唔錯。

又睇下奧巴馬嘅經濟政策下嘅經濟數據先。今晚美國公布 Q1 嘅 GDP，係負增長 6.1%，遠差市場預期嘅 4.9%，仲係連續三季負增長，係 1974年 Q3 至 1975年 Q1 以嚟最差嘅。其他數據亦唔好，好似房屋貸款申請急跌。

數據咁差，但美股又大升喎。寫呢篇 post 嘅時候道指已升近 2%，約百六點，做緊 8175點。咁你話升市又好難講唔關奧巴馬事咁。

金價尋日大暴跌，跌至 884美元一盎斯左右。但今晚三爬兩撥又彈返去 900邊緣。本身維京人上個禮拜喺 906 左右都入咗浸，但今次冇設到止賺止蝕，家下波幅咁大，真係唔知自己係好彩定係唔好彩咯。

Cheers！

******

經濟唔好，有朋友話不如試下攪個 blog，用嚟刊登一下分類資訊。哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！(雖然已經有成十幾日冇跑過！）

http://runningviking.blogspot.com

經濟唔好又發豬瘟，仲加埋地震？

2009-04-28T01:22:00.002+08:00

上個禮拜五晚先同大家講小弟 expect 今個禮拜會大升，當其時豬流感喺墨西哥都係得約十單咁啫。點知呢個豬流感越演烈，一個 weekend 已經多咗幾十單。好彩維京人亦喺 twitter 同埋呢度叫大家煞車，唔係累大家輸錢就唔好喇。

繼墨西哥、美國同埋加拿大後，今晚連西班牙都中埋招。老實講，感覺真係好似當年 SARS。淨係過去一日，已經有 46人染病死亡。

好彩暫時仲未傳到亞洲。不過亦希望呢個役情可以快 D 過去。

啱啱寫呢篇 post 嘅時候啱啱收到消息話墨西哥發生 5.8 級地震，喺首都墨西哥城有高樓大廈搖晃，有大批白領要疏散到地面暫避。墨西哥唔係咁黑仔吓嘛？

相信地震應係剛剛發生，因為連 cable 同埋 now 都未正式講呢單新聞。

雖然歐美股市暫時都算係回穩咗，但後市 focus 嘅相信仍係疫情。要留意疫情，可以留意下呢個 web site: http://www.pigflufighter.com

呢個世界，永遠都估佢唔到呢。家下對個市唯有觀望，真係冇咩可以做同埋冇咩想做。

最多就買下美金升，不過都係小注算咯。

Good luck！

******

經濟唔好，有朋友話不如試下攪個 blog，用嚟刊登一下分類資訊。哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！(雖然已經有成十幾日冇跑過！）

http://runningviking.blogspot.com

豬流感越演越烈，買貨要猶豫

2009-04-27T00:30:00.003+08:00

市場變幻莫測，維京人星期五晚先話想做好，家下又有猶豫。呀，唔係，唔係猶豫，而係又想轉軚。

猶豫或者想轉軚再轉軚嘅原因係，估唔到呢個 weekend Mexico 單豬流感越演越烈。寫呢篇 post 嘅時候已知墨西哥嗰面已經死咗 68人。香港人，如你如我，對於 2003年經歴過嘅仍猶有餘悸。而且墨西哥就正正喺美國嘅下面，要傳上去，感覺話都冇咁易。

希望墨西哥當局以我哋 SARS 為鑑，有關隔離行動要迅速。陳馮富珍係世衛總幹事，相信對付過 SARS 嘅經驗可以減輕呢次疫情嘅散播。

記得當初香港發生 SARS 初期，個市越做越差。借古喻今，又不能不排除美股會借勢而跌。美股跌，港股想大升都難！

諗起今日周一獄話唔排除豬流感遲早會嚟到香港嘅可能性。諗起乜買貨意欲都冇晒。

大家小心。買升買跌都記得勤洗手！

******

經濟唔好，有朋友話不如試下攪個 blog，用嚟幫各方好友刊登一下分類資訊。哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。扮晒宣傳易先！

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！(雖然已經有成十幾日冇跑過！）

http://runningviking.blogspot.com

下周將會大升

2009-04-24T23:49:00.005+08:00

今日港股喺美國公布銀行壓力測試時失晒方向，唔上唔落唔湯唔水，恆指收報 15258點，微升 44點。今個禮拜港股結束 6連升，一周跌 342點。

留意一下即月恆指國指期貨做大高水。即月期指收 15380點，升 156點，大高水 121點；即月國指期貨收 9050點，升 123點，高水 71點。嘿嘿，今個月仲唔係夾淡友月？下個禮拜三就玩結算，有機會恆指會被抽上 16000點。

尋日維京人話會轉軚睇升，首要恆指要升穿 15800。唯一憂心嘅係五月份期指做緊低水。不過國指勢頭唔錯，今日仲傳資金流入香港係買國企，中資股可以看高一線。

匯源 (#01886) 又傳可樂入股，大升超過 13%。

星期一會睇位，考慮入番 D 貨。中材 (#01893)，中海油 (#00883), 山東墨龍 (#00568), 財險 (#02328) 都係小弟嘅 target。

美國今晚香港時間凌晨兩點會公布 19 間銀行壓力測試結果，小道消息已傳有 16間會攪唔掂被揭資不抵債。不過據聞美國嘅政府亦否認咗。是龍是蟲聽日瞓醒就知。

Ford (F) 首季蝕 14億美元，每股蝕成 60美仙。不過其實分析員普遍佢係蝕 1.23美元嘅，開出嚟嘅結果好過預期，分析員又跌眼鏡。行政總裁 Mulally 仲期望 2011年可以扭虧為盈，認真神勇，難怪今晚美股一開市佢就暴升 15%。Ford 己經被喻為美國三大車廠方入面最健康嘅，唔排除日後有機收購埋 GM (GM) 同埋 Chrysler 。

今晚仲有好多美股公布業績，好似美國運通 (AXP) 首季盈利跌 56%，美國信用卡業務今期大蝕。3M (MMM) 盈利大跌，仲預期全年業績會倒退。反而 Amazon (AMZN) 第一季度做得唔錯，微軟 (MSFT) 就真係微軟，比預期賺少咗錢。

美國公布 3月新屋銷售下跌 0.6%，以年率計即係 35.6萬間，較 market 34萬間多。樓價就微升，由 2月平均價 25.51 萬美元升至 3月嘅 25.8 萬美元。

喺好壞消息混合下，美股今晚一開市反而做得唔錯，寫呢篇 post 嘅時候已經升咗超過 100點。

歐洲方面，德國 IFO 數據強據，進一步推高歐羅，曾高見 1.33。小弟今晚已經有賺。

金價一如小弟預期升超次過 900 美元一盎斯，最高見 113。小弟之前 set 咗 trailing stop，於 905左右已止賺，入貨價為 860 ~ 880。由於見個勢有餘未盡，喺 906 再追。睇新聞話原來祖國增加咗黃金儲備，目前黃金儲備已經達到 1054噸。

美國歐洲係咁印銀紙，阿爺調整下個投資組合都係無可厚非。

另外，今晚見挪威克朗又做好，小弟小注已買入。

有關 forex 同 spot gold 嘅 update，請見維京人嘅 twitter。

祝各位有個愉快嘅周末。

Cheers！

******

經濟唔好，有朋友話不如試下攪個 blog，用嚟刊登一下分類資訊。哈哈，為咗又一再嘗試 Web 2.0 嘅唔同可能性，整咗個維京人分類資訊，得閒望下。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！(雖然已經有成十幾日冇跑過！）

http://runningviking.blogspot.com

考慮轉軚

2009-04-23T22:51:00.001+08:00

尋日港股玩單日轉向，跌超過 400點。雖然跌市成交升，利淡，但維京人叫大家唔好睇咁淡。結果？今日恆指倒轉升番 336點，收報 15214點。

叫人唔好睇咁淡，理由係太多人睇萬六係個頂，通常咁多人睇嘅時候結局都係非如大眾所願。再留意下近期港匯轉強，金管局係咁沽美元，似係有資金流入香港？至於係買樓定買股票，定係準備定買人仔，就真係天曉得。

近期維京人呢個淡友打算改變看法。當個市由低位升到咁上下先改變看法又真係幾癈。但小弟唔係靠分析股票糊口，只係喺度分享看法。而且投機嘅嘢，無謂同錢拗頸，見個勢係咁升上嚟，唔買貨亦非上策。

咁即係點呢？暫時觀望，等候恆指升破 15800 左右。睇圖表如果升穿 15800，即係突破由 2007年十月畫落嚟嘅下降軌。突破後應會大升。暫睇 17000點，先殺一批淡友，再睇 20000點，直至最後一位淡友投降。

如果唔穿 15800，小弟都未必會咁有信心要入貨嘅。但如果要入，考慮長線買財險（＃02328），雖然佢係三隻中資保險股入面基本因素係最差嘅。但睇五年圖似做緊大型頭肩底，睇 $10。

渣打 (#02888) 打算喺印度上市，集資超過十億。難怪近期大升，似有勢。

有網友問維京人點解近期咁睇好金市。其實理由好簡單，就係因為各大國都已經開動印鈔機，每一種貨幣都會偏值，通漲會來臨，黃金似會保值。

睇圖，近期嘅金價走勢卻比較幾肉酸，喺 2月尾 3月頭環球股市風高浪急時見過 1000美元，但無力再上。一度維京人仲以為佢做緊頭肩頂，但似跌到 860 又跌唔落（否則睇圖應見 800)。真係唔知佢想點。

今晚美國有大數據呢。首次申領失業人數升至 64萬，較預期多。未到年中失業率已去到 8 - 9%。二手房屋銷售跌 3%。

消息刺激，金價一度挑戰 900美元一盎斯。短期睇 930 - 940，不過阻力好大。

維京人係 Apple (APPL) 嘅 fans。今日公布業績出乎意料地好，而且傳 Steve Jobs 會喺六月份重返工作崗位，消息刺激 Apple 股價上升，亦令納指 high high 地，寫呢篇 post 嘅時候微升 3點。

市場永遠都係咁迷人。時升時跌，估中市嘅滿足感非筆墨能形容。

Cheers！

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！(雖然已經有成十日冇跑過！）

http://runningviking.blogspot.com

今時今日有短炒冇長揸

2009-04-22T23:32:00.001+08:00

今日港股嘅走向可以話用出人意表嚟形容。朝早開市後曾升過百點，但過咗十一點後已經開始腳軟，但唔算話有咩點跌。點知食完 lunch 後，淡友開始做嘢，恆指仲跌破 15000點，最後以接近全日低位收市，報 14878點，跌 407點。

今日呢種市況我哋叫做單日轉向。跌市成交增，有成 678億。但係咪可以做淡，小弟呢個淡友短期亦開始有保留。理由係個市由低位萬一點抽上嚟近期高位接近萬六點，雖然升幅有成四五千點，但越嚟越多散戶喺高位做淡，大戶又唔似會跟散戶搭埋同一條船。

最好形容個市嘅係：唔似有大方向。不過咁講又好似有 D 癈話，唯有邊走邊看。

家下個市好似玩緊音樂椅咁，今期呢隻升聽日就輪到第二隻接棒。好似前排匯控 (#00005) 係咁抽升，今日就輪到渣打 (#02888)。經高盛同里昂齊唱好，渣打逆市上升，漲 1.3%，收報 $111.1，最高曾見 $114。

睇嚟大戶呢排冇乜錢，要將股仔輪流唱搶錢去也。今時今日炒股票，都係有短炒冇長揸者。

PCCW (#00008) 私有化上訴案件終於攪掂，過程峰迴路轉似睇戲。記得上年第一次話提私有化，造價為 $4.2，後嚟攪下攪下又話要提高到 $4.5，擾攘多時。後嚟又攪出一個種票疑雲，經過長達六日嘅審訊，三位法官裁定證監會上訴得值。小股東當然好高興，話晒高位買入後冇放過，如果私有化成功咪連一絲翻身嘅希望都冇埋？所以睇電視持有電盈嘅伯伯真情流露，忍唔住仲唱埋熱愛香港，好掂！

美國今晚有好多公司開始公布業績。包括第五大銀行 Morgan Stanely。佢開出嚟嘅成績表認真麻麻，蝕 1.77億美元。股價曾一度跌百分之七；反而另一隻富國，盈利破紀錄咁好，賺 30.5億美元，升幅就有百份之七有多。

寫呢篇 post 嘅時候道指開市約兩個鐘，暫報升約 40點。

美元升咗兩日後今晚回一回，歐羅兌美元報 1.3012，今朝曾低見 1.2877 㗎。至於 Spot Gold，喺 881 ~ 890 呢個 range 上上落落咁。小弟都係睇好金價，等待再一次升破 900 美元一盎斯再向 1000 大關進發，目標 1100！

Cheers！

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！(雖然已經有成十日冇跑過！）

http://runningviking.blogspot.com

挑戰高位屢戰屢敗

2009-04-21T22:16:00.000+08:00

上個禮拜尾維京人話要小注 put 一 put，結果又真係開口中。

之不過，咁唔代表小弟有錢賺吖。因為小弟星期一朝早見恆指一跌即反彈，加上怕開會冇時間睇住個市，所以略為蝕少少就平咗隻 put 輪。激死。不過小弟嘅 style 一向係嚴守止蝕止賺，所以金融海嘯對維京人嚟講只係賺錢機會而唔會死守股票牙痛咁聲。

恆指近日一次又一次咁挑戰 16000點，屢敗屢戰遺憾嘅亦係屢戰亦屢敗。既然阻力都叫做阻力，短期個勢又唔似有力再上，個市要跌其實好正常。今日港股借尋晚美股大跌超過二百點一度低開，恆指曾經仲跌超過 700點，最低見 15065點。不過慢慢好友仲以僅餘飲奶之力將個市托番高佢，最後恆指收市報 15285點，跌 465點。

今日好多重磅股都跌得幾明顯：HSBC (#00005) 跌 5.1%至 $52.15，中移動 (#00941) 跟跌同樣嘅 5.1%，報 $70.5 。淨係呢兩嘢嘢恆指已經注定冇運行。

HSBC 唔聽煲呔嘅勸誘，集團旗下嘅私人銀行業務將裁 100人。似乎為反彈完結提供多一個合理嘅理由。

外圍開始轉差，其實唔駛問點解，只因前排虛火升突咗啫。趁美國企業陸陸續續公布業績，加上銀行壓力測試原來一Ｄ都冇壓力（鬼咩，假設失業率１0﹪做壓力測試，家下美國失業率都成百份之八點幾，試嚟把鬼！？），市場又再開始擔心經濟未咁快復元。

避險情緒又再高漲。美元同日圓呢幾日都大升。歐元兌美元一度低見 1.2887；美元兌日圓亦曾見 97.64。當大家又 expect 個市會轉差時，黃金又一次成為資金避難所。Spot Gold 於前兩日低見 860 左右美元一盎斯後，今日又彈番去 890樓上。維京人仍然睇好黃金，低過 900 買實金一定有著數。

Cheers!

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

小注 put 一 put

2009-04-19T01:38:00.000+08:00

呢幾日維京人都忙到儍下儍下，繼星期四嘅馬拉松會議後，星期五又要開幾個鐘頭會。家下返工淨係開會就得，其他嘢真係好似唔駛做咁（咁實情就緊係唔係啦）。

Anyway，雖然好似好唔得閒咁，但禮拜五都膽粗粗買咗嘢 put，睇恆指冇力再上。牛熊證成日受靶，真係買嘅興趣都少咗結果睇淡者如我買 put 輪，年期幾個月嘅，目標價為 14000 咁上下。

反而金價大暴跌，果然個樣似係 IMF 沽金？900 美元一盎斯大關衝嚟衝去都衝唔過，黃金好友開始唔耐煩，相信部份持倉者一度退守。禮拜五紐約金曾低見 864 美元一盎斯！短炒者相信晨早已經止咗蝕。不過中長線黃金好友相信會如小弟一樣，入番多少實金？

美元同日圓匯價繼續走強，似乎被險情緒暗暗湧現。

美股禮拜五晚亦繼續膠著，暫未見方向。

祝各位有個愉快嘅周日。

Cheers!

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

全球觸目 China GDP

2009-04-17T01:32:00.000+08:00

維京人今日真係差 D 想死。原因係今日喺公司開咗個馬拉松式會議，由朝早九點鐘開到黃昏七點半，連 lunch 都要喺會議室食。又唔俾人開電腦，又唔俾用電話，攪到睇唔到個市。

各部門今日都 present 咗佢哋嘅績效指標，即係喺過去一個季度 cut 咗幾多 cost。喺咁嘅時勢，瘦身已經成為各部門可以話係唯一嘅指標，正所謂慳得一蚊得一蚊。老細見到各部門都慳咗錢，心情大靚。

尋晚掛住準備 presentation，都冇留意個市。今晚返到屋企後，即刻打開電腦一睇，唉，又係牛皮徧軟格。萬六衝唔上，但又唔係好捨得跌，都唔知佢想點。

冇所謂啦，家下小弟冇股票冇窩輪喺手。

本身推介開嘅財險 (#02328)，自 $4.2左右升到一如預期嘅目標價 $5.2 後，本身諗住會抽上去 $6.2。不過近日就受去年盈利大跌所影響，今日股價大插接近 10%。論基本因素，三隻中資保險股係財險最差。中人壽 (#02628) 就似係未將壞因子喺帳上撇除。暫時睇平保 (#02318) 好似好 D 咁。

今日內地公布全球觸目嘅第一季 GDP，出嚟結果係 6.1%，係預期嘅下限，亦係自 99 年以嚟最差。GDP 已經跌咗一段時間，包括 Q1 嘅數據，已經係連續十個季度放緩。

數據對內地 A 貨同港股影響輕微，反而係自歐洲盤開出後，喺外匯市場有 D 反覆。受數據所影響，市場避險情緒略增，一眾非美元貨幣都係報跌嘅。歐羅曾見 1.3196，澳紙見 0.715，英磅曾見 1.4838。

最奇怪係金價，人跌佢又跌。自從跌破 900 美元一盎斯後，硬係衝唔番上去。今日曾高見 894，但最低曾見 876，波幅不可以謂不大。

睇個樣，金仲係喺長方型整固，等緊突破。維京人喺 879.28 又入咗少少，家下做緊 879 咁上下。

Cheers！

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

等候 40隻熊證打靶

2009-04-14T22:33:00.001+08:00

好友夾淡倉，得勢不饒人。恆指今日又暴升 678點或 4.55%，收報 15580點，認真嚇人。一向比恆指進取亦比恆指冒險嘅國企指數今日就升 383點或 4.34%。按百份比冇恆指升得咁勁，收報 9214點。

恆指由三月初低位約 11500 升上嚟，短短約一個多月原來三爬兩撥已經升咗接近四成。

淡友勢弱，無謂硬碰，尤其唔好買熊證。今日就有 36 隻恆指熊證、7　隻國企熊證、11 隻股票熊證享受終極打靶。家下仲有約 40 隻恆指熊證回收價為 16000 或以下。好友係咁夾，淡友難度要等呢 40隻熊證打靶先出嚟做嘢？

個市升咁多，基本上大部份嘅大藍籌都已經見到呢一個月嘅高位。尤其係匯控 (#00005) 等金融股，要幾彈有幾彈有幾彈。今日匯控返番去 $55 樓上，大升超過一成。唯獨另一大藍籌中移動 (#00941) 仲係大落後唔肯移動。今日都係做緊 $69.8。可能因為佢之前跌得少嘅關係？

睇圖表恆指同埋好多股份其實都係做緊頭肩底型態，頸線之唔係 15700 咁上下。個人睇上升勢頭應差唔多完結。

睇下外圍，今晚美國嗰便嘅數據麻麻地。三月零售下跌 1.1%，終止咗連續兩個月嘅升幅，亦遠差過市場預期嘅上升 0.3%。而上月嘅生產物價指數 ...... 更加嚇人！按年跌 3.5%，係 59年嚟最大嘅跌幅。

美元亦因為咁而大跌。尤其係 USD/JPY 呢一 pair，今晚真係跌到啤啤聲，由高位 100 樓上跌到家下做緊 99.14，曾經仲做低於 99！至於美股，寫呢篇 post 嘅時候道指開市約一個鐘左右，曾經跌多過１00點。

如果仲有貨留喺市場，且戰且走吧。

Cheers!

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹
6: 先到 Utrecht 鐵道博物館，再到 Rotterdam new!

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

先到 Utrecht 鐵道博物館，再到 Rotterdam

2009-04-12T23:11:00.020+08:00

話說年初一至初三已經喺 Amsterdam 玩咗三日，係時候出發去下一站 ﹣Rotterdam 鹿特丹。

出發之前，其實真係好唔捨得 Amsterdam 呢個城市，因為實在太有特色喇。細小嘅運行貫穿整個城市，加上電車同丹車，雖然凍但感覺好舒服。出發去 Rotterdam 前，反而先去 Utrecht。

Utrecht 烏特勒支已經喺初二去過，不過嗰日趕唔切去火車博物館，決定再訪呢個亦好有特色嘅城市。

鐵道博物館離 Utrecht 中央火車站約十五分鐘路程。由於已來訪過，已經認得路。以下就係博物館門口。

鐵道博物館 Spoorweg Museum 係由火車站改建而成，館內透過模型同埋相片嚟介紹鐵道嘅歴史。最過癮嘅係戶外所展示嘅各種真實比例嘅蒸氣火車。一共超過 60架，有 D 仲可以上去參觀。講多無謂，睇相吧啦。

估唔到淨係喺鐵道博物館都玩咗成個上午。喺博物館入面食埋 lunch (都係麵包加咖啡），返番 Amsterdam 攞行李都差唔多成兩三點咯。即刻出發到據聞有好多特色建築嘅鹿特丹。

大概四點左右就到咗 Rotterdam，不過我哋唔係去 Rotterdam 中央車站，而係去另一個「大站」 Blaak。呢個站較為近酒店。

一出火車站，就見到呢個站嘅特色建築：半圓飛碟型嘅火車站頂。呢個站旁邊就係睇旅遊書成日見到嘅立體方塊屋 (De Kijk-Kubus)。附近嘅一棟高樓令我諗起澳門蒲京。

睇地圖終於搵到酒店。嘩！？唔係吓話？點解係架船嚟嘅？

原來呢個亦係呢間酒店嘅特色之一。基本上佢係起喺運河旁邊，造型好似成架船咁。據聞每間房都有佢嘅特色。論整潔程度小弟俾呢間酒店 99分，因為入面好乾淨。

放低行李抖一抖，馬上去市中心轉咗一圈。原來鹿特丹真係好鬼細，行吓行吓已經去到中央火車站附近。途經據聞係全世界道個行人天堂嘅林班商業街 (Lijnbaan)。兩側商店同 coffee shop (真係飲咖啡而唔係食大麻），街道中央仲有小攤販，同埋花圃。

鹿特丹周圍都好多高樓大廈，同香港感覺差唔多。

不過歐洲 D 鋪頭實在閂得太早。行得一陣原來已經係下午嘅六點鐘，各鋪頭已經速速閂門大吉。冇乜邊度想去就去咗食中國快餐。

中國快餐喺荷蘭真係好受歡迎，好多鋪頭都有個鑊字結尾，例如 China Wok, Charlie's Wok 等。兩個人點咗兩客粉麵連湯，咁就駛咗差唔多成二十歐羅（約二百零蚊港紙）。真係令小弟有衝動即刻喺當地開番間 Viking's Wok 掠水。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹

******

近排比較忙，如果想睇維京人嘅 update，可以去 twitter。

******

維京人近期愛上跑步，有空請幫幫忙為小弟打氣啦！

http://runningviking.blogspot.com

Easter Holiday ...... None of my business ......

2009-04-10T01:28:00.002+08:00

冇，呢排好忙咁啫。

復活節假期 ...... 好似同我冇乜關係咁 ......

祝各位有得放假嘅朋友有個愉快嘅假期！

今晚美股大升，睇下可唔可以 keep 到下個禮拜一？

Cheers!

反彈似完成，熊出沒注意

2009-04-07T22:15:00.002+08:00

上個禮拜連續三個禮拜報升嘅股市，踏入呢個禮拜開始現回吐。恆指萬五點果然阻力重重，尋日試過衝唔上去跌番落嚟，今日則牛皮格局，淨係跌咗 69點，收報 14928點。

國指則收報 8772點，跌 31點。不過留意國指企貨低水超過 117點，有 D 睇淡後市嘅味道。

有人話呢兩日嘅回吐，似係急升後嘅調整，好快會繼續升番上嚟。

而維京人則睇呢期反彈似係完成，係時候營造熊市三期。

尤其係美國上市公司開始喺呢個禮拜公布業績期，預期業績會有驚無喜。

寫呢篇 post 嘅時候美股已開市。道指大跌 171點。睇嚟美國股民，同樣對將會公布業績嘅上市公司不寄厚望。

都係買金好過。

今日有單新聞令小弟比較留意嘅。九倉 (#00004) 持有嘅電車公司可能會易主，理由係傳法國公司 Veolia 提出收購。其實如果講電車作為交通工具嚟計，盈利冇乜特別吸引啫。睇嚟呢間法國公司可能有其他後著，唔通想攪電車 coffee shop 乎？

******

今日比較忙，如果想睇維京人嘅 update，可以去 twitter。

******

荷比盧+巴黎遊 (有時間一定會再寫）

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

趁低吸納，講緊嘅係金而唔係股票

2009-04-06T23:47:00.002+08:00

上個禮拜五維京人落咗盤買挪威克朗 (NOK)，價位係美元兌克朗 $6.5406 短倉，尋日仲喺度特別推介，要大家留意挪威呢個國家。嘩！點知今日朝早 NOK 係咁升，一度曾見 6.4596，差唔多成 810點子。最後經止賺盤啟動，喺 6.4923 平倉，一個 weekend 已經執 483點子，係近期嘅好成績。

克朗始乎唔係一嘢就升，家下已回吐至 6.6088。如果升勢持續，要候 7.2 長方形頂端先至會再留意。不過駐挪威 blog 友 Desertfox 亦提供咗一個數據俾維京人，話挪威嘅經濟係比較濟後，好似當年 2000年科網股爆破咁，挪威經濟要到 2003年左右先回落落嚟。喺度要借此多謝佢提供嘅資料，又對分析呢個國家多了幫助。（出外靠朋友嘛）

講番港股，維京人喺 twitter 度講過話呢個禮拜考慮買熊仔。本身今日都諗住買，雖然小弟放假不過去咗拜山，所以都冇買到。恆指今日曾升過 600點，最後收報 14998點升 452點或 3.11%。15500 點會係好大嘅阻力，如果要入市我睇向下嘅力水應該比向上勁。買熊仔小注設止蝕即可，不過最緊要自己做分析，因為 D 錢係自己嘅。

雖然冇入貨買熊仔，不過維京人經 iPhone 今日下午都買咗 Spot Gold。平均價係 $878 美元一安士。雖然家下報 $870，但冇有怕。理由係維京人前排講過，各國咁樣印銀紙，最可靠嘅一定係實金。總之每次跌破 $900 買入實金就實冇衰，若有槓桿咁炒就可能就要設止蝕。

金價呢幾日回吐，理由係傳 IMF （國際貨幣基金）要沽金，用意係幫助貧窮國家援助。

咁啱今晚 now 財經台王冠一亦有講金，同小弟不謀而合，佢都係睇好金嘅。咁當然佢就高幾班啦。佢話（大意如此）各國貨幣前景可慮，一般嚟講通漲就會隨後淹至；而黃金前為通貨，有保值作用。家下 IMF 沽金救窮國，其實可能別有用心，因為佢沽嘅額都好少（實質數據維京人手頭沒有），其他國家嘅資助都超過呢個額好多。加上前車可以為鑑，之前每次有國家沽金後，金價都係升嘅。觀乎咁多個因素，閣下可以自行判斷也。

******

荷比盧+巴黎遊 (有時間一定會再寫）

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

今期，挪威有森林

2009-04-05T13:54:00.004+08:00

G20 日前喺英國倫敦開完峰會，商討如何應付呢嘢全球金融危機。大家都集中喺國際貨幣基金（IMF) 等嘅改革。

法國佬又再一次發揮佢哋玩嘢嘅政治態度，想將香港同埋澳門列入逃稅天堂灰名單。不過阿爺夠實力同夠牙力，加上 Obama 親自俾面幫拖調停，最終香港同澳門都冇事仲喺張白名單度。

與會國同意以 IMF 為重心，新增一萬一千億美元，去協助救亡海嘯後千瘡百孔嘅全球金融。一萬一千億美元即係約八萬五千三百港元，用阿拉伯數字寫出嚟即係 8,530,000,000,000，咁多個零感覺真係目不暇給！

其實 IMF 唔係銀行，只係類似 auditor，以監察外匯市場同穩定各國嘅貨幣。好就好在佢有儲備金，可以借俾其他國家使用，以達到短時間可以穩定貨幣嘅目的。

咁，儲備又何來呢？今期 G20 會議後，加拿大、歐盟、日本同埋挪威已表示，將會透過雙邊協議嚟為 IMF 充裕資金 2174億美元。其中日本出 1000 億、歐盟出 1000億、加拿大出 100億，而挪威亦出 47億。

咦？未住先，乜挪威唔係歐盟成員國咩？喺維基搵一搵，原來 1972年同埋 1994年挪威曾攪兩次投票入歐盟，最終都係冇通過。主要係怕加入咗歐盟後會對國家嘅農業帶嚟衝激。

小弟對挪威嘅認識，開始係從 Beatles 嘅 Norwegian Wood 同埋村上春樹同名嘅小說《挪威的森林》而得知嘅。其餘嘅只係知道挪威有好多三文魚同埋石油、出名嘅 Ikea 同埋 Absolut Vodka 係喺佢隔離國家嘅瑞典出嘅、同埋三年前左右馬會有得賭挪威波（尤其係 Stabaek 係上年冠軍）！

開始寫 Blog，亦用咗維京人呢個名，就更加對呢個北歐國家留意喇。後嚟認識咗挪威Blog 友 Desertfox，咦？原來挪威嘅經濟唔差喎，受金融海嘯嘅影響冇其他歐洲國家咁大鑊。

再加上日前睇到滙豐發表嘅一份報告，大力推介挪威克朗，認為這種貨幣有潛力成為「終極避險天堂」（the ultimate safe haven）。通常一吹雞大家就埋位，連信報阿畢 Sir 亦加多一筆，話挪威克朗 (Kroner，簡稱 NOK) 可能係世界上最好嘅貨幣！！！問你死未！？

咁佢陳列嘅理由又幾好喎：美元、日圓、瑞朗等傳統嘅避險貨幣，都因為央行濫發鈔票而有貶值壓力。求其揀一種都只係揀「差得最少」嗰隻咁啫。黃金長線看好，但走勢都幾飄忽（睇到袁彌明個 blog 就知道難炒），睇嚟睇去，挪威係坐擁巨額經常帳（唔係都唔會自己出 43億美元俾 IMF 啦）同埋財政有盈餘，中長線睇好 NOK 走勢。

維京人一睇，緊係即刻睇圖表啦。原來美元兌挪威克朗喺上年 2008年5月開始上升，直至 10月開始到今年 3月左右都係做緊一個長方型走勢，喺 7.26 同 6.55 呢個區間陪徊，而３月下半個月已經向下作出突破。換言之，克朗有上升嘅動力。

維京人亦喺星期五晚落咗盤。原來挪威 Kroner 嘅 spread 大到不得了，一買已經蝕數十點子，好難炒。不過當晚 USD/NOK 向下勢頭強勁，家下已倒蝕為賺，睇走勢 NOK 應該仲有得升。暫時持有 USD/NOK 短倉。

投機炒股，最忌見樹不見林。而家下發現挪威嘅森林比想像中更值得留意，大家不防都睇下呢個國家跟住有乜投資／投機機會？

祝大家周日愉快！

Cheers！

******

荷比盧+巴黎遊 (有時間一定會再寫）

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

報復式反彈，恐慌性買貨

2009-04-02T21:49:00.003+08:00

維京人呢兩日都比較煩忙，都冇乜時間寫下 blog。淨係喺 twitter 留下言咁啦。

星期一秋官效應過後，一 Q 打散咗個市。星期二星期三喺 G20 峰會開幕前觀望氣氛濃厚。

今日 G20 正式開會，之前仲以為冇料到，點知冇料冇料突然間胡主席又同阿薩爾科齊會晤，胡主席仲話呢個係中法兩國嘅新起點。似乎又係以為冇可能發生嘅嘢又會發生。

壞消息又唔係咁多，好消息就好似滲吓滲下滲出嚟。近排美國嗰便幾個數據都出乎意料咁做好：好似星期三晚公布嘅多新屋動工量，製造業指標同埋二手待售房屋銷情等，睇嚟反映緊一個現像，就係救市嘅效用開始有 D 效，經濟衰退可能已經見底。

既然疑似見底信號出現，散咗嘅市好快又三爬兩撥砌番上去。

好友忍得個市耐喇，今日玩報復式反彈，恐慌性買貨，仲彈到你唔信！今日恆指結果暴升 1002點，或 7.41%，收報 14521點。一眾大小股民簡直充滿亢奮，今日恆指已經收復今年所有嘅跌幅！

做淡友嘛，肯定死晒！一切重要嘅阻力位都破晒！

維京人雖然一如以往咁睇淡，但亦喺上兩個禮拜已經不只一次咁叫大家短線唔好睇咁淡。尤其慶幸自己禮拜一嘅時候推介咗財險 (#02328) 同埋中海油 (#00883) 俾大家，成績有目共睹。

六行三保全線做好：六行均上升超過 3% 至 8%。中資保險股嘛，中國人壽 (#02628) 升 5.88%　唔算叻吖；中國平安 (#02318) 升嗰 9.2% 唔算叻吖；小弟推介嘅中國財險 (#02328) 更上升 18.35%！！！呢 D 先係幫大家賺到錢嘛，絕對唔係馬後炮呢。

財險既然第一個位 $5.2 (今日收報 $5.16) 已算係達標，下一個位睇 $6.2，長遠少少睇 $8。至於中海油，目標唯持 $10。

今日隻匯控亦升得好勁，大升 15.29%。維京人個多月前係叫人唔好供股嘅，呢期亦跌眼鏡。不過唔買唔供只係會賺少咗，唔會有損失。

Okay，講咗咁耐，點睇後市？Umm ...... sorry 呀，高處不勝寒，小弟仲係睇淡喎，仍然覺得恆指會 touch 四位數，家下嘅經濟數據好似係虛火咁。不過正所謂趨勢係你嘅好朋友，做淡就無謂喇，買貨就設止蝕啦，而且係要好老土咁講句買股唔買市。

匯市方面，歐洲央行只減息 0.25厘，有少少出乎意料之外，所以企得穩。家下報 1.34 咁上下。出人意表係因為尋晚歐羅區數據勁差：製造業活動連續 10個月萎縮，上月失業率則為 8.5%，高於預期，大家仲以為歐央行會大大力減息所致。

今晚維京人買咗 USD/JPY 呢一 pair，睇佢會衝破 100。詳見小弟喺 twitter 嘅 update。

Cheers！

******

維京人將過年去旅行嘅相整咗 D product 擺咗喺 ebay，有興趣嘅話可以以關鍵字 Amsterdam 喺 eBay 度搵下。

Cheers!

******

荷比盧+巴黎遊 (呢個 weekend 再寫啦）

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

秋官效應，一 Q 打散晒個市！

2009-03-30T21:15:00.002+08:00

正當全香港嘅股民正憧憬股市牛仔初現時，期指今日結算就玩反高潮。恆指今日收市報 13456 點，跌 663點或 4.7%，成交515億元。國指就仲跌得犀利，暴挫 581點或 6.85%，收報 7900點。

個市跌得咁勁，事後孔明緊係有理由。除咗係近排因為個市升得多要回吐，加上期指結算，好友要食都食飽咗外，原來今日仲傳美國政府汽車工作小組 reject 咗通用汽車同埋佳士拿提交嘅重組計劃，話要警告兩間公司均可能經歴破產以削減債務。消息一出，市場大呼大鑊，股市應聲下跌。

結果今次秋官效應亦無可避免地再次實現。你話邪又好咁啱又好，小弟喺 3月 15號嘅時候亦曾經喺度提過大家要小心。總之 Adam Cheng Effect，唔信到足都要有所避忌。想睇番過去歴史阿秋官同股市嘅關係，可以去維基百科望望。

寫呢篇 post 嘅時候美股仲未開市，但道指期貨已經跌咗超過一百七十點。

維京人尋日已經喺度講話對近期升市有保留。鬼咩，小弟係淡友嚟㗎嘛，仲成日喺度睇恆指會見四位數。Weekend 仲諗住短期個市有得升，話最緊要睇埋今明兩日。結果今日睇嚟已經俾咗答案俾大家。

對於維京人愛股財險 (#02328) 同埋中海油 (#00883)，回吐反而係買貨機會。

股市難搵食，不如又睇下匯市。雖然今個月美國正式開動印鈔機，但維京人上個星期叫大家唔好睇淡美元，結果呢個禮拜美元都係回升嘅。歐元兌美元繼續玩暴跌，家下報 1.3169。

星期五落咗盤買入 USD / JPY，今朝一起身賺咗幾十點子，點知冇放到下午一望，反而變為要止蝕。家下報 96.97，今日低位曾見 95.96。可見玩 forex 其實都真係要好短線。暫時仍睇好呢一 pair，理由係三月日本年結多咗錢匯去日本，令到美元兌日圓升勢受阻。過埋今個月呢一 pair 有追落後嘅機會。

******

荷比盧+巴黎遊 (下個周末再寫啦）

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

短線看好，中線有保留

2009-03-30T01:15:00.002+08:00

近排個市係咁升，對於於低位入貨嘅朋友，維京人係衷心恭喜佢哋嘅。因為咁嘅波幅，如無意外（即係只要唔好買錯股，例如 Esprit #00330），相信已經執唔少。

維京人呢類睇淡之流，咁就當然捉唔到呢個浪啦。好彩喺 3月 15號喺度已經叫人短期有反彈，冇理由唔跟趨勢走。如果唔係一味做淡者，或只聽小弟於 10 月話睇淡之流，應該死得好慘。要記住呀，趨勢係你嘅好朋友呀，逆市而行，真係好難幫到你。

關於趨勢，呢點維京人絕對奉行不怠。

基本上維京人近排真係冇乜炒股票窩輪同埋期指等。理由係自己同自己講過，2009年年中之前都唔會買入咩股票，再加上流年不利嘛，如果買咗容乜易累街坊？雖然捉到浪但賺唔到錢，但起碼牙較羸咗，同埋家下冇咩損失吖。

暫時睇，仲係睇好中海油 (#00883) 同埋財險（#02328)。前者目標 $10，後者目標 $5.2，中長線睇高少少 $6.2 甚至 $8。

維京人對於近排嘅升市，老實講，或多或少係有保留嘅。短線看好絕對冇問題，中線嘛 ...... 暫有保留。睇埋三月尾呢兩個交易日係點先算！

******

荷比盧+巴黎遊 (下個周末再寫啦）

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

一年容易

2009-03-25T22:48:00.006+08:00

今日係 3月25日，原來唔經唔覺維京人已經寫咗 blog 一年。

過去一年，股票同外匯市場都風氣雲湧過。尤其係金融海嘯，大家都話係百年難得一遇，維京人亦好慶幸自己有將呢個過程以文字嘅方式喺 blog 度紀錄落嚟。

開始寫 blog 前，都有留意人哋嘅 blog 㗎。淨係覺得點解 D 網友成日都咁得閒，可以成日都有 update ，同埋願意 post 出嚟同大家分享。實情心底裡很配服寫得頭頭是道嘅 blog 友。

開頭都諗緊有乜好寫呢？自己又 keep 唔 keep 得住成日 update 呢？

講起嚟都覺得好奇怪，當自己開始寫後，原來真係某個程度上有 D 上癮。誇張 D 講，就好似村上話齋，開始發覺唔用文字紀錄落嚟總係覺得唔能夠百分百表達自己嗰隻。

咁當然，其中嘅滿足感係來自網友嘅閱讀、留言、同埋鼓勵嘅說話。

亦通過寫呢個 blog，發現對一切財金事物亦比以前留意同埋敏感。亦好彩過去一年自己睇市，都算有所交代，亦不往成日喺度牙擦擦認下叻。

難得肯嚟呢度睇嘅，都冇唾罵我亂噏廿四。回顧一下先：

2008年４月：

強調英磅要逢高必沽 (英磅 - 逢高必沽)，當其時英磅兌美元係 1.97左右，家下報 1.4566。咁當然，冇人炒 forex 會持倉差唔多一年嘅。

2008年6月：

恆指已由高位連跌超過半年，跌至 24000點左右。當其時一眾股評家都認為 24000應該係支持，同埋個市係時候會轉勢。唯獨小弟獨排眾議，喺六月初寫咗篇《六月飛霜》，結果？六月就一個月內跌咗 2000點（家下睇其實 2000點好碎料）。而《六月飛霜》亦係自己覺得寫得比較好嘅一篇。

2008年7月：

成功博到反彈後，建議大家早走早著。

同一個月，Apple iPhone 登陸。維京人勁鐘意，仲開埋 iPhone 維京人呢個 blog。

2008年8月、9月：

開始買貨，不過見勢色唔對，馬上認錯走為上著（大震倉：重演大奇跡日）。

2008年10月：

十月中個市已經跌到阿媽唔認得。HSBC 當其時做緊 $90。維京人係咁叫人沽沽沽沽沽，已且仲要買 put 呢。結果 10月27日就係 Bloody Monday。

10月28日話至 2009年年中，唔買股票都唔會有損失（來回地獄又折返人間）。當其時恆指做 12596點。到今日小弟都冇咩買過股票，亦真係冇咩損失。反而買 put 買熊執咗 D 彈藥。

2008年11月：

阿爺話「冬天來了，春天還會遠嗎？」；維京人話「冬天剛開始，春天怎會近？」。

2008年12月：

聖誕節前匯控 (00005) 反彈至 $90，維京人睇圖覺得超唔對路，強調要「小心匯控」。結果？希望各位當其時持有匯控嘅朋友有聽小弟嘅一詞半語啦。呢嘢亦係小弟另一場漂亮嘅一戰。

2009年1月：

準確估到恆指、匯控、歐羅齊齊跌（三個準繩）。

2009年2月：

估中金價 touch 1000，同埋歐羅俾人夾淡倉 (金價 1000 己達．歐羅淡倉係咁俾人夾)。

外遊回來，發覺要搵錢先要身體好，走去跑步。開埋《關於跑步》呢個 blog。試下紀錄自己嘅跑步 record，同埋作為對自己嘅一個鞭策。喺度又要多一次多謝各 blog 友嘅打氣。好感動~

2009年3月：

反手建議唔好睇淡美元 (美元，唔好睇咁淡），結果係點有待觀察。

同月亦學人玩 twitter 。有時 update 唔切個 blog 都希望留低自己對即市嘅一些睇法。

哈哈，原來寫下回顧，都幾好玩。亦發現自己嘅交易 pattern，其實亦有好多改善之處。喺度多謝大家肯上嚟望望，同埋要再一次多謝各方好友留言同鼓勵。多謝晒。

小弟會繼續努力，同大家一齊賺錢！

Cheers！

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

救到你升為止！

2009-03-24T23:41:00.002+08:00

美國開動印鈔機玩「量寛」，今日《信報》投資者日記畢老林認為有三種可能：

1) 美元會失去儲備貨幣嘅地位。呢點畢 Sir 認為太長遠，不談也罷。

2) 「量寛」令到原本去槓杆化效應放緩，環球股市同埋商品市場會回復短暫繁榮。

3) Market 唔聽聯儲局意思（又有邊個可以控制市場呢隻無形之手？），於是聯儲局變本加厲狂印美元。

即係話畢 Sir 認為要睇下有關嘅「量寛」措施對刺激放貸市場是否有效。

如有，則 scenario 2，否則，就係 scenario 3。

觀乎呢幾日市場嘅表現，似乎係 scenario 2。

要知道，currency 呢就係好相對嘅。相信各位亦不得不認同今期金融海嘯，係冇一個國家可以甩難嘅。（全球化下，邊有脫勾嘅世界？）美國先開動印鈔機，其他國家難道唔駛開麼？維京人先唔信呀。所以喺你印我又印嘅情況下，極度睇淡美元者如意算盤未必打得響。

尋日美元兌日圓做緊 96.00 左右嘅時候，維京人亦 post 過話唔好睇咁淡，仲話第一個位睇 98.00。結果今日曾去過 98.59，家下已經做緊 98.01。中線仲係睇佢好，不過 100.00 呢個阻力真係好有阻力。

歐羅兌美元呢一 pair，短期睇下升唔升到 1.39 咁啦。不過都係徧淡居多。

尋晚美國政府公布咗為美國銀行排毒嘅方案，市場又即刻有反應。道指仲因為咁而大升。港股都唔弱呀，今日恆指又繼續再下一城夾淡倉，收市拉高 462點，收報 13910 點。成交有成 639 億，係近期新高。

後市點睇？維京人本身係睇淡後市嘅，但亦無謂同趨勢對著幹。尤其係美國為咗救市，乜招都會出，一定會救到你升為止。相信年中後個市應可看好。

但睇短線呢，呢期似係為咗做靚 Q1 盤數而做好，加上下個禮拜秋官效應（係呀，我好信邪㗎），同埋業績期後冇乜刺激，估 Q2 有機會向淡。家下諗住下個禮拜初期小注沽一沽，但當然嚴設止蝕。

都係要睇定 D 先。

******

呢兩日天氣會轉涼，各位著多件衫唔好冷親。

Cheers！

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

Cheers！

美元，唔好睇咁淡

2009-03-24T01:03:00.002+08:00

咩話？美元唔好睇咁淡？

冇錯。我講嘅係美元唔好睇咁淡。

我知咁講一定有好多人唔認同。之但係，美元作為全世界可以話係唯人「可靠」嘅貨幣，如果佢偏值，咁點算？

睇好 USD / JPY 呢一 pair。話晒日本嘅經濟都唔慌好得去邊。

家下報緊 96.89，暫睇 98。

至於港股，俾佢升多一兩日。等秋官打枱波。

美股，家下道指仲升超過 300點。

Good luck!

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem
5: 閒逛阿姆斯特丹 new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

Cheers！

閒逛阿姆斯特丹

2009-03-22T21:23:00.029+08:00

年初三早上去完 Haarlem 後，中午又返回 Amsterdam，諗住會多嘢食 D，同埋下午喺市中心四圍遊盪。

睇地圖，發現 Waterlooplein （滑鐵盧廣場）附近有個跳蚤市場。好！一於去睇下。於是乎就坐上呢次旅程嘅第一程地鐵。

呢個就係Waterloo 嘅地鐵站喇。

荷蘭嘅地鐵除咗舊之外，站入面有時會傳出陣陣嘅尿味。相信歐洲好多地方都係咁，基本上同香港嘅地鐵簡直冇得比。

一出站就見到棟似係教堂嘅 building，地面就係跳蚤市場。

成朝都冇乜點食嘢，點都要醫肚先。於是乎搵咗間較為似樣嘅餐廳大快朵頤。間餐廳就係喺以下建築物地下。

價錢約十蚊歐羅一位。我叫咗個魚，點知又係搭薯條。食到濟。

食完飯緊係閒逛，同埋享受一下充滿陽光（但好凍）嘅 Amsterdam 啦。

當地嘅建築好特別。以為去錯咗 Rotterdam。

行吓行吓，咁又去到其中一個景點 Waag （計量所）。

同埋疑似景點馬雷吊橋嘅地方。

睇旅遊書，本來想搵嗰條紅色而有特色嘅唔知乜鬼橋。於是乎搭車返去 Amsterdam，諗住轉搭巴士。點知旅遊書寫錯，攪到搭錯咗巴士去咗 Amsterdam 北面嘅住宅區。（所以本旅遊書已經俾小弟撕爛咗，醒唔起嗰條叫乜鬼橋㖭）

難得嚟到，順便行吓。住它小區中心有個中型嘅露天商場。睇嚟歐洲嘅大減價同香港嘅一樣，通街通巷都係。有圖為證。睇嚟歐洲嘅零售商真係要錢唔要貨喎。

行咗陣就搭番車返去 Centraal Station 附近嘅街道閒逛，仲去埋性博物館㖭。入面基本上都冇乜特別，主要係 D 裸女同埋 SM 嘅相片，同埋一 D 性用品展示等。較為特別嘅請參看下面。

咁樣行咗一日，幾好玩但又幾攰。亦要返酒店 pack 行李，因為初四要出發去另一城市 - Rotterdam 鹿特丹是也。

******

同場加映，朋友 larching 嘅回應。

近有在追看你的歐遊日誌...關於HAARLEM小鎮我有回應....

我不記得有沒有跟你說過，我前幾年去AMSTERDAM的一件趣事。這趣事就是被你提醒了的這個小鎮HAARLEM。(我老早就忙了這鎮的名字，是你這次寫才讓我記回這個鎮名。)

事縁你都知道我很喜歡騎單車，當時其中一天我就在AMSTERDAM租了一輛單車，準備騎車渡過那一天。當時前有另一位朋友就跟我說過HAARLEM這鎮很有趣，又不遠，應該去一趟。當時一個人去又沒有什麼計劃，就大膽決定了騎車到最近的小鎮一趟。當時應該是食完午飯，就跟著那路牌進發。

一直騎一直騎，加上我對那些里數路牌不慣不熟，一邊看著那些路牌，本來說剩下50，騎騎騎，剩下30剩下10後，突然一下反而升回40。(數字當然是印像)當時已經騎了有一個多小時，以為馬上到的一個地方突然原來還有一段不短的路。

當時還已接近四點，心諗如果一直走回來單車不能上火車就大X獲，又不可能回頭，進退兩難就繼續吧。

不停的騎，騎了總共三小時多，腿都軟了，冬天天又早黑，在天陰陰的情況下終於大概五六點到了HAARLEM。

到了HAARLEM,第一時間到火車站了解單車能不能上火車。好彩，是可以的。

最後在HAARLEM什麼也沒看，天黑黑的情況下隨便騎車兜了一會，在市廣場的一個露天的咖啡店喝了一杯並看著停泊的單車休息了一會後，就坐火車回AMSTERDAM了。

這是一件令我難忘的事，火車20分鐘，我用忐忑、有點不知前路的騎了3個多小時。有點估計錯誤，但還是蠻值得的一個旅程。謝謝你，令我想起這個叫HAARLEM的小鎮。

******

同場加映再加映，朋友 larching 嘅分享。喺度再次多謝 larching 嘅捧場，同埋咁好玩嘅 sharing。

既然寫開陳年舊事，就將陳年COFFEE SHOP細路咪學的隱事分享一下吧。(有些太久了，或含有幻想成份，但事先成明，我從來無掂嗰犯嘢，咪拉我。)

維京人博客內講到 AMSTERDAM 分 COFFEE SHOP 同 CAFE 兩種截然不同的休閒場所，前者MENU上都有名碼實價不同品種草類揀擇，後者卻是拿铁卡布奇诺的專買場所。當年本人與COFFEE雖已認定為終身伴侶，作為大婆的CAFE固然要幫襯幫襯，但既然已到了虎穴，又怎可能不親歷一下異鄉的温柔。

講到COFFEE SHOP，先讓大家了解場景的佈局。COFFEE SHOP的佈局跟一間CAFE不能同日而語，如果要比較的反而跟酒吧更為接近。長長的吧台後設有不同種類的洋酒，燈光是暗暗的，音樂當然也不會是輕輕的CAFE JAZZ或Mcdonalds Music，印像中是較為迷幻有節奏的。(雖然聽朋友講古典威力更強。) 我是晚上進去的，也沒看到客人點任何咖啡杯類飲品，反而看到的都是啤酒、洋酒。格局的沙發、吧台、卡座那種就不說了，不同的，就是吧台上、各茶几上均多了一缸煙草及一些如茶餐廳牙籤筒盛器載著的煙紙。

既然專業到MENU有得揀，煙草煙紙的設置，當然是讓發燒友自由搭配出最心水的比例，但對初哥或只來ONE NIGHT STAND的，你也可以買配好的ONE JOINT (記得好像不是這樣叫的，好像是 ONE PINCH)。

哈哈。終於講到我的戲肉親身經歷。

事關一人在異鄉，起初當然要睇定些，不敢亂嚟。我也入場前就決定，買而不現場食，但既然都進來了，就坐在吧台隨便點了一瓶啤酒旁觀一下四周的情況。神奇的地方出現了。基本上整個環境都滿佈濃煙，如果你學我這樣淨飲幾口，就已經不是一瓶啤酒的感覺。開始面紅耳熱，心情愉快，全身感觀敏感，BUT 仍然好清醒。

當然以我見好就收的性格，差不多就埋單走人，埋單前買了ONE JOINT，諗住回酒店才挑戰挑戰。(挑戰細節就不說了，總之安全情況下是一種比專業按摩百倍的放鬆。)

留在AMSTERDAM接近一周，入COFFE SHOP沒有很多次，因為買了的ONE JOINT,以我的膽量，剛剛好用一周。

哈哈。還有戲肉二。

最後一日，心玩大了，在最後的晚上，我再進入了COFFEE SHOP。也一樣的點了一瓶啤酒，感受了環境一會，但不同的是這次我ORDER了一根細的現場抽了一點。同樣見好就收，埋單走人，但或者真是抽狠了那麼的一點點，加上啤酒，我平時從那位置走到酒店的路程印像是15分鐘，在感觀度及敏感度提升下，雖然是很清醒，但一步一步一秒一秒都走得特別有感受，感覺那實際的15分鐘，好像就了半個小時有多。這個感受是很震憾的。當然，回想起來也是有怕的。

基本上這味嘢畢竟不是化學嘢，安全環境下，ONE NIGHT STAND 我覺得是可接受的一個體驗。但當然不要沉迷，因為絶對唔平。

******

荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

市場維京人 Twitter 版開通喇！想睇維京人 update，請到：

http://twitter.com/marketviking

Cheers！

美元，大暴跌發生

2009-03-20T00:18:00.001+08:00

嚟緊呢個禮拜出發去旅行嘅朋友，如果仲未唱錢，可能成本會大增咯。

點解咁講？咪美元大暴跌囉。

美國聯儲局宣布將購買 3000億美元嘅長期國債，即係話俾人知印鈔機係時候開動。美元即應聲下跌，無論對比歐羅、日圓、加元、或者近期嘅英磅。

美元，尋晚大跌，今晚暴挫！

維京人呢排都有留意開歐羅兌美元呢個組合。上星期收報 1.2929，weekend 嘅時候已經好神勇咁話先睇 1.33。哈哈！三爬兩撥無謂多講，轉眼已達標，而且升勢有餘未盡，寫呢篇 post 嘅時候已經去到 1.37！

暫時睇下個目標係 1.39，但係由於升勢過急，超買嚴重，小心獲利盤突然湧現。但暫時睇歐羅每次下跌都可以買入，除非歐洲央行學埋美國佬 D 衰嘢玩寛鬆嘅貨幣政策。不過政策嘅嘢好難估，唯有小心設下止賺盤。

美元跌，金價油價卻大升。總之金價跌破 900 美元一安士，大家可以放心買入實金。小弟睇如無意外應會再次衝破 1000 大關。

呢兩日維京人掛住理 twitter，同埋公司又多嘢做，都唔係 update 呢個 blog 好密。如果想睇下維京人點睇個市，想 update D 就睇 http://twitter.com/marketviking 啦。

******

咦？係喎，掛住講匯講金，都唔記得講股票㖭。

HSBC (00005) 升勢凌厲，一如小弟預期短線會反彈。個人睇反彈最多最多，都係會去到 60蚊咁上下（其實覺得可能性唔大）。長線仲係對佢有保留，情願買渣打 (02888)。

至於中移動 (00941)，今日公布咗業績，其實唔錯。單係上年第四季度，純利就達到 302 億元人仔，按年增長 11%。不過業績雖好，卻符合預期。市場冇驚喜下收市報 $67.1，跌 1.5%。

關鍵嘅中移動都出埋台，後市點睇？

個市升咗咁多日，點都有獲利盤啩。估計會回一回先。跟住會點要睇埋聽日先。

Cheers！

******

周末繼續寫埋荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

即晚已經賺錢

2009-03-19T07:29:00.003+08:00

尋晚冇 update 到呢個 blog，掛住 update twitter。如果有睇，如果有跟住維京人睇歐羅同金價嘅位買入，即晚己經賺大錢。

去呢度睇吓啦：

http://twitter.com/marketviking

Cheers!

壞消息 + 好消息的膠著

2009-03-18T00:52:00.001+08:00

今日恆指掂到 13226 後缺乏承接，某個程度都係因為中移動所累。中移動 (#00941) 呢個星期四公布業績，隨時會向唔同嘅方向移動。恆指最後收報 12878點，跌 98點。萬三點都係守唔住。

除咗中移動做唔好，中資保險股亦普遍跌超過 4%。三隻入面財險 (#02328) 算係跌得最少嗰隻。

黃昏新聞話香港失業率惡化至5%，34月新高。不過維京人個同事喺呢 D 咁嘅環境下都可以搵到工，證明世事無絕對，搵工都可以濕濕碎。

似乎壞消息唔少咁噃。

之不過到咗晚黑，說話又唔係咁講咯。美國2月份新屋動工量出奇地上升22.2%，仲係1990年以嚟嘅以來最大增幅！真係估佢唔到！睇嚟美國佬要失業嘅都失咗，要減人工嘅都減咗，企業要破產嘅都破咗，淨低未死得而又有錢嘅，咪係時候考慮趁低吸納？

另外，美國生產物價指數僅升0.1%，通脹壓力減，咁聯儲局都唔會有太大加息壓力。

睇嚟美元可以繼續玩弱勢？留意歐羅兌美元係咪可以升番上去 1.3060左右。家下報 1.2996。暫睇有機會去到 1.33。

******

壞消息加上疑似好消息，感覺膠著。暫睇個市仍有反彈動力，起碼會夾一夾班淡友先，然後恆指又會趁一堆壞消息出現而向下墜。

******

周末繼續寫埋荷比盧+巴黎遊 (無錯，啱啱過咗嗰個禮拜仲未寫)

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

維京人有 Twitter 喇!

http://twitter.com/marketviking

市場維京人 Twitter 版開通了

2009-03-16T21:20:00.002+08:00

維京人啱啱 join 咗 twitter。如果你想更緊貼維京人嘅 update，可以去以下網址吖：

http://twitter.com/marketviking

Cheers!

命不該絕，還是只是時辰未到？

2009-03-15T01:47:00.001+08:00

過去一周環球股市大反彈！美國嗰便花旗 (C) 同摩根大通 (JPM)，連埋尋晚嘅美國銀行 (BAC) 報盈喜，近日呢三間大銀行都公布今年有望獲利。美銀仲 predict 全年稅前盈利將達 500億美元。刺激消息令到今周美國道指彈回 7000 點樓上，收報 7223點。

星期五港股亦唔弱，以為係黑色星期五？如果你係淡友就係黑色喇！恆指亦彈回萬二點樓上，一周收報 12525 點，未捨得跌落四位數。有人亦睇美國嗰便 D 銀行似乎攪得掂喎，加上溫總拍晒心口阿爺仲有大把收埋嘅措施刺激經濟，有人問其實家下會唔會係做緊牛一（牛市第一期）？

個市係命不該絕，定係跌市只係時辰未到，冇人可以話到俾你知。如果有，嗰 D 一定係神棍，或者係騙子。

睇淡嘅維京人又點睇？

1) 個市短期有反彈，冇理由唔跟趨勢走。睇好財險 (02328)，似係做緊雙底。家下 $4.21，第一關睇 $5.2 (小雙底量度升幅），第二關睇 $6.2 (12月高位為 $4.7　左右，以近期低位 $3.16 計嘅第二個雙底嘅量度升幅）。

2) 個市有機會反彈幾日。港股要睇禮拜四中移動 (00941) 公布業績。業績好壞都可以令到個市向唔同嘅方向移動。

3) 個人仍然相信恆指有機見四位數。3月30日秋官新劇玩打枱波，大家小心。

4) 歐羅兌美元近期試過 1.24左右無力再插，家下彈返去 1.2929，氣勢有餘未盡，估計有機上升 1.3300 左近。

5) 溫總講嘢擲地有聲，叫美國佬醒醒定定唔好賴債。美債越嚟越似係一個 scam。
Obama 嘅刺激經濟方案銀碼就好刺激但個市就唔係好受刺激，睇嚟大印銀紙都係冇辦法中嘅辦法。除咗美國開動印鈔機，又有邊個國家可以唔印銀紙攪刺激經濟方案？睇嚟唔駛一年，通漲會話嚟就嚟，而且係好勁嗰隻。買實物好，買金銀銅鐵可能仲好。

黃金 touch 1000蚊後已回落接近一成，最新係見 929.4，係時候入番 D。荷銀亦有幾隻黃金嘅 warrant，不過溢價唔少，買嘅時候亦要考慮一下。

祝各位有個愉快嘅周末。

Cheers！

金融股睇法

2009-03-13T01:32:00.001+08:00

個人意見：長線嘅話趁反彈沽咁 D 金融股，遲 D 總可以低過呢個位買番。短線嘛，可以博下反彈嘅，但係要小心回馬槍又淡過囉。

理由：好多銀行或者保險公司盤數其實都有 D 似黑洞，even 五號仔都係。呢個黑洞包括一 D 你唔知嘅所謂玩對沖嘅投機性產品。

******

周末繼續寫埋荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

華爾街大反彈！

2009-03-11T01:08:00.000+08:00

喺留言度維京人已經估嚟緊會唔會有大反彈。點知三爬兩撥，寫呢篇 post 嘅時候 DOW 已經反彈超過 300點！

不過估中又點吖，家下又點敢輕舉妄動？更何況美股升唔代表港股升，港股升又唔代表會買中！

匯控 (#00005) 歐美曾做約 $42，又比香港升約 $4。相信明天截止供股決定前都會做好。但係，咁又點？

今期紅人莫過於槓桿始祖人黃元山啦！黃元山係一個香港人，但亦同時係一位喺金融界打滾超過 11年嘅投資銀行高層。曾經任職過雷曼兄弟、瑞銀、同埋 RBS，就知佢幾有料。今期連 now TV 都搵佢幫口講吓匯控。

連 now TV 訪問佢，佢甚至話家下某部份匯控嘅資產都睇唔通！？！咁，會唔會資不抵債？

Nobody knows。大家就等著瞧吧。恆指四位數仲等緊我哋呢。唔知會唔會喺呢次反彈完成後進行呢？

Cheers！

最後一分鐘．菁姐的眼淚

2009-03-09T21:46:00.003+08:00

一早叫大家唔好買匯控 (#00005)，維京人甚至喺唔少嘅 blog 度留言叫人唔好供股。結果係點？有目共睹啦，今日匯控收報 $33。勁跌２4﹪。

其實本身匯控今日都冇跌咁勁㗎。喺競價時段最後一分鐘，仲做緊 $37.5。但一分鐘原來可以發生好多嘢，就喺收市嗰一刻，咁就由 $37.5 跌到 $37 然後竟然即刻去到 $33！

睇有線，阿菁姐喺匯控 touch 到 $33 嘅時候，仲忍唔住流眼淚㖭呀陰功。感覺哀鴻遍野，攪到佢一時間仲開唔到聲。

佢應該唔係持重貨者，因為晨早已經叫人諗清楚先好供股，叫人唔好一味講個信字。估計菁姐嘅眼淚，係痛心。同埋睇唔過眼大戶，點解喺最後一分鐘都要質低呢隻同港人一同呼吸嘅愛股？

如果唔係金融海嘯，以前真係諗都冇諗過堂堂大藍籌（仲要係 HSBC！）可以單日甚至單分鐘可以有咁大嘅波幅。家下做人真係要有想像力，呢個世界仲有咩冇可能？

如果你有匯控喺手，諗住賣埋供股權出去，哼哼，如意算盤都打唔響呀。匯控咁樣暴挫，唔駛指意認股權值得幾多錢。

淨係匯控，恆指已經奉獻咗超過 400點。今日恆指收市 11344點，挫 576點或 4.84%。

美國今日開始玩夏令時間，美股會提早一個鐘頭（即香港時間 21:30) 開市。

******

周末繼續寫埋荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem new!

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

城鎮雖小，建築美麗 - Haarlem

2009-03-08T23:18:00.020+08:00

年初三早上於荷蘭嘅天氣冷得要命，食咗早餐後係時候選定一個城市去玩喇。為咗下午可以多點時間閒逛 Amsterdam，結果選擇了位於荷蘭北部，距離 Amsterdam 比較近嘅城市哈倫 Haarlem。坐火車約 20分鐘就可以去到。

步出哈倫嘅車站，約向南步行 10分鐘就可到達市區。當天氣溫接近零度，唔知係咪太凍嘅關係，天上氾起一浸冷冷嘅薄霧，但又冇落雪。條街唔算話太多人。

哈倫嘅主要景點係聖巴佛 (St. Bavokerk) 教堂，位於市廣場嘅東側。市廣場有叫做舊肉市場，現代美術館就喺教堂旁邊，不過去嘅時候比較早，淨係入咗教堂。

聖巴佛教堂外觀好鬼莊嚴同雄偉，據聞係屬於後哥德式建築。教堂入面有豪華嘅管風琴箱攞設，加上唔知邊度奏起嘅管絃音樂，感覺神聖。

行完都係朝早 11點左右，好早啫，於是乎四圍行下。

天氣太凍，決定搵間博物館入去暖下先。搵下搵下就去咗泰勒斯 (Teylers) 博物館。以下相片最舊嗰棟 building 就係，睇外型就真係估佢唔到。

呢個博物館好「騎呢」，除咗有義大利、法國同埋荷蘭嘅素描同埋繪畫外，仲有大量嘅化石、礦物等自然科學類嘅館藏。睇番旅遊書先知泰勒斯博物館係荷蘭最古老嘅博物館，於 1784年開幕。

離開博物館後，對出有條河，景色唔錯。天氣太凍，當其時條橋嘅欄杆仲好似結咗霜咁。

睇指示行少少會見到風車。於是乎喺凍到驣驣震嘅天氣下，一路行一路搵。當搵到嘅時候，真係好開心。

然後就返咗去 Amsterdam，繼續閒逛。下次再續。

******

周末繼續寫埋荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

匯控低見 $33！

2009-03-07T12:05:00.002+08:00

匯控 (#00005) 尋日喺勁假時段曾低見 $33，但亦喺短短幾分鐘內反彈至收市 $43.5，都咪話唔神奇。我等散戶當然最好就做旁觀者取好啦。

美國匯控嘅 ADR，好似唔似得香港呢邊有散戶血肉長城撐住，亦冇勁假時段大起大落。跌咪跌囉。收市折合港幣 $39.55，比港股收市跌 $3.95。

同一隻股票，喺唔夠廿四小時內，各人看法有極大差異。果然環球金融，地方智慧。

反觀渣打 (#02888)，尋日係逆市而升，收報 $81.4，升 1.88%。高下立見。

暫時仲未睇得出個市有咩理由會升，熊市仲未到盡頭。

******

一蚊唔只有一隻雞，家下仲可以買花旗銀行 (C)。咁當然，買美國貨緊係要用美金啦。諗起當初高見 $80 美元，星期五美國收報 $1.05，真係買咗唔放就渣都冇。

尋晚有個重要嘅數據：美國失業率係 25年嚟最高嘅，升至 8.1%。究竟 Obama 嘅刺激經濟措施係咪真係可以創造就業呢？暫時好似未見效果。

******

祝各位有個愉快嘅周末！

Cheers！

******

周末繼續寫埋荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

同人唔同命

2009-03-04T22:04:00.005+08:00

一早講咗話今年上半年睇恆指見四位數，家下仲未到。會唔會去到真係天曉得。暫時都唔係好想買股票住。

今日仲係有朋友打電話嚟問我匯控跌到咁低，是否可以買入。都係嗰句，如果買股票係為投資而唔係短炒，無需要買5號仔啫。

大家都係銀行股，點解渣打 (#02888) 可以做咁好，而匯控 (#00005) 又咁大鑊呢？

我諗會考慮等個市回番多少嘅時候，考慮買入渣打。

今日匯控收報 $44.2，渣打收報 $73.35。就等我哋睇吓一年後嘅今日邊隻股份會跑贏？

港交所 (#00388) 今日亦公布咗業績，全年盈利跌１７％。咦？又唔係好差咋噃，表現優於預期，股價漲６﹒６％，報５９﹒６元。不過我都係睇淡。

美國啱啱公布咗就業數據，2月份少咗六十幾萬份子 job，但對市場影響唔大。寫呢篇 post 嘅時候美股做緊反彈，道指約彈 100點。

美元兌日圓 100 呢個阻力仲係未衝破。

歐羅今日跌到 1.2456 反彈，寫呢篇 post 嘅時候，已經彈到 1.2576。

呢幾日維京人俾 forex 攪到有 D 頭痕，前後都蝕咗幾百點子。都係可能唔好持倉太多。

******

周末繼續寫埋荷比盧+巴黎遊

0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

再談匯控供股．講吓匯市走勢

2009-03-04T01:16:00.001+08:00

******

尋日匯控 (#00005) 出業績，轟動全城：業績差咗、派息少咗、仲要供股。睇嚟市場唔係好睇好，即刻放貨作投票。今日收市比起停牌前暴跌 18.79%，即 $10.7，收報 46.25。離維京人尋日計嘅除淨後價錢 $48.49 仲要低。

正當大家擔心咁嘅形勢仲有冇大戶會供股呀？唔駛驚，有散戶血肉長城，仲有各大孖沙撐場。不過由於今日大幅低開，有 15隻匯控牛證已經遭受殘酷一叮，另外仲有一隻未見光嘅牛證唔能夠面世。

富豪支持匯控，仲親體力行走去供股。其實大家亦唔需要因為有錢佬供，你就走去供。話晒有錢佬同銀行嘅千絲萬縷嘅關係，又唔係我同你可以咁一清二楚嘅。值唔值得供匯控，都係睇吓你點睇佢前景點樣囉。如果你百幾蚊買到家下都未放，供唔供股又真係冇乜所謂。因為你連百幾蚊都睇好，咁即係話家下四十零蚊你只會覺得佢係平而唔係覺得佢基本因素有變，咁堅持信念又冇話你唔啱嘅。

******

尋晚 1.2593沽咗歐羅，止蝕設於 1.2625。點知寫完篇 post 冇耐就已經 touch 到個止蝕。結果尋晚歐羅走勢勁反覆，又冇大方向，結果維京人輪咗差唔多 100點。好彩今晚跑步前又沽咗嘢，寫呢篇 post 嘅時候仲落到去 1.2525，都冇咁傷。

家下歐羅徧淡係事實。但短期睇，跌唔落 1.2499 佢仲成日會反彈，而且反彈力度都唔弱，穿破 1.2900 左右就更有戲睇！

另外，美元兌日圓一如維京人所講，100會有好大阻力。三月通常都會有資金回流日本做年結，所以小弟估四月開始日圓先會跌，美元兌日圓到其時將會升穿 100。咁當然，家下金融海嘯已經沖散咗大家一向玩開嘅遊戲規則，玩下手三月份沖破 100 又唔係冇可能。

******

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

穩健不代表盈利能力好

2009-03-02T22:14:00.002+08:00

美股星期五下跌，加上擔心匯控供股，港股三月份第一個交易日係以跌市嚟收市。恆指收報 12317點，跌 494點。成交可能受匯控 (#00005) 停版影響，得嗰 363.6億港紙。

無數大小股民引頸以待嘅匯控終於公布咗業績，去年純利大跌 70%，與上半年純利 599.1億港元相比，即係話下半年蝕咗 153億港元，比市場預期最差嘅預測更差！

業績唔好外，股息亦派少咗，全年計派息約 0.64美金，按年計即係跌 29%。

股息派少咗外，公司同時亦宣佈要供股。

金融海嘯，匯控唔要政府支助都要伸手問股民攞吓錢，以增強本身嘅資本，所以唔供唔供最終都係要供。12供 5，供股價即係約港幣 $28.1。陰功，比市場預期嘅 $33 仲要低呀。

咁如果有一手匯控喺手，即係要供幾多呢？由於佢係 12供 5，揸一手 400股匯控即係話要供 166 股，每股約 $28.1，即係話一手要供約 $4664.6喇。如果以匯控停牌前個價 $56.95 計，即係供完股後匯控只值 $48.49 左右。

難怪呼寫呢篇 post 嘅時候，英國嗰便匯控已經大跌約一成。(大家可以喺 Yahoo! Finance 度以 HSBA.L 作搜尋）

如果有匯控喺手，供 or not 供，相信 it is a question。如果未有匯控喺手，家下又可唔可以入貨呢？

其實匯控已經今時唔同往日。以往銀行可以靠 sell 一啲金融工具賺吓錢，又可以攪 D　消費融資，但家下連 HouseHold 都話要 close，就知道當日嘅高增長 engine，喺咁嘅經濟形勢下未必撻得著。而且，好嘅管理層唔代表唔會做錯嘢，好似買咗 HouseHold ......

無疑供咗股後，匯控嘅財政狀況會比較穩健，但係，穩健又唔代表佢有好強嘅盈利喎。買股票，如果睇長遠，應該睇佢未來嘅盈利能力。

估計匯控有機會聽日會跌穿 $40。

另外，大摩又向港交所 (#00388) 施魔奏，話成交少調佢個目標價為 $15！冇錯，冇睇錯，係 $15。港交所受摩笛影響，大跌 8.07%，收市報 $57.5。

睇嚟，港股後市有機會大插，向四位數邁進。至於會唔會喺今個月達標則要睇著瞧。

******

維京人喺周五晚凌晨 2點零鐘沽咗嘢歐羅兌美元 @ 1.27042，今朝一起身，嘩！歐羅兑美元即兌 1.2600 左右，即係話一個周末就執接近 100 點子，即刻平咗倉先。不過今晚歐洲公佈通漲數據，比預期好，令到歐羅又跌唔落。頭先啱啱喺 1.2593 沽歐羅，止蝕放於 1.2625，睇佢會再有機會跌。

******

荷比盧+巴黎遊，周末再續。
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

市靜．等待匯控業績

2009-02-27T22:24:00.001+08:00

呢個禮拜個市其實都幾悶。以為期指結算會有大起大落嘅朋友可能會失望，因為恆指全周波幅只係得嗰約 600點，星期五收市報 12811點升 112點。

就係因為咁悶，攪到尋晚 blog 都冇寫。其實本身想寫吓匯市嘅，但都差唔多成兩點鐘，所以都係瞓咗咯。

全城都係等緊匯控 (#00005) 公布業績。星期四臨競價時段先俾人抽高，似有春江鴨先知先覺想入定貨先，但亦唔排除有 D 古惑大戶借業績公布炒高派貨。

結果係點？斷估無痛苦，小弟估匯控業績肯定係近七年嘅新低，而且未必會帶俾人驚喜。如果真係有驚喜，大戶肯定會抽個市上去，咁三月就有機會升。其實家下講乜都冇用，星期一咪知結果囉。

今晚歐羅走勢超疲，寫呢篇 post 嘅時候已經跌落 1.2630 左右。東歐事發，拖累西歐，下一個位先睇 1.2550 左右係咪可以跌破。跌破，則先向 1.2300 邁進。

期金穿咗 1000 後後繼無力，睇嚟要抖抖先會再試阻力。

祝各位有個愉快嘅周末。

******

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

財赤

2009-02-26T01:18:00.004+08:00

今日阿財爺公布財政預算案，有得退稅，但就冇乜驚喜。

其實一份好嘅預算案係唔需要驚喜嘅，因為令你有驚喜，唔代表令到成個社會有驚喜。令到成個社會有驚喜，亦唔代表呢份預算案係好嘅。財爺做預算案唔係要滿足所有人，而係要令到社會資源得到適當運用。

財赤喺呢 D 非常時期基本上唔係考慮嘅重點，尤其係香港，就算有盈餘都係靠股票印花稅等非經常性收入，基本上政府係冇乜計去控制嘅。

家下首要係吊命，令到人人有工開。只要有工開，當個大環境好嘅時候，市民就會有購買力。否則，家下 D 人失業，借人錢又冇錢還，供緊樓又冇錢供，到時就算大環境改善，市民就只會博命還錢還債而唔會買股票，到其時政府一樣係冇收入。

其實美國嘅情況亦都係一樣。

所以話呢，財赤唔駛怕，因為怕都冇用。家下 D 錢唔洗，日後更加唔會有錢洗！

聽日期指結算，又係反覆時。個人睇三月開始係業績公布期，全世界已預期上市公司嘅業績會差到無倫。所以反而如果有一兩間公司嘅業績唔會咁差，可能會有驚喜都未定。到時候嘛，唔排除個市會先抽高，然後恆指先向四位數邁進。

******

自從喺歐洲返嚟後，特別留意歐羅嘅走勢，近排仲炒歐羅仲特別順利㖭 (大概賺本金嘅 30% 咁啦）！唔好問我睇好定睇淡歐羅，因為真係可以呢刻睇好嗰刻睇淡。

附上炒賣記錄，有興趣嘅可以係咁咦望一望嘅。

******

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

呢個世界冇乜嘢係冇可能嘅

2009-02-24T22:04:00.003+08:00

尋日恆指難得近期嘅大升，原來係個陷阱，今日就即刻又急跌俾你睇。

家下個市，風頭火勢，唔明點解仲會有人肯入貨。唔通個個以為自己係巴菲特，又以為跌得多去買貨就叫做價值投資？

維京人曾於 $300 時諗過買渣打 (#2888)，當其時雖然略貴，但報紙雜誌一眾財經分析員都話佢係好嘢嚟嘅。結果喺二百蚊懶勁咁覺得佢有「價值」而買咗，亦喺二百零蚊覺得個市唔對路放咗。家下 $75。

亦曾經睇好宏利 (#945)，曾於二百零蚊亦想買，因為覺得佢有「價值」，但最後都係冇買到。家下 $92.7。

自從雷曼爆煲後，維京人己經覺得呢個世界冇咩嘢冇話冇可能。你話 HSBC 穩陣咩？咪創個十年新低俾你睇下囉。

所以，投資投機同賭博，其實都要嚴守紀律。仲要識看風駛帆。就好似維京人上星期五一樣，明明睇淡歐羅，但佢反彈太勁，唯有跟住打反手買返上去，就咁先唔駛蝕錢，仲有餐茶可以執下。

呢排掛住睇外匯，都冇乜心機睇住個股市。上個禮拜五歐羅急升，維京人博佢星期一會回吐，沽咗歐羅兌美元 @ 1.28095，星期一朝早起身，都唔係點郁，喺 1.2808 平咗倉先。

今日就係咁買上買落，亦係先蝕後賺。其實投機蝕錢好正常，只要做好止蝕調整好心態，賺番錢嘅機會多的是。

今日睇信報，先至知道自己曾幫襯開嘅外匯公司決定唔再喺香港做推廣。呢間嘢可以話做 forex 嘅 education 做得好好，成日又有免費講座。可能眼見香港個 market 冇得做啩，早 D 徹退亦無可厚非。不過香港嘅失業率相信又會多幾名做外匯分析嘅金融從業員咯。

聽日財爺預算案，適逢臨近期指結算，各位小心。

******

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht

******

維京人近期愛上跑步，有空請幫幫忙為小弟打氣啦！

http://runningviking.blogspot.com

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

不一樣的運河城市 - Utrecht

2009-02-23T00:31:00.017+08:00

年初二早上去完好有荷蘭感覺但有點造作的 Zaanse Schans 後，返回 Amsterdam 酒店。BA 終於捨得攞番件行李俾我，真開心。換咗件大褸後，下午又再出發去玩。

心中有兩個選擇，分別係 Alkmaar (阿克馬) 同埋 Utrecht (烏特勒支)。問酒店好 nice 嘅職員邊度地方好，職員建議 Utrecht，話嗰度 D 運河同 Amsterdam 唔同，好有特色㗎。

於是去中央車站 Centraal Station 買車票。估唔到我哋一話去 Utrecht，售票位哥哥即刻話 "Utrecht? A nice city！"。聽到佢咁講，都覺得冇揀錯。

坐約半小時嘅火車，到達 Utrecht 嘅中央車站。喺荷蘭，差唔多每個火車去到嘅城市都會有個中央車站 Centraal Station。

嘩！一出站，竟然係個大型商場，好熱鬧呀。喺 Amsterdam 完全搵唔到呢種咁人氣嘅感覺。人來人往，感受一下歐洲人行商場嘅一面。商場好多舖頭都大減價，低至兩三折亦唔係乜嘢奇事。睇嚟金融海嘯對荷蘭嘅商店亦有一定嘅影響？

穿過商場，又回復番小填 feel。好多商店亦好熱鬧，感覺興奮。一抬頭已經望到遠處嘅主教堂。主教塔雄偉矗立，成為呢個城市好重要嘅一個地標。

參觀了主教堂。這算是這次旅程第一次看教堂。要知道，到歐洲看教堂博物館，真係可以睇到你唔想睇為止。

教堂唔俾影相。參完主教堂後，到咗附近嘅烏特勒支大學嘅學院廳，據聞係屬於文藝復興嘅優美建築。

跟住仲 target 去據聞好好玩嘅鐵道博物館，但因為去到時已經差唔多下午 5:00，而對歐洲人嚟講，呢個亦可以話係商店差唔多關門嘅時間，所以當日沒有去到。（結果第四日離開 Amsterdam 到 Rotterdam 前反而去咗）

睇吓條街有幾靜！

於是乎，也唯有折返回火車站了。沿途的景色真係幾優美。呢個城市嘅運河，真係同 Amsterdam 唔同。佢嘅運河下低，仲會有部份舖頭或住宅，幾有特色。

折返火車站嘅商場，人有三急，於是去麥當勞搵厠所。本來已知道歐洲大部份公厠都係要俾錢嘅，只係估唔到麥當勞嘅厠所都係要俾錢咁啫。咁冇計啦，要去嘅就要去，結果一個人俾咗 0.25 歐羅，約 2.5 港紙咁上下。入到去，都有幾特色嘅發現，一於唔好嘥影番張相先。

喺商場係咁夷行一轉，都成六點零七點。而好鬼衰嘅係，六點零七點對 D 舖頭嚟講都差唔多閂舖咯。既然冇嘢買，咁維京人唯有搵食啦。喺荷蘭，原來有好多類似以下物體嘅自助飯賣機。店員將剛整好嘅食物放入機器內保溫，這種機器對於我哋呢 D 完全唔識荷蘭文嘅旅客倒是方便。

最出名嘅係可樂餅 Kroket。即係將 D 奶油溝埋牛肉或豬肉炸一炸，有 D 舖頭仲會加埋 Cheese。

臨離開時，去咗一間中國人開嘅快餐點食快餐。突然間覺得喺他鄉都可以食炒麵，好 warm。

就咁，好快又過咗一個下午。傍晚搭車返回 Amsterdam 又一日。

******

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

金價 1000 已達，歐羅淡倉係咁俾人夾

2009-02-21T10:02:00.007+08:00

大家期待嘅金價 1000 呢個關鍵位因為時間關係，尋晚己經達標。後市點睇？

有網友話可以沽吓，又有網友話可以睇高少少。維京人呢？既然 1000 係阻力，可能要衝多幾次先衝得破。如果過兩日仲 keep 到 1000 樓上，相信升勢會持續。家下收報 993.2。

******

歐羅尋晚經過咗近期超級發神經嘅一晚。點解咁講？黃昏嘅時候仲係睇淡者具多，兌美元最低做 1.2558，但喺短短唔夠四個小時內，升咗越過 300 點子，超級嚇死人！

睇下下低個圖（截至星期六凌晨一點）就知波幅有幾大。

歐羅奮發圖強，尋晚維京人有開倉，又再一次見識到 Forex 嘅大上大落。

21:53 喺 1.2597 沽歐羅，落盤後走咗去跑步。0:51 喺 1.26599 平倉，即時蝕咗約 63點子。好彩頭也不回立即止咗蝕仲打反手，即時喺 0:52 喺 1.26681 買番歐羅，點知升勢越升越急，1:03 先喺 1.27340 平倉，賺番約 66點子。一晚來來回回，算是打成平手略賺 3點子。

以下為有關嘅交易紀錄，時間係美國時間。Hide 咗 trading volume 一欄。

點知歐羅越升越有，一眾做淡者睇嚟都好似維京人咁打番反手。不過咁短時間升咁多，估計喺星期一朝早或會有獲利盤，所以 3:06 喺 1.28095 手多多做番張沽，家下做 1.28232，蝕約 13點。今朝起身睇 15分鐘同埋 30 分鐘圖，MACD 有機會調頭。

歐羅兌美元最新三十分鐘圖，截至本周 forex market 收市。大家可以留意下 MACD 個走勢。

******

另外，美股返魂無術，道指跌破 8000 點後，六千幾點應指日可待。至於恆指，拖拖拉拉下應該可以見到四位數。各位小心睇路。

祝大家有個愉快嘅周末！

Cheers!

******

放完假後開始進入狀態睇番個市，歐遊紀錄 weekend 再續吖。

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans

******

維京人近排仲開多咗個 blog ，講跑步嘅（健康嘛）。有興趣可以 click 去睇下，鼓勵下維京人吖。

關於跑步．維京人
http://runningviking.blogspot.com

******

今期六合彩九注中！

2009-02-20T01:46:00.003+08:00

近期個市冇乜好睇，維京人今日亦冇開新倉。生意淡薄不如賭博，留意下馬會嘅新聞好過。

今期六合彩開 6、9、16、26、29、36，特別號碼 8。頭獎竟然有 9 注中！每注派五十五萬五千五百五十五。中咗嘅都唔知開心好定傷心好，話晒人一世物一世，中頭獎運氣呢下嘢，可能真係一生人只得一次！家下得嗰雞碎咁少，真係中咗都啞咗！

其實買六合彩同投資投機一樣，都係要花少少心機思考嘅。

記得有次六合彩開彩 patten 又係類似今期咁，好似係有 8、18、28 咁上下。嗰次如果冇記錯好似多人中過今次。

另外，好多人買六合彩都會用自己或親朋戚友嘅生日日期嚟買，如果你嗰注飛全部號碼都係喺 1 - 31 呢個範圍裡面，同你一齊中獎嘅機會率相對大咗，即係就算俾你中晒六個字，都可能好有機會多咗人同你分錢。

仲有呢，亦建議大家如果要買，千祈唔好買 1、2、3、4、5、6 或者類似 2、4、6、8、10、12 呢類唔駛用腦「亂填」嘅號碼。唔知幾耐之前就睇過有個統計，話買呢類 number 嘅人亦唔少，中咗又係唔慌分得多嗰隻。

買六合彩，其實都係靠運氣啫。不過喺自己可以控制範圍內，維京人就算買都要買得醒目！

Cheers!

******

放完假後開始進入狀態睇番個市，歐遊紀錄 weekend 再續吖。

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans

******

維京人近排仲開多咗個 blog ，講跑步嘅（健康嘛）。有興趣可以 click 去睇下，鼓勵下維京人吖。

關於跑步．維京人
http://runningviking.blogspot.com

******

奧巴馬今次救得正確

2009-02-18T22:59:00.002+08:00

上次奧巴馬嘅救市方案，有驚無喜，只有縮皮，市場失望到死。結果道指尋晚跌成差唔多 300點。唔知係咪花旗國政府發覺救市措施救完等如無救，今日奧把馬又出嚟講嘢。

奧巴馬宣布 750億美元救樓市，最多九百萬業主受惠，仲擴大兩房注資。筆錢唔知係唔係救市措施嘅一部份，但今次嘅做法係方向正確嘅。

家下最驚人供唔起樓，一斷供，銀行呆壞帳又差，信貸會萎縮，借錢難生意就難做，經濟唔會好，股市唔會升。所以必需要保住 D 人供得起樓。保就業係其中一招，但行動要快先有用，相信家下好多人已經被裁。直接注資俾業主唔好斷供，效果應該會快趣做到。

美股受消息影響，道指期貨一度升咗差唔多 80點。但啱啱開咗市，又唔係點升咁喎。可能市場亦要時間消化有關嘅消息對實質經濟有幾大幫助都未定。

外匯方面，反而美元可能受消息刺激，美元兌日圓升番上 93.32，如果想復活節去日本賞櫻嘅朋友可以話係好消息。小弟睇今次反彈應該返唔到去 100。

家下歐羅做緊 1.2564 左右，果然跌破 1.27 後仲有得跌，市場驚鬼咗東歐嘅經濟有機會影響埋西歐嗰面。今次又睇下歐羅可唔可以挑戰 1.23？維京人呢兩日略作短炒，逢高沽歐羅，一晚炒一兩轉每次執二三十點子，好過冇。

咁嘅市況，特別多妖孽。美國繼馬多夫事件後，又傳出德洲富商走去呃人錢，仲高達80 億美元，真係大數目。希望唔好再有咁多呢類騙子事件啦。

******

放完假後開始進入狀態睇番個市，歐遊紀錄 weekend 再續吖。

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans

******

維京人近排仲開多咗個 blog ，講跑步嘅（健康嘛）。有興趣可以 click 去睇下，鼓勵下維京人吖。

關於跑步．維京人
http://runningviking.blogspot.com

******

第二波殺到，市況開始轉壞

2009-02-18T00:36:00.005+08:00

今日市況開始轉壞，維京人尋日寫嘅四條問題亦開始有眉目：

1) A 貨升咗咁多日，D 牛氣好似越嚟越超越基本因素？
結果今日上證指數及深圳綜合指數等連升多日後報跌，跌幅超過 2%。升勢暫告完結。

2) 明日開始各家銀行會陸陸續續公布業績，結果係差定係好差？
東亞今日公佈上年業績，比前年少賺超過 99%。結果今日恆指跌超過 500點，向四位數邁進。

3) 金價呢幾日似乎營造升勢，乜家下仲有人買金保值？不過短線投機都冇壞。
一千會係個重要嘅阻力，網友 Parker 話嘅。（請睇尋日網友嘅留言）

4) 歐羅似有向下做嘅勢頭，兌美元短期目標 1.23，家下 1.27 守得下。個人唔想佢跌，因為仲有用剩嘅歐羅喺手。
維京人較早前己講過歐羅會見 1.26，寫呢篇 post 嘅時候曾低見 1.2564。相信真係有機會向下望 1.23。

維京人今晚喺 1.2630 左右沽咗歐羅，跑完步返嚟見 1.2602　咁上下，平咗倉先。算係執番餐茶咁啦。

睇嚟金融海嘯第二波殺到，大家睇路。

******

維京人近排開多咗個 blog ，講跑步嘅（健康嘛）。有興趣可以 click 去睇下，鼓勵下維京人吖。

關於跑步．維京人
http://runningviking.blogspot.com

******

歐遊紀錄下次再續吖。（下次又下次，哈哈）

業績期前

2009-02-17T00:36:00.005+08:00

唉，果然姣婆守唔到寡，維京人諗住寫埋去歐遊嘅紀錄先嘅，都係忍唔住講幾句個市。

1) A 貨升咗咁多日，D 牛氣好似越嚟越超越基本因素？

2) 明日開始各家銀行會陸陸續續公布業績，結果係差定係好差？

3) 金價呢幾日似乎營造升勢，乜家下仲有人買金保值？不過短線投機都冇壞。

4) 歐羅似有向下做嘅勢頭，兌美元短期目標 1.23，家下 1.27 守得下。個人唔想佢跌，因為仲有用剩嘅歐羅喺手。

******

維京人自從放完假返嚟後，工作繁重，仲未有時間 monitor 住個市。家下為咗身體好，走去玩跑步，仲開多個 blog 㖭。有興趣可以 click 去睇下，鼓勵下維京人吖。

關於跑步．維京人
http://runningviking.blogspot.com

******

歐遊紀錄下次再續吖。

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

好荷蘭感覺但有點造作的 Zaanse Schans

2009-02-14T01:14:00.022+08:00

喺 Amsterdam 住嘅平價酒店。餐廳有免費 Wifi。

******

酒店外面有條河

******

Day 2 (年初二) 一起身，由於航空公司嘅失誤而遺失嘅行李仲未咁快攞得返。冇相干啦，少少凍應該都可以頂得順。

嚟到荷蘭，緊係要睇下好鬼荷蘭嘅風車啦。近 Amsterdam 有得睇風車嘅就係 Zaanse Schans，好！一於去呢個地方。

基本上喺荷蘭坐火車係超方便。不過如果冇 Eurail Pass (歐洲火車證) 咁就當然冇咁爽啦，要每程都俾錢。維京人出發前都有買 Eurail Pass，不過想留番去 Belgium 及之後嘅旅程穿洲過省用，所以都係真金白銀俾 Euro。

Dutch 好似英文+Deutsch，好多字都估到。搭火車真係好方便。

Zaanse Schans 中文有好多個名。有叫贊斯堡，又有叫桑斯安斯，亦有內地同胞好直接咁叫佢做荷蘭村或者風車村。

一出火車站，真係好凍。維京人喺兩三度嘅氣溫都係 total 著咗三件衫，仲唔係厚嗰隻。諗起都覺得好犀利。

由 Zaanse Schans 火車站去睇風車嘅路途需要搭一程船，過嗰條叫做 Zaan 嘅河。叫做船，不如叫做舢舨嘅物體。有「船長」掌舵，約 5 分鐘嘅船程係唔需要俾錢嘅。架舢舨約大半個籃球場咁大，好多踩單車嘅學童上船。

一落船，見到一條好歐洲 feel 嘅村莊。（咁喺歐洲就緊係歐洲 feel 啦)

行多幾步，見到好荷蘭嘅荷蘭風車。天氣咁凍原來都有幾多遊客，特別係有 D 唔知佢係嚟自大陸定係台灣嘅中國人。

再行入少少，會去到一個類似農莊嘅地方，有幾隻羊，有幾隻鵝，亦見到有幾間小屋。嗰幾間小屋係專門賣手信同埋俾人食嘢嘅。其實有 D 造作，擺到明係遊客區咁。

其中一間屋原來係芝士工房嚟嘅，可以大概望一望做芝士嘅係咩地方。去嘅時候冇人整芝士，估計都係 showroom 嚟㗎啫，但就見到有隻雞就咗入嚟。遊客不斷拍照。

另一個都可以參觀吓嘅地方係木靴工房。入到去超多荷蘭木屐，而且係真係可以俾人著嗰隻。個類似老板嘅店員仲自己著咗對㖭，gok gok 聲喺度行吸引 D 遊客嘅注意。

另外嗰幾間屋仔都係賣 souvenir 嘅。遇到一班大陸嚟嘅同胞。有位阿叔拖住阿媽老婆同埋個仔，粗聲粗氣但又好豪氣咁買嘢。嗰兩位荷蘭女店員見到都目瞪口呆，不過見到佢哋買咁多嘢 (成幾百歐羅喎)，好有好客之道咁送咗支風車筆俾個細路仔。買完嘢後，店員同佢哋講 bye bye，個阿叔臨走想講 see you 但就講咗句 see you tomorrow，店員就失笑咁應咗句 I hope so。

雖然 Zaanse Schans 呢個地方唔算大，但睇完風車試食完芝士睇埋木靴買埋手信，感覺真係好鬼荷蘭。可能風車芝士木靴甚至羊咩走雞同埋鵝呢類硬件，隨時可以喺內地任何主題公園復制，但感覺呢吓嘢，相信只有親身去到才會有吧。

******

令維京人短暫遺失行李嘅英航，呢排谷廣告好勁喎。經濟差，差意唔好，唯有靠減價啦。家下去 London 來回都係 $2950 啫。就算維京人唔鐘意佢嘅 service 都覺得呢個價好吸引。

******

返嚟後對個市都淨係睇，冇開倉。如果有 update，一定會通知大家。

祝各位情人節快樂！

******

荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

阿姆斯特丹感覺: 運河、單車、大麻、紅燈區、仲有花。

2009-02-11T20:40:00.036+08:00

年初一中午抵達 Amsterdam，凍到抽筋。冇想像中咁落後，感覺超優閒。

先喺機場搭火車到火車站。對火車冇咩期待，結果亦真係冇咩 surprise。感覺同香港差好遠，直接 D 講係舊，但都 OK。

中央火車站好型，本身已經係一個景點。據聞係 1889年由一位著名荷蘭建築師所設計。

一去到先搵酒店。行行重行行，由 Central Station 出發。Dutch 原來同英文差唔多，只係佢哋叫做 Centraal Station。酒店喺 Centraal Station 附近嘅一條運河旁邊，應該好易搵。

搵吓搵吓都係唔識路，唯有問人。荷蘭人英文超 okay，連後生仔後生女英文都好 okay。但後生女行得快，結果走去問伯伯。伯伯係華人，超好人，指指點點解釋得好詳細，但喺呢個周圍都係河嘅城市維京人開始有點兒抓狂。

最終好彩都搵到自己間酒店。酒店 staff 好 nice。同佢講英文好舒服。

由於第一日行李被航空公司誤點關係，唯有著住件原本單薄嘅衫先喺 Amsterdam 嘅街頭行。基本上沿住大路去到水霸廣場 Dam 再落去 Singel 花市，最後去埋梵谷博物館，半天基本上已經行晒 Amsterdam 嘅主要景點。Amsterdam 人鐘意以單車代步，單車多到，感覺上似返番去 80年代嘅中國。

喺呢個咁如斯開放嘅城市，drugs 同埋 sex 根本唔係咩一回事。

周圍都係 coffee shop。原來 coffee shop 係要嚟食大麻嘅，Cafe 先係要嚟飲咖啡。維京人最後都係冇試食大麻，不過 coffee 都幾好飲。其中一間比較出名嘅 coffee shop 叫做 bulldog。

經過傳聞嘅紅燈區，D 女人除晒衫淨係得條吊條 bra，對佢哋嚟講好碎料。不過最衰唔俾影相。燕瘦環肥乜都有，目不暇給。不過可能唔係咁夜 (20:00 左右)，唔算係好熱鬧。

超級市場勁多芝士同埋啤酒，買啤酒飲仲平過飲水。

總括嚟講，Amsterdam 俾我嘅感覺係好 relax。最衰太凍，唔係真係想租架單車四圍慢慢睇。

******

荷比盧+巴黎遊
0: 初一開始遇厄運

******

Who has the best hotel deals?


RUSSIA		GERMANY
	FRANCE
BRAZIL
	JAPAN
TURKEY

Compare 30 sites at ONCE!

初一開始遇厄運

2009-02-09T23:30:00.006+08:00

倫敦上空

******

轉機去 Amsterdam

******

農暦新年期間，維京人走咗去歐洲玩咗兩個禮拜。路線主要係荷比盧（荷蘭、比利時、盧森堡） + 巴黎（法國）。幾經波折下終於喺尋日返番香港，攰到爆。

一早講過話今年流年對維京人不利。本身都唔係咁信，但又真係唔到你唔信。

年初一零晨由香港出發，坐 BA (British Airways) 先到英國 London Heathrow 轉機。話晒成十幾個鐘頭機，最好嘅娛樂就係睇戲。點知成架機都冇事，偏偏自己坐個位部電視就係壞嘅，激死！唯有喺個又迫又窄嘅位度瞓覺，但恰吓恰吓都唔覺得自己有瞓過。

睇唔到戲都係小事。最慘係初一中午左右（當地時間）到達荷蘭 Amsterdam 機場，出咗海關喺攞 luggage 個位等呀等呀，竟然等唔到自己件行李！？

幾經查問後，shit！BA 話小弟件行李留咗喺 London！要再等下班機轉過嚟 Amsterdam 先得。

結果件行李喺初二下午由 BA 搵人送去自己住嗰間酒店，即係話件行李唔喺手差唔多成廿四小時。

最慘嘅係當其時 Amsterdam 嘅氣溫得嗰兩三度，而自己嘅厚衫全部都喺個行李度。本來想買件外衣，但又唔想晒錢同埋驚回程時太多嘢拎，所以唯有忍凍喺 Amsterdam 度行街。

尤幸旅程期間亦冇咩大阻滯，最後一站係巴黎。

終於玩到最後一日（2月7日下午），喺 Paris 準備坐飛機去 London Heathrow 轉機返香港。點知 ...... 做埋 security check 後步入登記閳口，差唔多臨上機最後一分鐘 BA 先至話班機取消。結果 ...... bull shit！英航嘅工作人員話要我哋自行攞番 check-in 咗嘅行李，經過 immigration 出番去 ticket counter，再由英航嘅職員重新幫我哋搵下有冇機返香港。

但英航嘅工作人員效率真係冇得頂（即係太難頂）！冇解釋原因之餘，仲要攪到要排成兩個鐘頭隊做登記。叫佢開多個 counter，個法國佬認真臭吋，話 "We've just got these computers and we need time to proceed！No way！"。

好彩攪咗一輪終於安排咗 Air France 俾我哋坐，可以直接返香港。但都要由頭 check in，由頭做過嗰 D 煩死人嘅 security check。而最後比原定抵港時間遲咗成四個鐘。問番保險經紀，話份旅遊保險如果超過 5 個鐘先有得 claim。激死！

所以呢期對 British Airways 英國航空嘅感覺麻麻地。下次情願俾貴 D 搭直航好過。

Anyway，由於維京人未到過荷比盧，所以 so far 呢個 trip 都幾好玩。稍後會同大家分享下沿途所見所聞，尤其係歐洲人嘅慢條斯理，同埋報告俾大家知歐洲嘅零售市況如何。（話明市場維京人，緊係留意住個市啦）

******

睇番個大市，呢期好彩冇倉喺手。因為小弟係睇淡嘅，仲估過年後有機會開跌。結果呢，咪個市升到吧吧聲咁囉。

都話流年不利啦。除非有強烈嘅心水啦，睇嚟維京人呢輪都係少講股票為妙，費事做咗明燈。哈哈！

******

祝各位新一年行運一條龍。希望香港經濟最快可以彈起！

Cheers！

******

送鼠迎牛，恭喜發財

2009-01-25T12:53:00.000+08:00

恭喜發財！

恭喜發財心想事成萬事勝意龍馬精神身壯力健！

祝炒股票嘅鑊氣沖天、炒窩輪嘅錢如輪轉、炒期指嘅方向正確、炒外匯嘅福氣匯元！

維京人呢個假期外遊，可能呢兩個禮拜都唔能夠 update blog post 咯。希望各位新一年賺多 D！

感謝 Fai 嘅相片。

農暦新年，外圍風起雲湧時

2009-01-23T23:12:00.003+08:00

送鼠迎牛。回顧鼠年，股市就唔似得老鼠仔咁精靈，而係暴瀉四成有多！今日係鼠年最後一個交易日，亦係報跌。港股收市報 12578點，跌 79.39點或 0.63%。假期氣氛濃厚，成交只有 337億元。

內地 A 貨喺連升七個交易日後，今日以跌市收爐。冇嘅，雖然有信心，但經濟一日未好好友都未敢大膽造次。上證指數又收喺 2000點以下，仲以全日最低位 1990點收市。似終見過鬼都怕黑，股民已經唔相信中國經濟可以與世界脫勾咯。明知農暦新年阿爺股市休足七日，但外圍股市就起碼玩多五日，好友仲唔鳴金收兵咩？

金融海嘯，越演越烈。近排公布親嘅公司業績亦唔好。內地部份證券公司由於過去一年 A 貨冇人玩，預計 2008年業績轉盈為虧。前兩日任總亦話前景睇唔清，似乎大家都要準備好過完年後迎接金融海嘯第二波！

港股下星期四先開市，當日係期指結算日。呢幾日外圍絕對唔會係風平浪靜。歐美今晚已開始全線下瀉，唔通恆指真係要初四裂口低開？

英國公布咗經濟數據，繼 Q3 GDP 下滑 0.6%之後，Q4 按季亦跌 1.5%，按年則下跌 1.8%。呢 D 數據亦宣告英國已正式陷入衰退，係 1991年以嚟首次。

令到今晚英磅下滑，而且下滑幅度驚人。尋日英磅兌美元仲做到 1.38 / 1.39 咁上下，今晚竟然曾低見 1.350！！！Wow！呢個係 24年低位呢！似乎真係如小弟較早前所講，佢想同歐羅睇齊，甚至鬥快同美元玩一算乎？

歐羅亦曾經去到 1.2763。頭先跌破 1.28時小弟快快手咁沽咗轉，執幾十點子算數。家下已經反彈返去 1.２834 左右。個人暫時睇仲有機會 touch 一下 1.2600。

寫呢篇 post 嘅時候道指下跌超過百點。

另外，下個禮拜三好似係聯儲局議息，又係炒家出動之時。

睇嚟下星期四年初四，真係會好波動？

唏，乜都好，過埋年先算！

******

維京人都好鐘意飲酒，但就絕對好憎人醉駕，覺得呢 D 係一種超級唔負責任嘅行為。今日朝早落馬洲附近發生車禍，貨車撞的士，結果釀成六人死亡。經酒精測試後，發覺輕傷嘅貨車司機酒精含量超出法例四倍！

就因為一 D 自私同懶係自信去揸車嘅人渣，咁就斷送咗六個家庭嘅經濟支柱，真係諗起都扯火！睇番政府罰醉駕嘅刑罰，好似最多只係判十年。其實飲酒駕駛絕無必要，俾醉貓開車喺條路亂嚟，咁同俾個殺手喺條好旺嘅街度亂咁開槍射人有咩分別？一於治亂世應該用重典，飲少少酒揸車應要坐監，如果死咗人應判終生監禁。再加上交通警要嚴格執行，咁相信醉駕嘅個案會大幅減少。

*****

喺度先預祝各位有個愉快嘅農暦新年！維京人聽日仲要做嘢，年三十晚出 trip 去玩！

Cheers！

Where're the jobs? Where's Steve Jobs?

2009-01-23T01:40:00.001+08:00

今日港股一如維京人尋日所講，反彈了。亦一如維京人所講，彈完又點吖？

今日港股高隨美股高開，八連跌嘅匯控終於可以抖抖。恆指一度都逼近 12900點關口，但今日試咗兩嘢，都係衝唔過。收市嘛，只係收報 12658點，今日大部份嘅升幅都喺收市跌番落嚟。睇圖表其實係樣衰格。

似乎有 D 春江鴨預知今晚美股唔老嚟。Nokia 傳第四季度盈利遜預期、美國新屋動工量創新低，以及最大鑊嘅係新申領失業人數升至 58.9萬，淨係上個禮拜花旗國已經多咗 6.2萬需要人救濟。市場 expect 最多升至 51.9萬咋。至於持續失業救濟人數為 460.7萬，亦多過市場預期 453.4萬喎。

睇嚟美國佬今期最關心嘅問題係：Where are the jobs? When can I get paid? 相信 Obama 亦一時間答你唔到，只係叫你做人應該要有責任囉。

美元亦告失守。美元兌日圓好似倒水咁倒，一下子跌過過百點子，去到 88 邊邊呢個位。寫呢篇 post 嘅時候做緊 88.76。

除咗美元跌，歐元英磅相對跌得仲勁。歐元區生產數據差過預期，歐羅兌美元由 1.3082，曾經跌到去 1.2907；而英磅尋底，越尋越底，家下做緊 1.3872，但最低曾去過 1.3687！仲記得上年前年咁上下，英磅兌美元係做緊超過２算嘅！做唔到家下佢好似同歐羅鬥快想做１算呼？

近期個人比較關心嘅，除咗歐羅走勢外，就係 Apple 嘅股價。查實都係關心 Steve Jobs 啫。佢係 Apple 嘅靈魂，如果冇咗佢，唔知仲會唔會有 iPhone？家下嘅 Apple 會係點嘅樣？好難想像。睇嚟休五個月病假嘅 Steve Jobs 係時候諗定 succession plan，如果唔係 Apple 股價會繼續跌跌跌跌。

聽日係鼠年最後一個交易日，如無意外大家都有共識過完年後個市會差到不得了。咪見家下好似好多人買嘢咁呀，正所謂一旺淡三墟，真係好驚 Q2 前會有蕭條 feel。

聽日可以考慮小注買入國企中資股，以博佢初四開紅盤（博㗎咋）。不過就唔建議買匯控，因為 HSBC 喺 London 同埋 New York 都有上市，如果外圍不穩，初四返嚟玩下手玩裂口低開都唔定。

好！就嚟過年，放鬆心情等去旅行。

Cheers！

會有反彈吧！只是彈完又如何 ......

2009-01-21T22:42:00.002+08:00

匯控連跌 8日，相信各位睇見都會心痛。心痛指嘅緊係一手匯控嘅朋友，同埋強積金持有匯控嘅在職人士啦。如果買 put 輪嘅朋友，呢排應可笑逐顏開。

技術上，呢 D 叫做超賣，即係話賣過籠。反彈可期。

只不過，反彈嘅力度有幾大，同埋反彈完後係咪唔會再跌咁啫。

好多人買 HSBC 嘅心態係「有買貴冇買錯」，但又有幾多人開始留意佢嘅基本因素已經改變？呢期係玩 de-leverage，以往嘅高增長未必咁容易可以做得番。既然係咁，長線未必可以揸，短線博反彈者，亦不要期望會有好勁嘅回報。(起碼呢個 moment 都係)

寫呢篇 post 嘅時候，匯控喺倫敦已經做緊反彈，力度超過 4%。不過 sorry，今晚英磅大跌，計番港紙亦未必有 4% 呢個升幅。

任總話金融危機第二波嘅影響不容忽視。連一向自信嘅佢都話今年不明朗因素特別多，後市難睇。

尋晚掛住寫 Obama，都唔記睇下個匯市。

前幾日維京人咪講過歐羅兌美元， 1.3000 係個重要嘅支持位嘅。結果試咗幾次之後，呢個位尋日已經破咗。下一關睇 1.2600。家下做緊 1.2932，今日低見 1.2845。

最好歐羅繼續跌！

呢排好忙，寫住咁多先。

補番句，牛年 Obama 犯太歲。

Cheers！

奧巴馬關鍵的 100日

2009-01-21T00:21:00.005+08:00

尋晚寫 blog 嘅時候，匯控 (#00005) 喺倫敦曾做過 $51鬆 D。今朝起身第一時間上網 check 最新股價，噢，撐得住喎，只係跌嗰 6%。不過今日恆指受匯控所拖累，最後萬三都係守唔住，收 12959點，全日跌 380點或 2.9%。

寫呢篇 post 嘅時候，大約一個鐘之後美國就會寫入歴史新一頁：史上第一位黑人總統 Obama 即將上任。呢位總統，將會係一位背負美國前所未有咁多債務嘅總統。冇計啦，金融海嘯後，花旗政府千方百計為救市，無所不用其極。

雖然已經有好多分析家警告，大家咪對呢位新總統太大期望，始似終呢 D 接近百年一次嘅金融危機，唔係一位新總統上任就可以即刻解決嘅，經濟亦唔會突然間就會好轉。不過咁又點呢？美國人可能喺布殊執政時冇啖好食，家下實在太需要人俾希望佢哋喇。

Obama，就係美國人嘅希望。呢期，真係教奧巴馬太沉重咯。

華盛頓清晨仲迫爆地鐵㖭。同一時間有三十萬人想一睹奧巴馬就職演說，又真係幾有氣勢。

根據一 D 管理嘅 theory，一個新人喺一間新嘅公司，頭嗰三個月都係比較 critical 嘅。特別係管理人，頭嗰一百日基本上除咗要適應環境外，最重要嘅係馬上做 team building，有成隊兵幫你做嘢。然後仲要即刻俾人睇到有 result 嗰隻。所以好鬼關鍵。

個人其實初頭都唔係覺得奧巴馬真係可以帶來改變，成日都淨係覺得佢係吹水咁啫。但係睇佢呢排嘅演講，都幾中 point，要叫各位美國人對國家都要負番責任，真係當頭棒喝。

最抵死嘅係，原本白宮個網站係 whitehouse.gov，但今期網址個名竟然改為 change.gov！佢嘅 Change 理念，似乎真係唔係得個講字，令人對佢真係有 D 憧憬。

又睇下奧巴馬點樣收拾呢個經濟爛攤子？又，睇下美國人係咪可以「改變」自己？

同場加映：

Obama 明日上任，Stock Market 今日靜局，HSBC 倫敦暴跌

2009-01-19T23:05:00.006+08:00

今日係 George Bush 在任嘅港股最後一個交易日，喺美國同時亦係馬丁路德金日假期，成日都靜過鬼。加上就嚟過農暦新年，大家都係抱觀望態度算數。

恆指今日早上承接美股上星期五嘅升勢先高開，其後受「今期傷心股」匯控 (#00005) 弱勢所拖累，一度又倒跌超過 100點，其後尾市回穩，恆指收報 13339點，升 84點或 0.64%，成交又縮小，得嗰 379億元。

呢 D 咁靜局嘅時勢，好容易俾大戶舞高弄低。唔好以為過年前個市會靜靜咁過，大家小心。

今期焦點唔駛問緊係匯控啦。上星期係咁俾大行唱淡，又似被人迫佢去供股集資咁，點知匯控喺業績期前一個月又不便多說，令到佢變成被打無還手狀態。今日散戶卻以血肉長城頂住，真係血跡斑斑。

匯控今日最低曾做 $61.3，最後收報 $62.3，跌 3%。上個禮拜維京人先喺度講睇圖有機會見 $50。寫呢篇 post 嘅時候　...... 噢，sorry，又接近開口中，喺倫敦嗰便曾大跌 13%，折合約港幣 53蚊咁上下，同大摩嘅目標價 $52 爭少少呢。大家可以喺 Yahoo! Finance 以 Stock code "HSBA.L" 作搜尋。希望有貨喺手嘅朋友唔好暈低！

香港公布咗失業率，比市場預期差，為 4.1%。外圍經濟轉差，外向形經濟嘅香港點會走得甩？呢排行街見到人頭湧湧，消費意欲好似好旺盛咁，大家簡直係想儘情享受最後的歡愉。正所謂一旺淡三墟，過埋年後情況不敢想像。

喺逆境中，信心好緊要。阿 Obama 亦知道救市難，唯有先打定針話個市唔會咁快會好，要大家勒緊褲頭過緊日子。Obama 重叫美國人重新認識咩叫責任。幾好喎，講中 point，呢次金融海嘯某個程度上就係部份金融機構 / 政客唔負責任，係咁放貸或叫人放貸所做成。

好！等待明天嘅奧巴馬上台，睇下有乜符 fit 先！

Cheers！

虎落平陽被犬欺

2009-01-17T18:41:00.006+08:00

估唔到上年九月十月咁上下嘅金融海嘯，餘威仲未散去，而且有越演越烈嘅趨勢㖭。歐美呢幾日開始展開第二輪大規模嘅拯救銀行業行動。除咗英國及愛爾蘭做咗嘢外，花旗國政府亦開始宣布巨額援助美國銀行，而且據聞出手力度係前所未有嘅。

Obama 下禮拜二上台，睇嚟短期都好難有咩「符 fit」可以幫到手。佢要創造就業嘅方向係正確嘅，但派錢創就業嘅過程係咪咁順利，維京人就有 D 保留。　今日睇報紙話政府可能會設立 Bad Bank，以接收銀行嘅「有毒資產」。呢招都幾絕，banker 當日亂咁借錢出去嘅呆壞帳竟然政府會包底，睇嚟爆破一個泡沫第日又會有個更大嘅泡沫等住俾大家玩泡泡浴。

睇番香港。日前大摩先至唱淡匯控 (#00005) 可以去返 $52，點知高盛禮拜五又開口幫拖，仲將匯控目標價踩至 $49。HSBC 呢舖真係虎落平陽被犬欺。星期五匯控嘅沽空額仲猛增至 5.7億。呢次連環唱淡，前後原因卻有點不同。

大摩預測匯控需要籌錢集資，以增加資本充足比率及資金流量，仲話可能會減少一半股息㖭。高盛則從匯控基本生意談起，話佢嘅風險為總值 1340億美元嘅匯控融資次按業務，同埋 920億美元嘅美國匯豐銀行消費及商業物業貸款組合，所以預期今年可能將出現 15億美元嘅虧損。高盛仲徹底過大摩，甚至預測匯控可能唔會派息㖭。

最幣係匯控唔知係咪有 D 咩原因，暫時仲未有人出嚟講嘢。如果你問維京人咩價位買匯控，唉，家下真係答你唔到。淨係知道咁多股票好買，唔一定要買 HSBC 啩。例如內地嘅基建股可能仲有得升？股民大多有匯豐情意結，淨係見到佢跌到咁低就覺得抵買或應該要買，而唔係用基本分析去睇佢嘅業績。

農暦新年就得，今年歐羅平咗好多，相信都有好多人會到歐洲玩。點解咁講，因為呢幾日維京人托朋友換錢，好多銀行或者找換店都冇貨，有 D 仲話要落 deposit 先肯同你唱，似乎真係好搶手也。好彩維京人算係撈到 D 底咁啦，可以喺 1.31 左右唱咗浸。上次小弟仲醒，唔駛 10蚊港紙換 1蚊歐羅！

歐羅雖然回升，但 1.33 阻力亦好大。短期估計會喺 1.3000 - 1.3300 呢個位整固下先。

祝各位有個愉快嘅周末啦！

Cheers！

三個準繩

2009-01-15T23:45:00.007+08:00

忙得要死，長話短說。

首先要認下叻先。日前維京人講過，話恆指跌破 13800點可以放心沽，第一個位睇 13300 先。尋日見匯控個勢唔掂，即微調話可以跌過 13000。結果恆指今日真係跌破 13000點，低見12904點。最後恆指收報 13242點，跌 461點或 3.37%。

後市點睇？

1) 下星期一美國假期休市
2) 下星期二奧巴馬就任
3) 玩埋下個禮拜就過農曆新年

小弟睇下個禮拜恆指繼續偏淡。但可能可以考慮下星期五小注吸納中資股。理由係內地 A 貨股民信心開始返嚟 (睇吓 A 股走勢就知道)，而農暦新年內地放足一個禮拜假，唔排除有可能地下直通車資金會走過嚟買 H 股，年初四開市可能開紅盤？

第二樣嘢要認叻嘅係匯控 (#00005)。喺 12月23日小弟喺度已經叫大家小心匯控，仲好實牙實齒咁話 HSBC 可以見到 $65，由於聖誕期間個市反彈，當其時好多報紙分析員都話可以看好。結果嘛，今日匯控真係見 $65.5，創近 10年新低。

Obama 成日講 Change，今時今日各大小股民嘅 mind 亦要 change。世界冇長揸嘅股票，匯控亦冇話唔可以跌番 10年前個價。

第三樣嘢要認叻嘅係歐羅。呢幾日講話歐洲央行會喺今日議息，歐羅會跌到今日。結果果然如預期減息 50點，攪到歐羅今日繼續跌到阿媽都唔認得。但小弟尋日亦講過，歐羅 $1.3000 會係仲要嘅支持。結果維京人嘅估計準到無倫。唔信？先睇 Reuters 個圖：

跌破 1.3100 即現強力反彈，寫呢篇 post 嘅時候市場又想試吓向下衝 1.3000，暫時見最低位都係 1.3028。

後向維京人仍偏向歐羅會反彈。理由係歐羅跌咁多日，央行亦已議息。雖然歐元區消費者信心降至有記錄低點，但對於利率前景，似乎歐洲央行立場仍比較穩定，表示經濟將於 2010 年復甦，通縮機會唔係咁大。暗示可以解讀為歐洲央行將暫停減息，歐羅可能會得到支持。

咁當然，個市分分鐘都會變，到最後係點只有 God knows。小弟暫時係咁睇先啦。

Good luck！

匯控向下挫、道指向下瀉、歐羅向下滑

2009-01-15T00:01:00.003+08:00

維京人一早已經講過，恆指跌穿 13800，沽得。尋日跌穿咗，今日個市玩六連陰後嘅反彈，可惜反彈無力。午後一度抽上至萬四點樓上嘅，但跌穿 13800，短期不得好死，最後收市咪又係守唔住 13800，恆指收報 13704點，升 36點或唔夠 0.3%。成交 662億元。

今日港股走勢咁肉酸，其中一個元兇非匯控 (#00005) 莫屬。摩笛一出，邊個走得甩？大拿拿將大象目標價由 $75 削至 $52，即 3 成咁多喎。結果 HSBC 收市創七年新低，下挫 4% 險守 $70。

美國公布咗 12月零售銷售額達 3432億美元，按月下跌 2.7%，遠遠超過市場預期嘅 1.2%，而且仲係連續第六個月下跌。寫呢篇 post 嘅時候，DOW 已經受消息刺激所影響，跌超過 200點。

如果美股跌勢唔能夠扭轉，聽日港股一定大插。淨係睇匯控 (#00005) 嘅 ADR，今晚喺美國嗰便已經比香港收市價跌超過 7%，其餘中移動(#00941) 等亦跌超次過 4%。嘩！聽日匯控咪即係已經去到 $65 左右？

聽日港股，肯定可以插水。尋日維京人話恆指第一個目標先睇 13300，家下拉低 D，睇先跌破 13000點。理由係大戶似係借匯控造淡。

市場今日另一焦點係歐羅。星期四晚歐行會議息，預期減 25 至 50點子。歐洲今日公布生產數據差過預期，預期歐行會減息減得比較狠，歐羅兌美元今日己由 1.33 急挫至家下1.316 左右。呢排維京人睇嘅關鍵位都好準，今次睇歐羅嘅關鍵位係 1.3。應該守得住，或起碼先嚟個像樣嘅反彈。否則，又係可以放心沽歐元，目標價 1.26 至 1.27。

Good luck！

Yen 又升，股又跌，13800穿咗！

2009-01-13T22:10:00.004+08:00

睇股市，睇日圓。傳日本有一半官方大戶自上個禮拜五以嚟持續有日元交叉盤，估計資金回流有關？今日日本紙升到阿媽都唔認得，美元兌日本紙跌穿 90，亦跌過 89，但去到 88.8 呢個咁好意頭個位有美元買盤，家下仍然守喺 89元附近，等緊再向下破關。

日本三月先玩年結，做乜咁早就納錢返家鄉？定係又玩拆倉？自上年年中開始，日圓拆完又拆，每拆一次股市就唔老嚟一次。日本紙係咁升，預期會影響日本出口，日股當然就唔好過啦。藉住尋晚美股大跌 125點，日股今日超做淡。日經平均指數收報 8413點，跌 423點或 4.79%。日本人通常都會用 25日及 75日移動平均線嚟度位嘅。近排嘅升市挑戰 75天線失敗，今日又跌穿埋條 25日線，前景陷濟。

港股嘛 ...... 朝早都想力挽狂瀾嘅，但收市阿爺嗰便都做得唔好，恆指今日終於穿咗維京人講咗幾日嘅關鍵位 13800點！如果大家喺佢一穿咗嗰下做淡，今日已經有得執。恆指六連陰，舊年九月以嚟最長嘅跌市。今日收報 13668點，跌 303點或 2.17%。暫時唔好咁貪心，睇 13300點先。話晒跌咗咁多日會有反彈。

禮拜四歐洲央行減息，估計星期三及星期四歐羅會試低位。今日已經到見咗1個月低位，對想換歐羅嘅朋友真開心！

今日收市後近黃昏時候，傳出 RBS 會喺過年前減持 108億股中行 (#03988) 套現，仲係比現股價折讓百份之九有多！唔係吓話？誠哥今次又咁準？佢前排先沽咗浸咋喎。呵呵呵，聽日個市好玩咯，睇路呀朋友。大家又要一路走好。

冇錯，喺熊市講股市的確係有 D 黑人憎，但個市係咁我都冇辦法。

Good luck！

噢，加碼 ...... 杯水車薪呢 ......

2009-01-12T23:33:00.002+08:00

維京人呢排公司真係比較忙，尋日禮拜日都要俾老細 call meeting 話要諗下 2009 年大計，今晚又要 telephone conference，咁攪法，唯有靠夜晚寫下 blog，順便 update 下自己啦。

唔駛多講，睇恆指先。13800果然係一個好重要嘅支持。今日恆指又跌，連瀉四日，低位就係 13895點，離 13800點只係爭 95點咁大把。今日收報 13971點，跌406點或 2.83%，全日成交唔係話太多，得嗰 463億元。

當支持支持唔住，沽！

內地 A貨方面，好神勇，亦好神奇吖。上證指數先低開，然後一度抽高去到 1924點，收市又跌番落嚟，收報 1900點，跌唔夠 4點。而深圳成份股指數仲微升㖭，不過真係好微。收報 6719點，升 0.03點，可以當佢冇升。內地 A 貨撐得住，全因為溫爺爺叫大家要有信心，仲身體力行走遍幾個省份以宣揚信心嘅重要。仲話三月份人大政協兩會之前會有新嘅刺激經濟措施㖭。

上個禮拜五美國公布就業數據，就業人口減少 260萬，係 1945年以嚟最勁嘅。受消息所刺激，美元反而勁升。點解？因為當美國經濟差，全世界就預期環球經濟亦會差，美元就成為避險貨幣啦。加上加沙局勢仲係有壓力，未解決，亦協助美元一把。

如果有睇開呢個 blog，都知道維京人過年會去歐洲玩。寫呢篇 post 嘅時候歐羅去到 1.3307，咦？聽日換番 D 歐羅先。另外，呢排亦留意緊俄羅斯唔供天然氣俾烏克蘭呢單嘢，希望快 D 攪掂啦，唔係凍死都未得天光。

今期繼續睇 Obama 噢加碼呢場戲啦，佢已經成為美國人嘅精神領袖。離上台日子越近可能會傳更多嘅加碼措施。雖然呢幾日都有議員質疑佢嘅方案，但冇所謂啦， Obama 一於玩親民食吓熱狗先！橫掂美國經濟已經人所共知點救都係杯水車薪，傷口未止血都幫你轉移視線覺得冇咁痛先嘛。

請縛緊安全帶

2009-01-10T01:49:00.002+08:00

港股連跌三日後今日失去咗重心，升又升唔到，跌又唔係跌好多。恆指早段都升過超過 200點㗎，收報則報 14377點，跌38點，成交則約 451億元。呢個禮拜走先升後回格局，全周跌 665點。

維京人今晚約咗朋友食飯，差唔多全部唔係喺 bank 度做都係做同金融業有關嘅行業。原來獅子銀行內部裁員冇停過，最慘係走咗一批人又唔俾你再加人。有 D 部間仍有嘢做嘅，人手少咗 workload 自然大咗，大家都嗌辛苦。

美國１２月非農業職位減少 52.4萬個，比市場預期為佳。不過 11月份職位就向下修定，由原本公布嘅 53.3萬個更正為 58.4萬個，比原先公布嘅少咗好多份工。而11月份失業率則由原先公布 6.7%向上為 6.8%。

數據呢下嘢，公布咗嘅可以修定，真係唔知信佢好定唔信佢好。不過好明顯美國職位流失得好緊要。全年計，2008年嘅職位流失係自戰後最勁嘅。維京人好明顯就係戰後出生，即係話 2008年係小弟有生之年見過美國最多職位減少嘅一年。

咁多人失業，點算？呢期奧巴馬真係要叫做「噢！加碼」先啱。救市措施要不斷加碼，否則得嗰少少錢真係攪唔掂。問題係係咁出錢救市，錢又從何而來？睇嚟都係靠印銀紙呢招嘅啫。最抵死嘅係美元唔掂，其他揸美元資產嘅國家就蝕水。咁攪法，真係可能會俾美國呢招輪出衰退攪番好自身嘅經濟？

海嘯似由美國殺到香港。蘋果日報話要減薪，都比較突然。相信咁多人睇嘅蘋果咁高調話減薪，其他企業就算冇咁嘅打算都會考慮考慮，順勢而為嘛。仲唔乘乘機機咩？所以睇嚟大家呢幾個月都要開勒緊褲頭，留多個錢喺身比較穩陣。如果係做政府工嘅朋友，刺激消費要靠你哋咯。

至於買賣股票方面，恆指若跌破 13800點會繼續跌。家下個走勢，好有可能有機會又再試新低。各位請縛好安全帶。

祝各位有個愉快嘅周末！

Cheers!

順李生個勢而為

2009-01-09T00:36:00.001+08:00

市場情緒變化之快又令人咋舌。年初大家對 2009年充滿憧憬，又期待奧巴馬上台會拯救世人。恆指一度由低位14387 炒到尋日高見 15763點（同維京人講嘅重要阻力位 15800點非常非常接近），估唔到呢兩日跌市，三爬兩撥又跌番落嚟。今日恆指收報 14415點，跌 571點，成交 555.2億。估唔到上個禮拜先係元旦，市場已經炒咗兩浸，一浸升一浸跌，家下又還原基本步。

大市下跌，除了受美股尋晚做得好差所影響外，主要係受內銀股俾人拋售。尋日中行（＃03988）俾李生放貨、建行 (#00939) 俾外資沽售套現，似乎過年前大家都好等錢用。其中要留意誠哥放貨。李生於 2007年年尾，當大家一遍看好時眾人皆醉佢獨醒，話叫大家小心，自己亦身體力行沽貨，令維京人家下都不得不留意佢嘅動向。李不動，我不動；李一動，我即動。著名Blog 友馬沙今日亦有喺 am730 講起呢件事，大家有興趣可以睇睇。

如果睇恆指走勢，雖然跌咗咁多，但都仲係喺上升軌，仲支持得住。下一個位睇 13800點左右，跌穿埋，又可以放心做淡。如果睇淡 D，可能做緊圓底都未定。大家小心。其實如果大家有時間睇住個市，可能玩期指好過玩 warrants。話晒 warrants 有溢價，引伸波幅又大，未必咁著數。反而期指只要設定止蝕，風險有限。唔知呢度有冇高手可以指教下咁呢？

有時 D 朋友都話，做乜小弟一時睇好，一時又睇淡，好似冇乜臘腸 (立場) 咁喎？咪玩啦，錢嚟㗎嘛，個市波動咁大，又點可以一成不變呢？其實你亦可以話呢個藉口嚟都得。啱啱玩咗小瓶子個 blog 嘅心理測驗，原來我係四仔，即係作風比較務實，難怪成日轉呔。哈哈！

今日小弟比較留意到嘅新聞係港珠澳大橋似係真係拍板，會於今年啟動有關嘅項目。珠三角要喺未來 12年，即係 2020年實行全面現代化，話要比其他地區早 30年。呢個粵港澳一體化嘅發展勢頭，已經係大勢所趨，只有融合或適應，冇得反對。反對者，自行移民去也。只是維京人唔係話大富大貴，貧賤不能移！

呢兩日天氣轉涼，大家記住著多件衫。

Cheers！

大利淡形態

2009-01-07T22:50:00.003+08:00

信報投資者日記由曹 Sir 換了畢老林執筆，原來一樣係咁堅。今日一句 "Get Out Now!"，個市即刻應聲下跌。睇市之準真係令人配服。恆指今日急跌，連 15000點都破埋，收市報插 522點，收報 14987點。成交大增至 900.2億，多得好緊要。其中一部份係因為建行批股所致。

維京人話呢幾日恆指面臨重要關鍵 15800，仲話呢個關口阻力重重。結果真係穿唔到，穿唔到就急瀉。今日跌市成交升，喺呢 D 高位形成穿頭破腳，係大利淡形態。

今日嘅好消息係阿爺嗰便決定發 3G 牌，呢個「好消息」等都等咗成 5年。熊市下壞消息固之然要出貨，好消息亦要出貨。各大電信股今日趁勢回吐，中移動 (#00941) 攞到國產 TD-SCDMA，收報 $78.45 跌 5.5%；中國電信 (#00728) 獲發 CDNA2000 牌照，收報 $3.03 亦跌 5%；聯通 (#00762) 攞到同香港一樣行緊嘅 WCDMA，消息越好出貨亦越狠，收報 $9.19，勁跌 10.6%。

除咗電信股，今日內銀股亦成為跌市原兇。前排中國銀行 (#03988) 俾人放貨，今日輪到建行 (#00939) 俾美國銀行沽貨套現。結果六行一條心一齊跌。攪到國企指數都俾佢哋拖累，收報 8244點，跌 399點或 4.63%。

傍晚國泰發盈警，對沖油價蝕 76億。

寫呢篇 post 嘅時候，美國啱啱出咗 Challenger 企業計劃裁員人數，上月為 16.6萬人。咦？比上個月少咗喎，少咗接近 8.4%。睇番 2008年成年，原來美國企業一共裁員 122萬人，係 2003年最多。個報告仲話情況會維持至今年上半年。道指開市冇耐已跌超過１00點。

果然大市當大家期待會向上衝時，又玩反高潮。經過過去一年，大家都唔會同你玩長線。睇恆指由低位萬一點左右抽上嚟萬五萬六點，仲唔割禾青沽貨咩？有食唔食，罪大惡極，食咗糊先算。今年醒目嘅投資投機者，短炒轉身要快手。

炒外匯就更加要快手。前兩日美元大升，尋晚美國聯儲局會議記錄顯示，利率可能長期維持喺低位，美元即應聲回落。今日美元頽勢擴大，兌日本紙同埋瑞郎等低息貨幣開始回落。奧巴馬今日又話救市要加碼。美國發咗達咩？係咁印銀紙，美元應有機會跌番落嚟。唉，今日諗住唱歐羅唱唔切，又要睇位。

Good luck！

港股關鍵時刻、A股升勢對勁

2009-01-06T23:10:00.001+08:00

港股連升咗三日，今日終於頂唔住要抖抖。恆指一度跌超過 200點，但由於阿爺嗰便升勢唔錯，跌幅喺下午食完 lunch 後已經收窄。恆指最後收市報 15509點，跌 53點或 0.35%。

大家要小心成交哦，跌市成交升至 539億元。果然如維京人較早前所講，恆指重要阻力大概喺15780 / 15800左右。睇圖恆指做緊平頂三角，個條橫線就係喺 15800左右，如果升唔穿，咁個圖就唔係正式平頂三角，又要重新再度度。但如果升穿，其實 17000點就應冇走雞。家下恆指絕對係處於關鍵時刻。

睇番成交量再超千億元人仔，上證指數上漲 56點，收復 1900。市升成交增，對板吖。睇嚟股民信心開始慢慢返晒嚟。

維京人係喺深圳返工嘅，今日一日之內，竟然有三位內地同事同我講，叫我喺深圳買樓。唔知點解，佢哋同樣都話深圳樓市跌到咁上下，覺得已經跌夠喎，仲話半年內唔買樓日後會後悔。呢三位同事本身都已經上咗樓，亦買過股票，亦一樣見識過近嚟嘅跌市威力。大家同時間唱好，真係比較特別。似乎樂觀情緒受阿爺出手救市影響，信心返緊嚟。溫總真係講得好啱，信心比黃金貨幣更重要。

展望 2009年，相信係身手敏捷者先可以賺到錢嘅一年。2007年淨係買升、2008年淨係睇淡，其實好易賺到錢。維京人亦因為睇啱方向，個投機組合 (冇錯，係投機唔係投資) 算係略有表現咁。但今年，小弟真係覺得前景向上又得，向下又得，加上睇運程書話我流年不利，所以都係儘量唔沾手個市咯。

2009年嘅波動，會比你可以想像到嘅大。睇淡恆指有機會見 4位數，睇好亦已經有人講而亦覺得恆指會先抽上萬七至萬九點，甚至二萬點。嘩！範圍咁大，講晒啦！冇錯，今年嘅波動真係有咁嘅可能。

油價唔可以睇咁淡，家下有人睇三十零蚊。呢個唔係冇可能，不過開採石油嘅成本都要成四十幾蚊美金，如果油價去到三十幾，各石油產出國仲唔嘈到拆天？金價小弟則睇好，玩吓手今年 Q3 可能已經去到成千銀美元。小弟睇好金，理由係各國政府係咁放水，currency 已經唔值錢，金條先係最實際。

今日美元又升得好勁。好嘢！歐羅返番去 1.33！暫時睇美元可能仲有得升。過多兩三個月則唔敢包。淨係覺得美元同美國國庫債券升埋呢浸就玩完。話晒醜婦終需見家翁嘛。

Good luck！

升到奧巴馬上台

2009-01-06T00:56:00.000+08:00

今日維京人又係忙到爆。忙，喺呢 D 咁嘅時勢，表面睇就好似好好咁，起碼公司唔會炒你嘛。實情都要睇下忙 D 咩先得。維京人間公司有貨出口到日本，大概佔三成生意。今日收到消息話受金融海嘯影響，客戶落單大跌，2009年 Q1到 Q2嘅 sales forecast 急跌六至七成，真係大鑊。忙嘅其中一個原因係老細要急急召開會議，以商量對策也。咁你話呢 D 忙又係咪「好事」呢？唉 ......

睇番個市，繼續做好。最難得係內地 A 貨市場。於 2008年最後七個交易日，全部都係跌嘅。今日係2009年第一個交易日，受美股做好帶動亞太區股市上升，A 股都升。內地嘅 A 貨股民可以鬆好氣咯。上證指數收報 1880點，升 59點或 3.29%，喜迎新年開門紅。

港股今日都好反覆㗎。恆指一開市已經做好約三百點左右，但中午臨收市錢只係升嗰百零點。維京人原本手頭持有恆指 put 輪，由於呢排比較忙嘅關係，都係唔玩短炒咯，鳴金收兵，沽貨平倉去也。好彩咋，因為下午恆指又升過，真係發神經。恆指最後收報 15563點，升 520點或 3.46%，離關鍵位 15800點又一步拉近。家下小弟都要玩轉呔，唔再估個市跌，起碼呢兩個禮拜可以睇升。睇嚟較早前講過嘅奧巴馬效應已經開始炒起。

美元唔知係咪都受奧巴馬上台所影響，今日又大升，澳元一度由 71.68美仙跌到 70.63 美仙。英磅傳減息，由2厘減到 1厘 25，又跌。歐羅去番 1.36水平。開心！

今日睇信報，曹仁超唔會再每一日喺信報登佢嘅投資者日記，而係變為投資者周記。曹 Sir 嘅分析呢排準到無倫，於十一月頭大家都睇淡時佢睇好，結果如何大家有目共睹。家下佢寫稿寫得冇咁密，做讀者嘅緊係覺得可惜。不過正如佢所講，2009年又未必需要每日睇住個市，以免見樹不見林呢。

港股與美元新年開紅盤！

2009-01-02T23:20:00.002+08:00

港股 2009年第一個交易日，開局開得唔錯。一月效應喺今年第一日已經發揮得淋漓盡致，而且仲係歴史上做得最好嘅全年第一個交易日。恆指由頭升到尾，收市報 15042點，升咗 655點，成交有 305億元。

阿爺嗰便仲休緊市，但國企股都照升。國企指數收報 8314點，升咗 422點或 5.35%。要留意阿爺嗰便喺 2008年最後七個交易日係做咗七年陰嘅，有可能今日喺 H 股呢度反彈咗先？

個市做得好嘅原因係，大家都相信 2008年係衰到貼地，而要爆嘅都爆到七七八八。而且股市又走喺經濟之先，所以 2009年就算唔大升，估個市亦應該喺上年 10月尾見咗底。維京人個人就唔係咁睇，成日形住仲有第二波金融衝擊。

維京人手頭仲揸緊 put 輪，暫時未駛輸。家下仲研究緊 2009年會玩乜東東。如果睇呢個 moment，恆指似係造緊頭肩底，又或者係平頂三角形，關鍵位為 15800點左右啦。如果升破，會即刻轉呔玩反手，就算唔做好都會平咗 put 輪先。

今日除咗股市做好，美元喺今年第一個交易日都做好。攪到歐羅今日又跌番 1.38　呢個位，而美元兌日圓亦大幅上破獲 20天線，美元似係玩緊反攻。維京人 plan 咗農暦年去歐洲玩，已經好醒目咁喺歐羅 1.26 接近新低嘅時候換咗部份錢，點知喺 2008年年尾俾佢抽番起上嚟，曾去到 1.41/42 左右，激死。所以家下見到美元又強番都好開心。

今年輪到捷克任歐盟主席國，而佢亦會喺十一月使用歐羅。斯洛伐克尋日已正式加入咗歐元區。歐羅誕生咗十年，當初格老 Greenspan 仲預言歐羅唔掂㖭，睇嚟家下都可以不攻自破。歐羅嘅地位真係越嚟越重要。

Cable 今日訪問咗商品大王 Jim Rogers。Jim Rogers 上年教曉大家嘅關鍵字係「沽空」，結果上年環球股市一跌就跌咗十個月，到年底先反彈。今年佢俾大家嘅關鍵字係「商品」同埋「貨幣」，而亦叫大家學識「沽空」。咦？大家又點解讀佢老人家嘅說話呢？係咪即係話石油見底，美元仲有得跌？

一於喺呢個 weekend 研究下啦。

補番一句：啱啱美國公布咗 12月 ISM 制造業指數為 32.4，係 28年嚟最差。1980年六月當其時呢個指數係 30.3。

祝各位有個愉快嘅周末！

Cheers!

踢走跌盪 2008，煙火迎接 2009

2009-01-02T00:36:00.003+08:00

終於送走跌盪嘅 2008年。「跌」係指跌市，「盪」係指震盪。(2008年年尾，恆指都有成四五千點嘅反彈，真係好震盪㗎。)

2008年最後半個交易日，港股做好。恆指收報 14387點，升152點。但全年累計下跌 48.3%。噢，原來都未夠一半啫。呢個跌幅係 34年嚟表現最差嘅一年，跌幅僅次於 1974年嘅 60%。

雖則話經濟差，但話晒係踏入新一年嘅第一日，各國嘅煙花都特別靚。澳洲 Sydney 今年嘅煙花好 sharp，英國嘅 London Eye 都好型，煙花以摩天輪周邊轉一圈噴出嚟。香港嘅其實亦好睇，由 IFC2 領軍其餘九幢一齊發射煙火，時間長達四分多幾鐘。不過唔知點解維京人都係覺得上年靚 D，可能上年係第一年國金二期有煙火睇，比較有新鮮感。

由於以色列空襲加沙，部份中東同北非國家或城市，如埃及杜拜等，都取消咗有關嘅元旦慶祝活動。以色列喺各國出口炮轟之下仲未肯收手，而且據聞最少有七成嘅以色列居民其實係讚成襲擊加沙嘅，情況其實都幾令人擔心。除夕日美國原油急升超過一成。

恃強凌弱呢個道理一樣應用喺 2008年嘅金融市場上。大國不斷注資入金融體系，以輪出債項去其他國家。2008年亦係挑戰現代人類價值觀嘅一年。最穩陣嘅投資銀行可以執笠、最崇尚市場經濟自由主義嘅國家可以以最大嘅力度出手救市、銀行可以係老千、Nasdaq 交易所前任主席可以玩類似種金嘅騙局、奶粉可以飲死人、甚至阿嬌可以係唔純情淨係好天真好儍、玉女男友可以今日玩分手聽日玩結婚等等等等 ......
人類嘅貪婪自私，亦喺 2008年表露無遺。

展望 2009年，前景如何大家心裡有數。尤其係過咗一月份奧巴馬效應後，預計三月業績公布期嘅壞消息不斷。不過呢個世界冇股神有估神，所有分析員講嘅其實都係斷估。上年年頭有超過六成嘅人睇好後市，相信估到今日個市有咁嘅結果應該唔夠 1%。

喺 2008年最後一日嘅除夕日，溫總啟動 3G，有三間電訊商獲得發牌。睇嚟都係為咗刺激內需咁啦。鬼咩，家下美國唔掂，其餘各國亦縮皮，世界工廠仲邊有咁多訂單？唔靠人唯有靠自己，衰就衰在中國人貯埋貯埋 D 錢唔肯洗，刺激內需唔係一條容易行嘅路。2009年，內地可能進入長期低增長期。

雖然睇淡，世事卻永無絕對。上年年頭咁多人睇好個市，今年又有咁多人睇淡後市，可能市場永遠都係要同人嘅主觀意願相反？美國除夕日公布上周首次申領失業救濟人數大跌，美股做好，道指升咗 110點，玩下手聽日港股會開紅盤都未定。

睇運程書，維京人嘅生肖唔多老嚟喎，加上 2009年前景未明，暫時短炒有隻 put 輪。過埋年會採取多做多錯少做少錯，甚至唔做唔錯嘅策略吖。各位如需明燈，可考慮多 D 上嚟呢個 Blog，可能或許或多或少都搵到 D 方向㗎。嘿嘿 ...

雖然遲咗日，祝各位新年進步！

短炒機會多的是

2008-12-30T22:54:00.004+08:00

唔知點解，每逢假期前夕維京人都係特別忙嘅。雖然３１日都仲係要返工，但今日都好忙。好彩近排個市都好鬼靜，睇唔睇都冇乜所謂啫。聽日就係今年最後一日，終於可以道別呢個集多個百年一遇於一身嘅 2008 年。股民仲係放假心情。

今日期指結算，成交淡靜到不得了，得嗰 262億。恆指就先升後跌，可能下午結算後大家都放貨割禾青算數。恆指全日收報 14235點，跌 93點。１月期指則略略高水 8點咁大把，冇乜方向。

Obama 喺 1月20日上台，上台前好多人都話會有奧巴馬效應，可能可以做好。維京人就覺得麻麻地，因為奧巴馬上台已經係呢期最後一個好消息，後市應可如預期一樣徧淡。

今日都有兩單同股市有關嘅新聞，其一就係私有化 PCCW (#00008) 嘅表決，竟然突然話加價至 $4.5，加咗價後每手多收 $３00。買咗電盈好耐嘅老一輩股民，都應該唔想佢俾人私有化，因為自從「擇界」入股後，燒鵝變樜榨，一日仲掛牌一日都有希望變番隻燒鵝，私有化只可以得番 D 榨，更何況上市公司開茶會通常都仲有件餅食。結果小股東一致投票押後股東特別大會舉行日期。

另一單新聞就係尋日講過嘅延長董事禁止買賣股票期。結果港交所係 reject 延長嘅，但就押後３個月先實施。雖然各大股東強烈反對，但港交所為咗防止內幕交易，都係堅持要做。

日韓股市玩埋今日，已經收咗爐。日股全年大跌四成二，係有紀錄以嚟最大嘅跌幅。即使八十年代嘅泡沫爆破，都冇咁激。仲話今年 Q4 有機會經濟比上年跌多過 10%，加上日圓又高企，連 Toyota 都話蝕錢，真係陰功。南韓今年亦大跌多過四成，冇日本咁傷但係都好傷，係 97年以嚟最大跌幅。

恆指對比上年約兩萬七兩萬八千點，跌咗差唔多一半。

估唔到年底都仲有好多事發生，世界唔會因為大家想放假而冇波動。家下以巴單嘢仲未攪掂，油價呢排都似架過山車咁，大升大跌。金價亦同佢玩埋一份，今日反而跌。英國呢排數據好差，有 86%嘅英國人計劃 2009年削減開支，英磅又跌，仲大跌一百點子，尋日仲跌到 1.438，係 80個月以嚟嘅新低。波動市下其實都有好多搵食機 (或輸錢) 機會。

短炒搵到錢，家下真係唔會同你諗長線。最緊要係 set 止蝕，唔係咁大波幅真係有機會蝕到儍。

聽日半日市，又係睇唔睇都冇所謂。旅發局攪咗個 600萬嘅倒數活動，IFC 二期會有全港最高嘅煙火，連同 HSBC 同埋中環廣場等 9 幢大廈都會齊齊燒足四分幾鐘，倒數唔只玩 10秒！大家一於盡情玩樂，暫時忘記難忘嘅 2008年。

預祝各位新年快樂！

Cheers！

等候奧巴馬效應

2008-12-29T22:02:00.002+08:00

啱啱放咗四日嘅聖誕節假期，市面一遍歌舞昇平。雖則話金融海嘯大家都預期冇啖好食，但原來香港人真係仲好有錢，出親街都係買嘢嘅人。只要價錢平同埋俾人感覺覺得超值，大家都不惜將僅餘嘅彈藥奉獻俾各大小零售商，一於享受最後的歡愉。

熱閙氣氛仲有多一個月俾大家感受下。過多兩日就係新年，各大小商場繼聖誕後已經部署緊增加人流辦法。據聞新地 (#00016) 旗下嘅商場除夕都有大型倒數活動，就算自己人唔去玩，自由客落得嚟玩點都會受刺熱氣氛所感染而忍唔住要消費。跟住今年嘅農暦新年又嚟得特別早，商家一定會儘最後努力將各位嘅消費力消耗怠盡，早日納 cash 走人。

平安嘅聖誕節一過，世界就開始唔平安。以色列前日對巴勒斯坦哈馬斯控制嘅加沙地帶發動空襲，據聞話係當地四十年嚟最血腥嘅，真係恐怖。油價同金價就係咁樣三爬兩撥俾佢推高咗，油價返上 40美元，金價差少少又返番去 890美元一盎斯，睇圖似係營造緊頭肩底？今次以色列攪事連阿爺都出聲，睇嚟祖國國力越嚟越強，所擔當嘅國際角色越嚟越重要。

今朝買報紙，報紙頭版係二百多間上市公司一齊聯署要求港交所 (#00388) ，取消原定09年1月１日生效嘅「延長董事買賣股票期」新規定。其實呢單嘢都幾謊謬，因為諮詢都唔係話突然嘅事，原來係今年年頭嘅時候已經開始做。但今日連各大藍籌、四大華資、大孖沙、英資企業、中資實業，包括長實 (#00001)、和黃 (#00013)、利豐 (#00494)、太古 (#00019) 等等，都係臨實行前四日先至話反對，都幾抵死。睇嚟金融海嘯攪到大家都好唔得閒，呢單嘢針唔咭到肉都唔知痛。

維京人個人則反對有關嘅規定，因為始終覺得管得越少對市場越好，市場會自動調節㗎嘛。雖則今年小政府大市場嘅信念令到好多人崩潰，連各大政府都要出手將臨危執笠嘅企業變為國企，但維京人對自由經濟嘅信念仍然未變。

睇番個市，今日港股成交只有 220億元，創兩年新低。無計啦，節日氣氛仲好濃厚，大家都未回魂，買賣兩閒，無心戀戰。恆指早段都跌過落 14000 點，但下午受祖國跌幅收窄所影響，收市倒升144點，收報 14332點。恆指期貨聽日結算，低水 10點，算係貼水。家下大家都預計 2009年會係極悽厲嘅一年，個市肯定仲有得跌。睇嚟最後嘅好消息就係 Obama 就職，但亦好難講話就職前開始跌定係話就職後先跌。小弟就睇可能過埋新暦新年就可以開始跌得，理由係奧巴馬上台已經係等於好消息出晒，係時候沽貨。加上以色列戰雲密佈，2009年 Q1 形勢唔多老嚟。各位，please tighten your seat belt 啦！

今年得番 1日半交易日，似乎聽日都係悶局居多。聽日開始冷鋒又到，各位著多件衫唔好冷親。

請請。

聖誕交叉 Blog 之《平安 24 小時》

2008-12-25T00:07:00.002+08:00

24 可以是一套電視劇，24/12 可以是一個時事雜誌，但對獨(毒)男/女來說，可是一次又一次「寂寞的黑洞」......

我想很多人都有這個體會，因為沒有多少人可以由青春期開始每年都過兩個人的聖誕。在街上，幸福的伴侶走過，令你不期然心中抽搐悸動......

但請不要將這種心情掛在你的臉上，也請不要在 internet 不斷問一些平安夜仍 online 的朋友，為何你還在上網不出外。你應該想想，有甚麼方法可以將這個「寂寞的黑洞」埋藏起來，讓自己過得好過一點﹕

方法一﹕跟著報佳音的人
不論信主與否，不能否認一些天主教徒和基督教徒平安夜凌晨時份在街上報佳音是一件挺有意義的事。小弟有一年平安夜遇到他們，真的很感動，不是因為他們報的佳音，而是我終於找到有人在平安夜做一些比起約異性更有意義的事。不信主，也可跟著他們感受一下平安夜的本來意義。

方法二﹕中秋平安夜
你家是否還有一些在中秋用剩的蠟燭和鐵盒? 不如平安夜那晚在公園點起燭光吧。有人問你幹甚麼，不妨答一句﹕悼念給索馬里海盜捉了的人。相信沒有人會在這平安夜阻止你去給不平安的人平安的祝福。

方法三﹕將你的鬧鐘撥向 24/12 23:59 倒數
假如你討厭平安夜至不想外出，不妨將你的鬧鐘撥到我上述的時間，然後開始倒數平安夜即將結束，那種謀殺平安夜的精彩肅殺，真是非筆墨形容的殘忍。不過最殘忍的是你連這一分鐘也忍不到，將這提醒你平安夜未過的鬧鐘肝腦塗地。

或者你還有方法四、方法五和方法六......

過了平安夜的 24 小時，加上寂寞的你，一覺醒來，可能會見到今天的節日是「怪誕節」.......或許，簡體字的一個好處，便是令你知道，聖誕節伴隨而來的煩惱，可能令你的人生變得更加「怪誕」。

By 簡單田
聖誕交叉 Blog

Market Viking 市場維京人

2012

是時候入貨了！

巧合

黃金交叉、黃金機會、黃金後市

似做緊黃金交叉，但個勢又似尋頂 ...

顛簸的一周 - 一個投機者的獨白（香港版）

媽媽我餓，但我吃不下！

不一樣的五月

買阿里巴巴即係買馬雲

黃金戰士

壞消息下審慎看好

豬流感似未受控

Twitter Power, 唔到你唔信

水的三個形態 - 放水掠水散水

決戰 250天線

2009 殺熊記

如無意外，今次升勢恆指起碼見二萬點！

圖表會說話

奧巴馬百日維新，美股開市大升

經濟唔好又發豬瘟，仲加埋地震？

豬流感越演越烈，買貨要猶豫

下周將會大升

考慮轉軚

今時今日有短炒冇長揸

挑戰高位屢戰屢敗

小注 put 一 put

全球觸目 China GDP

等候 40隻熊證打靶

先到 Utrecht 鐵道博物館，再到 Rotterdam

Easter Holiday ...... None of my business ......

反彈似完成，熊出沒注意

趁低吸納，講緊嘅係金而唔係股票

今期，挪威有森林

報復式反彈，恐慌性買貨

秋官效應，一 Q 打散晒個市！

短線看好，中線有保留

一年容易

救到你升為止！

美元，唔好睇咁淡

閒逛阿姆斯特丹

美元，大暴跌發生

即晚已經賺錢

壞消息 + 好消息的膠著

市場維京人 Twitter 版開通了

命不該絕，還是只是時辰未到？

金融股睇法

最近比較煩

華爾街大反彈！

最後一分鐘．菁姐的眼淚

城鎮雖小，建築美麗 - Haarlem

匯控低見 $33！

同人唔同命

再談匯控供股．講吓匯市走勢

穩健不代表盈利能力好

市靜．等待匯控業績

財赤

呢個世界冇乜嘢係冇可能嘅

不一樣的運河城市 - Utrecht

金價 1000 已達，歐羅淡倉係咁俾人夾

今期六合彩九注中！

奧巴馬今次救得正確

第二波殺到，市況開始轉壞

業績期前

好荷蘭感覺但有點造作的 Zaanse Schans

阿姆斯特丹感覺: 運河、單車、大麻、紅燈區、仲有花。

初一開始遇厄運

送鼠迎牛，恭喜發財

農暦新年，外圍風起雲湧時

Where're the jobs? Where's Steve Jobs?

會有反彈吧！只是彈完又如何 ......

奧巴馬關鍵的 100日

Obama 明日上任，Stock Market 今日靜局，HSBC 倫敦暴跌

虎落平陽被犬欺

三個準繩

匯控向下挫、道指向下瀉、歐羅向下滑

Yen 又升，股又跌，13800穿咗！

噢，加碼 ...... 杯水車薪呢 ......

請縛緊安全帶

順李生個勢而為