維京人喺月頭已經講過六月飛霜，結果呢個難捱的六月終於已經過去。其實難捱的唔只係六月，而係今年頭六個月亦同樣難捱。今日恆指收報 22,102點，微漲 59點但陰燭。成交繼續奀奀，只有 531億。今日係月結季結同埋半年結。原來埋單計數，上半年恆指真係慘不忍睹，藍籌跌咗 20.5%，超過 5,000 點。而國企指數嘛 ...... 仲衰，頭六個月已經唔見 26.3%。呢個半年據聞話係有記錄以來跌得最勁的六個月，相信都冇乜點錯。
環顧周邊，原來香港比起日本同埋台灣等亞洲國家同地區跌得多，但就比起阿爺跌少好多，國貨持有者都要嗌聲好險。原來今年 A 股已經跌咗差唔多一半。較有代表性的滬深 300 指數今日收報 2,792點，比起上年的 5,338點跌咗 47.7%！其中中石油 (#601857)可以話係代表作，由上市第一日的最高價 RMB 48.62 下滑到家下報 RMB 14.94，大概都有 7成跌幅。難怪內地股民只能嘆句：「問君能有幾多愁, 恰似滿倉中石油」啦！
又睇下內地股民點樣借自制短片嚟發洩啦！
《投資狀》
較舊的《我站在中石油 48 元之巔》
展望七月，暫時都未有咩方向。淨係知道七月會有好多上市公司公佈中期業績報告。其中中國鋁業 (#02600) 己經於早前發出盈利預警，攪到法巴發表研究報告，話其中包括國壽 (#02628) 及中石油 (#00857) 等國企中期盈利或者會跌五成！睇來一眾能夠保持增長的國貨，亦可能會增長減減速唔好行咁快。
維京人則覺得 7月份可能會係一個幾悶既月份。相信個市壞消息滿天飛唔會升得去邊，亦可能會因奧運而唔會跌得太勁。即會抽上插落，但波幅有限。呢 D 場合，緊係繼續沽港交所 (#00388)博佢成交繼續奀皮啦 ......
手頭的貨：
# 02823 A50 基金 - 暫蝕 17%
# 07179 港交所 put 輪 - 暫賺 28%
其中 A50 基金，如果跌到 $12 可能會考慮再加碼入貨。一於 buy China for long term!
聽日港股休市，要星期三先有金魚缸可以睇喇。
******
維京人公司的 project 本身係今日 go live 的，不過老細又有新玩法，要執過個 organization functional chart 再培訓先上 system。既然係咁，我哋呢 D 做細既，又點可以唔聽老細的做法呢 ..... 希望可以多咗 D 時間睇住個市啦 ......
******
四年一度的歐洲國家盃尋晚終於打入決賽。雖然明知西班牙係勝一籌，不過我哋呢 D 德國躉都係捧德國隊冇走雞架喇。今屆開頭踢得唔係咁好的德國，家下拎到亞軍，都算唔錯啦。而今晚開始又可以過番 D 正常人的生活。
祝各位香港回歸假期愉快！
維京人地處極北之地，居民想自己找條出路，但他們甚麼也沒有，只有遍地冰雪。誰知道，他們常不按牌理出牌，不守遊戲規則；常攻人不備，並大肆掠奪；最終，將劣勢化為優勢，以小搏大，打進五湖四海。
2008年6月30日星期一
2008年6月28日星期六
油魔肆虐，全球股市散晒！
尋日油價挑戰 $140，美股及美滙昨晚大跌。DOW 跌多過三百點。全球股市亦因為呢隻油魔攪到散晒，尋晚歐洲至美洲至今朝的亞洲市，全面崩潰，日韓股市跌 2%；內地暴跌半成，滬指周線圖出現六支陰燭；香港恆指一度跌接近 700點，收市報 22,042點，跌 413點，成交約 620 億。
今日六月期指結算，淡友成為大贏家，由頭贏到尾，仲係贏到開巷嗰隻。成個六月原來跌咗接近二千點！五月跌二千六月又跌二千，兩個月夾埋已經跌咗成四千點。今期技術分析派又一次勝利，因為恆指好完美咁完成呢次頭肩頂的任務，達到量度跌幅約兩萬二，準到無倫！
滬深大插水，好似郭晶晶表演咁精彩。香港的國貨當然難獨善其身啦！六行三保全線下跌，其中跌得最勁的係財險 (#02328)，跌 4.49%。中石油 (#00857) 跌接近 3%、中石化 (#00386) 跌超過 3%。不過唔及 A 貨跌得勁。中石油 A 股 (#601857) 同埋中石化 A 股 (#600028) 分別跌 3.47% 以及 9.12%！郭晶晶跳水如果都係有咁樣的跌幅，可能會跌穿個頭都未定！
今年以來亞太區股市普遍跌超過一成。今晚油價又創新高，仲 touch 過 $142，DOW 都跌過六十零點。里昂料美股會跌至 06年低位，照咁計，DOW 大概會跌到去 10,700點，應該仲有約 7% 可以跌。油魔繼續發惡，睇嚟星期一亞太區股市都唔會有 D 咩大反彈。六月仲有下星期一呢個交易日，港股能否五窮六絶七翻身，仲要睇多陣，同埋要油價可唔可以唔再升先知！
今日六月期指結算，淡友成為大贏家，由頭贏到尾，仲係贏到開巷嗰隻。成個六月原來跌咗接近二千點！五月跌二千六月又跌二千，兩個月夾埋已經跌咗成四千點。今期技術分析派又一次勝利，因為恆指好完美咁完成呢次頭肩頂的任務，達到量度跌幅約兩萬二，準到無倫！
滬深大插水，好似郭晶晶表演咁精彩。香港的國貨當然難獨善其身啦！六行三保全線下跌，其中跌得最勁的係財險 (#02328)，跌 4.49%。中石油 (#00857) 跌接近 3%、中石化 (#00386) 跌超過 3%。不過唔及 A 貨跌得勁。中石油 A 股 (#601857) 同埋中石化 A 股 (#600028) 分別跌 3.47% 以及 9.12%！郭晶晶跳水如果都係有咁樣的跌幅，可能會跌穿個頭都未定！
今年以來亞太區股市普遍跌超過一成。今晚油價又創新高，仲 touch 過 $142，DOW 都跌過六十零點。里昂料美股會跌至 06年低位，照咁計，DOW 大概會跌到去 10,700點，應該仲有約 7% 可以跌。油魔繼續發惡，睇嚟星期一亞太區股市都唔會有 D 咩大反彈。六月仲有下星期一呢個交易日，港股能否五窮六絶七翻身，仲要睇多陣，同埋要油價可唔可以唔再升先知！
2008年6月26日星期四
一葉知秋
尋晚聯儲局議息，結果一如市場預期冇加冇減，維持 2厘不變。不過伯老對加息的態度就冇咁強硬，仲俾人的感覺有 D 搖擺不定。係咪以為經濟差就唔會有通漲先？喺外滙市場內，大家都有 D 失望，美元指數又跌番落嚟。
美元散散哋，油魔就 high high 哋又再出動。寫呢篇 post 的呢一個 moment，油價又升咗 $3.75，報 $138.3。睇嚟上破 $140 都係市場上既合理期望。小弟睇油價可能要去到 $150 先至會回吐番少少。OPEC 主席仲話油價有機會去到 $150 - $170，賣花果然讚花香！
話咗呢個禮拜係多事之週，美國今晚公佈 5月份二手屋銷售為 499萬間，略升 2%。國民生產總值就修定為 1%，比修定前好 0.1%。個人消費支出修定後為 3.5%，同預期差唔多。
高盛 (#GS) 睇淡花旗 (#C)，或者需要再集資，被列入沽空名單。富通仲話取消派息外，仲要集資15 億歐元。
DOW 開市就受油魔所影響，跌多過 200 點。又睇下美股收市會唔會再跌多 D?
香港的任總話第二季的外滙收入可能會連續第二季下跌。中移動今日以最低位收市，向雙位數昂然邁進。一眾出口股弱過藥煲，疲過腐皮。龍頭股利豐 (#00494) 大跌 6.72%。港交所 (#00388) 唔知係咪得罪咗政府，新的香港商品交易所 (HKMEX) 受鬍鬚司長力撐。港交所就受花旗調高至「買入」，升超過 2.5% 後收市只係升 $1， 唔夠 1%，維京人繼續睇淡。其餘港股今日好多都見高位後即刻俾人掟貨，你都未話唔驚！
恆指今日收報 22,455點，成交仍然奀 chit chit，只有 595億。跌咗既 179 點正係尋日升咗既 179 點。唔知係人為定係冥冥中自有主宰。今年股民睇來應該要忍忍手，唔係真係買咗股票做蟹後，冇得翻身仲變埋傻 B。
呢排亞洲各國開始有 D 爆鑊跡象。越南股市連續廿幾日開陰燭後冇得反彈；泰銖跌穿一年新低，泰國央行分別喺今個月 10日及 19日出手沽美元以維持滙價，最後美元兌泰銖報 33.545，出手冇用滙價繼續跌得一浪低於一浪。
今期應該有資金外流離開亞洲區。除越南同泰國外，其他既國家係咪真係流走同埋流走幾多就未知，但香港就肯定係流走得好勁！港滙自 3月中旬以來，港元對美元匯率持續走軟，並于近日創出 7.804 的近 10個月新低。與此相對應，港元拆息開始逐步攀升，呢兩個禮拜更有加速上揚的姿勢，好明顯國際熱錢開始撤離香港市場。
一葉知秋，種種跡象表明，呢個六月真係唔會好過。又睇吓過咗歐洲國家盃會唔會好 D ?
手頭的貨：
# 02823 A50 基金 - 暫蝕 13%
# 07179 港交所 put 輪 - 暫賺 28%
******
講番歐洲國家盃。尋晚好開心德國又贏波，雖然贏得好險。今晚又到咗維京人最鐘意既俄羅斯，對今屆大熱之一既西班牙。唔知俄羅斯可唔可以喺神奇教練希汀克既領軍之下，反敗為勝贏番上次輸俾既西班牙，以一雪前恥？
Good luck!
美元散散哋，油魔就 high high 哋又再出動。寫呢篇 post 的呢一個 moment，油價又升咗 $3.75，報 $138.3。睇嚟上破 $140 都係市場上既合理期望。小弟睇油價可能要去到 $150 先至會回吐番少少。OPEC 主席仲話油價有機會去到 $150 - $170，賣花果然讚花香！
話咗呢個禮拜係多事之週，美國今晚公佈 5月份二手屋銷售為 499萬間，略升 2%。國民生產總值就修定為 1%，比修定前好 0.1%。個人消費支出修定後為 3.5%，同預期差唔多。
高盛 (#GS) 睇淡花旗 (#C)，或者需要再集資，被列入沽空名單。富通仲話取消派息外，仲要集資15 億歐元。
DOW 開市就受油魔所影響，跌多過 200 點。又睇下美股收市會唔會再跌多 D?
香港的任總話第二季的外滙收入可能會連續第二季下跌。中移動今日以最低位收市，向雙位數昂然邁進。一眾出口股弱過藥煲，疲過腐皮。龍頭股利豐 (#00494) 大跌 6.72%。港交所 (#00388) 唔知係咪得罪咗政府，新的香港商品交易所 (HKMEX) 受鬍鬚司長力撐。港交所就受花旗調高至「買入」，升超過 2.5% 後收市只係升 $1， 唔夠 1%，維京人繼續睇淡。其餘港股今日好多都見高位後即刻俾人掟貨，你都未話唔驚！
恆指今日收報 22,455點，成交仍然奀 chit chit，只有 595億。跌咗既 179 點正係尋日升咗既 179 點。唔知係人為定係冥冥中自有主宰。今年股民睇來應該要忍忍手，唔係真係買咗股票做蟹後，冇得翻身仲變埋傻 B。
呢排亞洲各國開始有 D 爆鑊跡象。越南股市連續廿幾日開陰燭後冇得反彈；泰銖跌穿一年新低，泰國央行分別喺今個月 10日及 19日出手沽美元以維持滙價，最後美元兌泰銖報 33.545，出手冇用滙價繼續跌得一浪低於一浪。
今期應該有資金外流離開亞洲區。除越南同泰國外，其他既國家係咪真係流走同埋流走幾多就未知，但香港就肯定係流走得好勁！港滙自 3月中旬以來，港元對美元匯率持續走軟，並于近日創出 7.804 的近 10個月新低。與此相對應，港元拆息開始逐步攀升，呢兩個禮拜更有加速上揚的姿勢，好明顯國際熱錢開始撤離香港市場。
一葉知秋，種種跡象表明，呢個六月真係唔會好過。又睇吓過咗歐洲國家盃會唔會好 D ?
手頭的貨：
# 02823 A50 基金 - 暫蝕 13%
# 07179 港交所 put 輪 - 暫賺 28%
******
講番歐洲國家盃。尋晚好開心德國又贏波，雖然贏得好險。今晚又到咗維京人最鐘意既俄羅斯，對今屆大熱之一既西班牙。唔知俄羅斯可唔可以喺神奇教練希汀克既領軍之下，反敗為勝贏番上次輸俾既西班牙，以一雪前恥？
Good luck!
港交所 vs 新港交所
風神訪港，港股得番半日市。恆指今日收市報 22,635點， 升咗約 371 點後回軟，最後升179點。成交持續疲過腐皮，股民無心戀戰，半日市得嗰約 378億。
港交所 (#00388) 一如維京人較早前喺呢度所料，繼續下跌。收市報 $115，今日一度挫近 $113 今年低位，跌 2.3%。好肯定弱勢已成，家下沽港交所可以話係最穩陣的選擇！小弟的港交所沽輪則比我想像中升得少，可能 premium 仲係幾貴的關係？
維京人成日覺得香港自稱為國際金融中心，實情係有 D 名不符實。大家喺港交所炒開既嚟嚟去去就只有嗰幾味，較熱門的有股票、窩輪、牛熊證、期指等；外滙冇日本新加坡等咁普及，亦唔係港交所的 scope；而呢幾年好流行的商品期貨香港就連影都冇。實情我哋背靠大陸，理論上攪商品期貨應該有得做。不過唔知港交所係咪戀棧家下做獨家生意唔休做，好多對「香港國際金融中心」呢個品牌有幫助的產品都冇推出，確實令人失望。
今日突然睇新聞知道，唔知乜水突然話要攪香港商品交易所，仲話開始時做燃油期貨合約的交易。咁做係希望可以捕捉全球大宗商品投資的大幅飊升所造成的商機，亦可以好好利用香港作為中國咁多個城市中，最國際化同金融最好的優勢，幫番中國。新的交易所最快會喺出年 Q1 開始啟動，到時要密切留意。
另外亦都要留意的係，仲有約一個鐘美國聯儲局就會公佈議息結果，以及兩個鐘頭後歐洲國家盃德國對土耳其。
小弟係捧德國架！希望佢會贏啦！
港交所 (#00388) 一如維京人較早前喺呢度所料，繼續下跌。收市報 $115，今日一度挫近 $113 今年低位，跌 2.3%。好肯定弱勢已成，家下沽港交所可以話係最穩陣的選擇！小弟的港交所沽輪則比我想像中升得少，可能 premium 仲係幾貴的關係？
維京人成日覺得香港自稱為國際金融中心，實情係有 D 名不符實。大家喺港交所炒開既嚟嚟去去就只有嗰幾味，較熱門的有股票、窩輪、牛熊證、期指等；外滙冇日本新加坡等咁普及，亦唔係港交所的 scope；而呢幾年好流行的商品期貨香港就連影都冇。實情我哋背靠大陸，理論上攪商品期貨應該有得做。不過唔知港交所係咪戀棧家下做獨家生意唔休做，好多對「香港國際金融中心」呢個品牌有幫助的產品都冇推出，確實令人失望。
今日突然睇新聞知道，唔知乜水突然話要攪香港商品交易所，仲話開始時做燃油期貨合約的交易。咁做係希望可以捕捉全球大宗商品投資的大幅飊升所造成的商機，亦可以好好利用香港作為中國咁多個城市中，最國際化同金融最好的優勢，幫番中國。新的交易所最快會喺出年 Q1 開始啟動，到時要密切留意。
另外亦都要留意的係，仲有約一個鐘美國聯儲局就會公佈議息結果，以及兩個鐘頭後歐洲國家盃德國對土耳其。
小弟係捧德國架！希望佢會贏啦！
2008年6月25日星期三
風神到，未吹散美股 (起碼呢刻仲係)
風神駕到，晚黑話咁易就掛咗個八號波。當大家都埋怨點解呢個風唔可以遲少少打當幫忙，等聽日大家都可以唔駛返工的時候，花旗國嗰面就公佈咗六月份美國的消費者信心指數，由五月的 58.1 跌至 50.4，係16年的新低。另外，格老仲加多腳話美國已臨近衰退邊緣，真係屋漏偏逢連夜雨！嘩！咁多壞消息，美股今期仲唔散？
世事往往係好奇妙既！頭先望一望 CNBC，嘩！唔係下話？DOW 竟然可以跌約一百點後反彈！寫呢篇 post 的時候仲倒升約 39點 tim。睇嚟大家都睇住聯儲局呢兩日的議息會點。預期今次議息息率為不變。
至於今日的港股，呵呵呵，好開心，係繼續跌既。尤其係資源股同埋電力股：中國鋁業 (#02600) 連跌六日，收報 $9.16、洛陽欒川鉬業 (#03993)，跌 5.93%，收報魔鬼密碼 3 條 6：$6.66、華能國電 (#00902) 則大插 7.75%，收報 $5.71 !!
最開心的都係小弟睇淡的港交所 (#00388) 長跌長有，今日收市終於跌破 $120，收報 $117.7！
手頭的貨：
# 02823 A50 基金 - 暫蝕 15%
# 07179 港交所 put 輪 - 暫賺 27%
Good luck!
世事往往係好奇妙既！頭先望一望 CNBC，嘩！唔係下話？DOW 竟然可以跌約一百點後反彈！寫呢篇 post 的時候仲倒升約 39點 tim。睇嚟大家都睇住聯儲局呢兩日的議息會點。預期今次議息息率為不變。
至於今日的港股，呵呵呵，好開心，係繼續跌既。尤其係資源股同埋電力股：中國鋁業 (#02600) 連跌六日，收報 $9.16、洛陽欒川鉬業 (#03993)，跌 5.93%，收報魔鬼密碼 3 條 6：$6.66、華能國電 (#00902) 則大插 7.75%，收報 $5.71 !!
最開心的都係小弟睇淡的港交所 (#00388) 長跌長有，今日收市終於跌破 $120，收報 $117.7！
手頭的貨：
# 02823 A50 基金 - 暫蝕 15%
# 07179 港交所 put 輪 - 暫賺 27%
Good luck!
2008年6月23日星期一
多事之週
世事豈能盡如人意？尋日仲諗住意大利會生生性性咁踢番場好波 ...... 唉， OK 啦，唔算話踢得好差，不過淨係得個守字囉。而且個個球員都冇乜朝氣咁，個波唔咁就腳就即刻縮腳唔追波，慌死西班牙會打反擊，踢法略嫌保守咗啲。
另一樣未能盡我意既係今日個市冇大跌到，冇癮。其實喺開市前都估到架喇，因為澳洲日本等開市都唔係插得好勁。點知香港個市殺完好友殺淡友，由開市後跌咗三百零點，然後倒升而下午返嚟見到內地個市況唔就，恆指今日收報 22,714 點，跌 30 點。成交又繼續維持低水平，約六百幾億。國企指數就跌幅比較得勁啲，收報 12,236點，跌 107 點。跌得勁係因為好多資源股大插水，好似馬鞍山鋼鐵 (#00323) 跌 7.1%、中國鋁業 (#02600) 跌 5.7%、洛陽鉬業 (#03993) 跌 8.29%，真係冇陰功 ......
今期買股票真係都幾難玩，話晒都係熊市。之前以為好穩陣的股票，家下隨時都會俾基金洗倉。買藍籌博反彈咩？又淨係彈得少跌得多；買細價股博大升幅，而家好明顯又未係時候炒細股；買窩輪又只得正股有波幅，隻輪冇升幅，齋蝕時間值；買牛熊證就仲危險，因為隨時會 touch 到個回收價隻證即時打靶。
既然投資者今期未算恐慌，大市亦應未到衰到貼地、否極泰來之時。亦即係話個市應該未見底！大家要小心。
六月過埋呢個禮拜又差唔多玩完。D 財經分析員好多都話大戶為咗粉飾第二季甚至上半年年結的廚窗，都唔夠膽將個市捽低。禮拜五就期指結算，要留意呢個禮拜美國有幾個數據將會公佈，包括聽晚有 6月消費信心指數、星期三議息兼且有 5月耐用品訂單數據、星期四公佈利率決議及政策聲明，以及第一季生產毛額、個人消費、GDP 價格指數、個人消費支出核心指數及 5月成屋銷售。是但一個 lower than expectation or over expectation，個市又會大癲大肺發神經。
今日大摩摩根士丹利估未來十五日港交所 (#00388) 估價會下跌，甚至比小弟之前估的百零蚊進取，佢估會去到一百蚊！
今晚冇波睇，可以瞓番覺好覺！
請請！
另一樣未能盡我意既係今日個市冇大跌到，冇癮。其實喺開市前都估到架喇，因為澳洲日本等開市都唔係插得好勁。點知香港個市殺完好友殺淡友，由開市後跌咗三百零點，然後倒升而下午返嚟見到內地個市況唔就，恆指今日收報 22,714 點，跌 30 點。成交又繼續維持低水平，約六百幾億。國企指數就跌幅比較得勁啲，收報 12,236點，跌 107 點。跌得勁係因為好多資源股大插水，好似馬鞍山鋼鐵 (#00323) 跌 7.1%、中國鋁業 (#02600) 跌 5.7%、洛陽鉬業 (#03993) 跌 8.29%，真係冇陰功 ......
今期買股票真係都幾難玩，話晒都係熊市。之前以為好穩陣的股票，家下隨時都會俾基金洗倉。買藍籌博反彈咩？又淨係彈得少跌得多；買細價股博大升幅，而家好明顯又未係時候炒細股；買窩輪又只得正股有波幅，隻輪冇升幅，齋蝕時間值；買牛熊證就仲危險，因為隨時會 touch 到個回收價隻證即時打靶。
既然投資者今期未算恐慌，大市亦應未到衰到貼地、否極泰來之時。亦即係話個市應該未見底！大家要小心。
六月過埋呢個禮拜又差唔多玩完。D 財經分析員好多都話大戶為咗粉飾第二季甚至上半年年結的廚窗，都唔夠膽將個市捽低。禮拜五就期指結算，要留意呢個禮拜美國有幾個數據將會公佈，包括聽晚有 6月消費信心指數、星期三議息兼且有 5月耐用品訂單數據、星期四公佈利率決議及政策聲明，以及第一季生產毛額、個人消費、GDP 價格指數、個人消費支出核心指數及 5月成屋銷售。是但一個 lower than expectation or over expectation，個市又會大癲大肺發神經。
今日大摩摩根士丹利估未來十五日港交所 (#00388) 估價會下跌，甚至比小弟之前估的百零蚊進取，佢估會去到一百蚊！
今晚冇波睇，可以瞓番覺好覺！
請請！
充電加油後，係時候玩插水
內地允許成品油同電費加價，港股受到內地周四宣佈充充電加加油所影響，上星期五恆指曾經升咗差唔多成五六百點；不過好花不常開、好景永遠不常在，好快港股就由高位插返落嚟，恆指最後收市報 22,745點，倒跌 52點。好似有 D 春江鴨預計到周五晚美股大插水。
周五晚美國 DOW 收市終於失去重要心理關口 12,000點，收市報 11,842點，大跌 220點！聽日注定成個亞洲市冇運行。如無意外，港股聽日開市應裂口低開五百點起碼，玩下手之後會大插水跌超過一千點！恐慌性拋售又嚟 lu ! 淡友如無意外應可喺期指結算前大豐收！
維京人一早講過六月飛霜，家下真係開口中！後市點睇？嚟緊的星期五係期指結算，如無意外呢個六月整支大陰燭應該冇走雞！總之睇咗聽日場戲先啦！至於較遠的七月份嘛 ...... 過埋今個月先算啦！
維京人手頭的貨：
# 02823 A50 基金 - 暫蝕 15%
# 07179 港交所 put 輪 - 暫賺 11%
A50 基金為長線持有，可以唔駛點理。至於港交所 put 輪，如果聽日港交所 (#00388) 跌破行駛價 $120，相信 #07179 應該會有個幾和味的升幅。
******
尋晚歐洲國家盃超好睇！點解咁講？乜唔係荷蘭輸波咩？係呀，冇錯呀，不過維京人係捧俄羅斯喎！冇計啦，由 2002年世界盃捧神奇領隊希汀克到而家，尋日小弟亦買冷門俄羅斯。而俄羅斯即場亦真係踢得超水準！荷蘭應該輸得心服口服。而小弟對嗰種眾人皆輸我獨贏的感覺，哈哈，講真，真係好美妙呀！
今晚小弟買咗意大利，因為佢真係越踢越好。希望佢可以好似俄羅斯咁踢出水準啦。不過，西班牙亦非泛泛之輩，所以意大利，要俾心機先至掂呀！
周五晚美國 DOW 收市終於失去重要心理關口 12,000點，收市報 11,842點，大跌 220點！聽日注定成個亞洲市冇運行。如無意外，港股聽日開市應裂口低開五百點起碼，玩下手之後會大插水跌超過一千點！恐慌性拋售又嚟 lu ! 淡友如無意外應可喺期指結算前大豐收！
維京人一早講過六月飛霜，家下真係開口中！後市點睇？嚟緊的星期五係期指結算，如無意外呢個六月整支大陰燭應該冇走雞！總之睇咗聽日場戲先啦！至於較遠的七月份嘛 ...... 過埋今個月先算啦！
維京人手頭的貨：
# 02823 A50 基金 - 暫蝕 15%
# 07179 港交所 put 輪 - 暫賺 11%
A50 基金為長線持有，可以唔駛點理。至於港交所 put 輪，如果聽日港交所 (#00388) 跌破行駛價 $120，相信 #07179 應該會有個幾和味的升幅。
******
尋晚歐洲國家盃超好睇！點解咁講？乜唔係荷蘭輸波咩？係呀，冇錯呀，不過維京人係捧俄羅斯喎！冇計啦，由 2002年世界盃捧神奇領隊希汀克到而家，尋日小弟亦買冷門俄羅斯。而俄羅斯即場亦真係踢得超水準！荷蘭應該輸得心服口服。而小弟對嗰種眾人皆輸我獨贏的感覺，哈哈，講真，真係好美妙呀！
今晚小弟買咗意大利，因為佢真係越踢越好。希望佢可以好似俄羅斯咁踢出水準啦。不過，西班牙亦非泛泛之輩，所以意大利，要俾心機先至掂呀！
2008年6月19日星期四
A 股估值開始變得合理
今日恆指又再插咗 528點，收市報 22,797點。離頭肩頂量度跌幅去到二萬二咁上下，仲有約七百點水位，仲未似係可以做好的時候。而內地個市今日就慘 lor，尋日大家都憧憬阿爺會出手打救，expect 個市會升；點知內地約一億股民既同一個夢想，亦喺同一日幻滅。今日 A 股超過一千隻股票跌停版，上證指數暴跌 192 點收報 2,748點，失守 2,800點。A 市股民開始不斷炒蝦拆蟹咁鬧，矛頭仲直指監管當局。唉 ...... 鬧嚟做乜？買股票係你情我願架嘛，跌市好心就未輸打贏要啦！
A 股已經喺高位回落差唔多一半有多，P/E 亦去到廿零倍咁上下 (要知道上年 A 股 P/E 去到差唔多有成 70 倍！) ，估值已經開紿變得較為合理。咁當然，廿零倍你話係咪好平呢？咁又肯定唔係。只係較為合理而已，而合理既股價亦唔代表股價唔會繼續跌！
若睇好 China 前景而同時亦冇貨喺手既朋友，呢個 moment，其實都可以考慮第一注買入與 A 股有關的基金。理由除咗估值上覺得合理外，原來家下已經有 95% 既 A 股股民輸錢！經濟方面，會影響內需；政治方面，會影響和階社會。所以阿爺可能會隨時出手打救！
阿爺無啦啦提高成品油價格，個勢似係想提高中石油中石化等重頭股既氣勢，唔通係出手間接救市？大家又睇吓點？
A 股已經喺高位回落差唔多一半有多，P/E 亦去到廿零倍咁上下 (要知道上年 A 股 P/E 去到差唔多有成 70 倍！) ，估值已經開紿變得較為合理。咁當然，廿零倍你話係咪好平呢？咁又肯定唔係。只係較為合理而已，而合理既股價亦唔代表股價唔會繼續跌！
若睇好 China 前景而同時亦冇貨喺手既朋友，呢個 moment，其實都可以考慮第一注買入與 A 股有關的基金。理由除咗估值上覺得合理外，原來家下已經有 95% 既 A 股股民輸錢！經濟方面，會影響內需；政治方面，會影響和階社會。所以阿爺可能會隨時出手打救！
阿爺無啦啦提高成品油價格，個勢似係想提高中石油中石化等重頭股既氣勢，唔通係出手間接救市？大家又睇吓點？
2008年6月18日星期三
中字股死貓彈‧食得鹹魚要抵得渴
尋日港股成交創咗年幾以嚟的新低，維京人自己就買咗港交所 put 輪。沽港交所的主要風險為阿爺可能會塞驚無神開通直通車、或者有其他一 D 你估佢唔到既新政策。點知話口未完，今日內地個市就傳阿爺會出手救市，等 A 股今日終於嚟個反彈。
上證指數連跌十日後終於嚟個比較似樣的反彈，滬深兩市大漲超過 5%。上海證券綜合指數收市報 2,941點，升 146點，或 5.24%；深圳證券成份股指數收市報 9,903 點，升 473 點，或 5.02%；滬深 300 指數則報收 2991 點，升 148 點，或 5.23%。較多人講的上證指數同埋滬深 300 指數暫時仍然俾 3,000 點呢個心理關口頂住。
受內地個市帶動，港股亦唔執輸；其中又以 H 股升得較為勁。國企指數收報 12,829點，升 261 點，即 2.1 %；而恆生指數收市報 23,325 點，升 267點，比較略為失色升咗 1.2 %。
小弟覺得今次中字股反彈，特別係 A 股，絶對係一次死貓彈！即係話只係大跌後既迴光返照，暫時仲未見到轉勢！話晒個市弱不禁風，點會咁容易話升就升呢？更何況內地 A 股由天堂五十倍至一百倍市盈率跌落嚟，家下都有成廿零倍市盈率，都仲係喺人間，未至於去到地獄少過兩位數字的市盈率噃 ......
日前由中國證券投資者保護基金公司發出的一份問卷，內容古靈精怪，都唔知佢想點。問卷的問題設計，主要係想了解一下股票投資者對現有跌市的看法，但最攪野既係問咗好多投資者對政府救市的看法，例如「你是否預計到政府會採取措施？」、「你如何看待前期政府連續出台的政策措施的效果？」、「如果政府繼續採取措施，你認為以下政策措施按有效程度排列次序為？」然後俾十大政府救市措施俾人揀！
嘩！有冇攪錯？乜大家真係 expect 股市跌要政府出嚟救市？
買同賣係市場經濟一個好重要的自發性行為，冇人迫你買或者賣架喎。股價升，你叻你有眼光你肯博！股價跌，冇理由就希望政府救市吓嘛？話晒要食得鹹魚抵得渴喎！
要知道股價跌到咁上下，就一定會有醒目兼且有遠見的投資者出手入市。呢個 moment 唔入，可能未到價。等佢跌多 D 多 D 再多 D，點樣都有一個 moment 係醒目資金忍唔住要入市啩？市場總會有佢一隻無形之手去調整既，係咪一定要政府出手大家先覺得 OK ?
Anyway, 最衰內地股市仲未開放，嗰 D 醒目錢可能仲未可以直接咁投資內地個市，而導至內地既市仲未捨得正式脫離熊市。又或者大家都覺得 A 股既股價仲未去到值得價值投資者入市既階段？
小弟都喺 $17.4 買咗 A50 基金架 ...... 始終相信內地長遠經濟 no problem 嘛！For long term， 繼續 buy China 可也！短線嘛 ...... 大家可唔可以唔好，唔好迫阿爺出手呢？我相信阿爺都好想擺脫政策市，讓有中國特色的市場經濟發揮佢既作用嘛 ......
唔該晒！
上證指數連跌十日後終於嚟個比較似樣的反彈，滬深兩市大漲超過 5%。上海證券綜合指數收市報 2,941點，升 146點，或 5.24%；深圳證券成份股指數收市報 9,903 點，升 473 點，或 5.02%；滬深 300 指數則報收 2991 點，升 148 點，或 5.23%。較多人講的上證指數同埋滬深 300 指數暫時仍然俾 3,000 點呢個心理關口頂住。
受內地個市帶動，港股亦唔執輸；其中又以 H 股升得較為勁。國企指數收報 12,829點，升 261 點，即 2.1 %；而恆生指數收市報 23,325 點，升 267點，比較略為失色升咗 1.2 %。
小弟覺得今次中字股反彈，特別係 A 股，絶對係一次死貓彈！即係話只係大跌後既迴光返照，暫時仲未見到轉勢！話晒個市弱不禁風，點會咁容易話升就升呢？更何況內地 A 股由天堂五十倍至一百倍市盈率跌落嚟，家下都有成廿零倍市盈率，都仲係喺人間，未至於去到地獄少過兩位數字的市盈率噃 ......
日前由中國證券投資者保護基金公司發出的一份問卷，內容古靈精怪，都唔知佢想點。問卷的問題設計，主要係想了解一下股票投資者對現有跌市的看法，但最攪野既係問咗好多投資者對政府救市的看法，例如「你是否預計到政府會採取措施？」、「你如何看待前期政府連續出台的政策措施的效果？」、「如果政府繼續採取措施，你認為以下政策措施按有效程度排列次序為？」然後俾十大政府救市措施俾人揀！
嘩！有冇攪錯？乜大家真係 expect 股市跌要政府出嚟救市？
買同賣係市場經濟一個好重要的自發性行為，冇人迫你買或者賣架喎。股價升，你叻你有眼光你肯博！股價跌，冇理由就希望政府救市吓嘛？話晒要食得鹹魚抵得渴喎！
要知道股價跌到咁上下，就一定會有醒目兼且有遠見的投資者出手入市。呢個 moment 唔入，可能未到價。等佢跌多 D 多 D 再多 D，點樣都有一個 moment 係醒目資金忍唔住要入市啩？市場總會有佢一隻無形之手去調整既，係咪一定要政府出手大家先覺得 OK ?
Anyway, 最衰內地股市仲未開放，嗰 D 醒目錢可能仲未可以直接咁投資內地個市，而導至內地既市仲未捨得正式脫離熊市。又或者大家都覺得 A 股既股價仲未去到值得價值投資者入市既階段？
小弟都喺 $17.4 買咗 A50 基金架 ...... 始終相信內地長遠經濟 no problem 嘛！For long term， 繼續 buy China 可也！短線嘛 ...... 大家可唔可以唔好，唔好迫阿爺出手呢？我相信阿爺都好想擺脫政策市，讓有中國特色的市場經濟發揮佢既作用嘛 ......
唔該晒！
2008年6月17日星期二
港交所‧現價太貴
尋晚歐洲國家盃，德國隊憑住 Ballack 下半場一嘢罰球，攪掂咗奧地利而成功進入八強。維京人尋晚都好好彩：本身我 set 咗個鬧鐘 2:40 起身睇波，但點知太眼瞓，結果要成 3:45 左右先起到身，而一起身開電視就睇到球咁靚既入球！原來唔睇上半場都冇損失，認真開心！
呢兩晚 Euro 都得番 2:45 嗰場波，冇咗早場 24:00，要睇都幾辛苦。所以小弟亦早咗瞓，大約十二點零鐘就瞓， 然後瞓兩三個鐘走去睇波，完咗場波四點半左右又再瞓過，平均每晚都可以有四五粒鐘瞓，都算 OK 啦。不過其實日頭咁樣都幾攰，所以亦可能因為咁樣，近排個股市都比較悶，睇來大戶都掛住睇波而日頭冇精神睇住個市。
小弟見個市咁悶，今日平咗隻冇乜成交的熊證 #30007，執咗 25% 咁上下啦。而尋日講過話可能會買港交所 put 輪，今日食 lunch 前大約十二點既時候買咗隻 #07179 @ $0.144。
頭先走去港交所網站，搵咗今年各個月份香港主版加埋創業版的平均每日成交金額：
1月：119,514 Mil
2月：83,862 Mil
3月：89,459 Mil
4月：86,691 Mil
5月：76,672 Mil
6月：大約 58,713 Mil
上半年平均每日成交大約 $85.82B。如果唔計一月，則計出平均每日成交金額得番約 $79B。睇個 trend，成交金額同個市一樣，係一浪低於一浪，應會持續下跌。今日的成交金額仲係2007年5月以來最差既，得番 $48.27B！證明個市真係淡得交關！
香港個市去年每天平均成交有成 $88.18B。如果假設本年每天平均成交 $80B，倒退 9%，則交易所 #00388 本年盈利可能稍爲倒退至約$5.4B；現價$125.3，本年預期市盈率將高達 24.67倍。要知道今年除咗股票成交少外，新股上市好明顯比上年少好多好多。照咁睇，港交所估值過高！股價可能需要跌至市盈率十零倍咁上下先出現投資價值，仲要睇下嚟緊個股市成交能否大幅回升。
若計數咁計，以全球最大交易所 New York Euronext (#NYX) 19.04 倍市盈率計，港交所股價要跌去 $96 - $97 咁上下。即係話家下買跌仲有大把水位。買跌有著數！
呢兩晚 Euro 都得番 2:45 嗰場波，冇咗早場 24:00，要睇都幾辛苦。所以小弟亦早咗瞓，大約十二點零鐘就瞓， 然後瞓兩三個鐘走去睇波，完咗場波四點半左右又再瞓過，平均每晚都可以有四五粒鐘瞓，都算 OK 啦。不過其實日頭咁樣都幾攰，所以亦可能因為咁樣，近排個股市都比較悶，睇來大戶都掛住睇波而日頭冇精神睇住個市。
小弟見個市咁悶，今日平咗隻冇乜成交的熊證 #30007，執咗 25% 咁上下啦。而尋日講過話可能會買港交所 put 輪，今日食 lunch 前大約十二點既時候買咗隻 #07179 @ $0.144。
頭先走去港交所網站，搵咗今年各個月份香港主版加埋創業版的平均每日成交金額：
1月：119,514 Mil
2月：83,862 Mil
3月：89,459 Mil
4月：86,691 Mil
5月：76,672 Mil
6月：大約 58,713 Mil
上半年平均每日成交大約 $85.82B。如果唔計一月，則計出平均每日成交金額得番約 $79B。睇個 trend，成交金額同個市一樣，係一浪低於一浪，應會持續下跌。今日的成交金額仲係2007年5月以來最差既，得番 $48.27B！證明個市真係淡得交關！
香港個市去年每天平均成交有成 $88.18B。如果假設本年每天平均成交 $80B，倒退 9%，則交易所 #00388 本年盈利可能稍爲倒退至約$5.4B；現價$125.3，本年預期市盈率將高達 24.67倍。要知道今年除咗股票成交少外，新股上市好明顯比上年少好多好多。照咁睇，港交所估值過高！股價可能需要跌至市盈率十零倍咁上下先出現投資價值，仲要睇下嚟緊個股市成交能否大幅回升。
若計數咁計，以全球最大交易所 New York Euronext (#NYX) 19.04 倍市盈率計，港交所股價要跌去 $96 - $97 咁上下。即係話家下買跌仲有大把水位。買跌有著數！
2008年6月16日星期一
請君入甕
港股喺端午節後大插，恆指上周連跌四日整咗支大陰燭，跌一千八百幾點。美國上周五公佈五月份消費物價指數，預期 3.9%，但結果 4.2%，雖然超出預期，但由於唔係超好多，市場解讀為聯儲局未必會大幅加息，甚至可能未必咁快會加息；加上油魔後退兩步，美股 DOW 上周大幅勁升 165點。今日恆指亦唔執輸隨外圍做好，全日收報 23,029 點，升 437 點或近 2%，成交 567 億元；國指升345 點或 2.8%，收市報 12,558 點。
呢期股市大跌，其中一個原因係油魔肆虐。啱啱過咗既 weekend，維京人喺度諗緊油價的未來去向。不過對油始終唔係好熟，所以都唔係諗得好通。淨係直覺上覺得油價高處可能未算高；有分析員仲話會升到兩百蚊一桶！嘩，咁家下咪仲有好多水位？不過話番轉頭，美元可能下半年會反彈，而且話晒今年美國大選年，政客應該會出吓手啩，共和黨冇理由唔做 D 嘢架喎 ...... 所以都唔係好估得到後向如何。
美股今晚繼續有壞消息，美國投資銀行 Lehman Brothers 公布，由於破紀錄既交易同埋對沖虧損，第二季輸 28億美元。呢間美國第四大投資銀行表示，每股虧損5.14美元。去年同期有盈利12.7億美元，每股盈利有成 2.21美元架。咁即係話今年第二季輸既等於上年同期所賺的超過兩倍！
呢兩日仲有高盛 Goldman Sachs 同大摩 Morgan Stanley 公佈業績。不過佢地就事先張揚話第二季都好似有錢賺。
今晚美國個市反智地認為美國經濟同股市最壞時刻可能已過，雖然開市 DOW 都跌過超過 80點，但寫呢篇 post 既時候跌幅又收窄番只係跌得廿零點。今晚油價就嚟想創新高，又睇吓今晚美股收市如何。
小弟覺得呢兩日個市有少少請君入甕格局，喺仍然一遍壞消息的環境先俾番少少甜頭 D 小股民，然後個市又可能再因為是但一個比 expect 差的壞消息又再插過。
個市雖然好似好難估，但有一樣嘢維京人就覺得都幾肯定的，就係港交所 (#00388) 徧貴咗！個市持續咁弱雞，佢既股價真係未必值超過 20 倍既 PE。家下開始留意下 D put 輪先 (例如 #07179)，等佢呢兩日升一浸可能就會入貨買港交所跌。目標價 100 蚊。風險係阿爺塞驚無神開通直通車或者有其他一 D 你估佢唔到既新政策，所以只宜小注。
******
睇番歐洲國家盃，尋晚嗰場波真係超好睇！小弟係捧捷克既，本身頭嗰 75分鐘都好開心，但點知土耳其淨低 15分鐘輸兩粒都唔氣餒，咬實牙根90 分鐘前追番兩粒。等我仲當其時即刻喺雪櫃攞多罐啤酒出嚟，諗住可以睇埋今年特設既分組賽分勝負射十二碼！點知土耳其響加時都可以射多一球，結果反敗為勝！捷克唯有輸波收場，真係吹佢唔漲！雖然捧嗰隊入唔到 8強，但土耳其既鬥志又真係好值得人欣賞！
That's why 足球點解咁好睇！又係嗰句：波係圓既！希望今晚德國唔好再滑鐵盧輸波啦！
呢期股市大跌，其中一個原因係油魔肆虐。啱啱過咗既 weekend，維京人喺度諗緊油價的未來去向。不過對油始終唔係好熟，所以都唔係諗得好通。淨係直覺上覺得油價高處可能未算高；有分析員仲話會升到兩百蚊一桶！嘩，咁家下咪仲有好多水位？不過話番轉頭，美元可能下半年會反彈，而且話晒今年美國大選年，政客應該會出吓手啩，共和黨冇理由唔做 D 嘢架喎 ...... 所以都唔係好估得到後向如何。
美股今晚繼續有壞消息，美國投資銀行 Lehman Brothers 公布，由於破紀錄既交易同埋對沖虧損，第二季輸 28億美元。呢間美國第四大投資銀行表示，每股虧損5.14美元。去年同期有盈利12.7億美元，每股盈利有成 2.21美元架。咁即係話今年第二季輸既等於上年同期所賺的超過兩倍！
呢兩日仲有高盛 Goldman Sachs 同大摩 Morgan Stanley 公佈業績。不過佢地就事先張揚話第二季都好似有錢賺。
今晚美國個市反智地認為美國經濟同股市最壞時刻可能已過，雖然開市 DOW 都跌過超過 80點，但寫呢篇 post 既時候跌幅又收窄番只係跌得廿零點。今晚油價就嚟想創新高，又睇吓今晚美股收市如何。
小弟覺得呢兩日個市有少少請君入甕格局，喺仍然一遍壞消息的環境先俾番少少甜頭 D 小股民，然後個市又可能再因為是但一個比 expect 差的壞消息又再插過。
個市雖然好似好難估，但有一樣嘢維京人就覺得都幾肯定的，就係港交所 (#00388) 徧貴咗！個市持續咁弱雞，佢既股價真係未必值超過 20 倍既 PE。家下開始留意下 D put 輪先 (例如 #07179)，等佢呢兩日升一浸可能就會入貨買港交所跌。目標價 100 蚊。風險係阿爺塞驚無神開通直通車或者有其他一 D 你估佢唔到既新政策，所以只宜小注。
******
睇番歐洲國家盃，尋晚嗰場波真係超好睇！小弟係捧捷克既，本身頭嗰 75分鐘都好開心，但點知土耳其淨低 15分鐘輸兩粒都唔氣餒，咬實牙根90 分鐘前追番兩粒。等我仲當其時即刻喺雪櫃攞多罐啤酒出嚟，諗住可以睇埋今年特設既分組賽分勝負射十二碼！點知土耳其響加時都可以射多一球，結果反敗為勝！捷克唯有輸波收場，真係吹佢唔漲！雖然捧嗰隊入唔到 8強，但土耳其既鬥志又真係好值得人欣賞！
That's why 足球點解咁好睇！又係嗰句：波係圓既！希望今晚德國唔好再滑鐵盧輸波啦！
2008年6月11日星期三
一筆勾銷
今年4月20日星期日，阿爺苦心出手，推出大小非解禁新政策。令反映上海 A、B 股綜合走勢的滬綜指一度由低位 3,000 點彈番上嚟，等一眾內地 A 股股民以為三千點好有支持，鍚晒爺爺。不過世事往往未如人意，四川地震阿爺緊係寧願救災民緊要過救股民。今日滬綜指早盤曾喺 3,000 點關口失守，最低跌至 2,991 的最低點，最後收市險守 3,024 點。4月反彈上嚟的升幅即刻嚟個一筆勾銷！
今日香港算係牛皮 (或者係熊皮都得) 啦，收市跌咗 47 點，收市報 23,327。
內地市況唔就，美國個市就更差。啱啱寫呢篇 post 的時候 DOW 已經跌超過 160 點。不管美市午市有冇反彈，維京人由六月頭起已經好堅定不移咁話端午過後呢兩個禮拜一定會跌！太多太多數據喺呢兩個禮拜出喇，是但一個數據唔掂都係大家沽貨的好理由。更何況美國又傳加息，越南又爆煲，香港又有禽流感要殺雞！香港股票前路茫茫，暫時都睇唔到有乜曙光。
******
講番歐洲國家盃好過。尋晚睇俄羅斯對西班牙，結果西班牙 4:1 大勝，踢得唔錯。其實俄羅斯上半場都踢得幾好，不過今次希汀克佈個陣比較新鮮，似乎後防唔係好掂。
今晚第一場捷克對葡萄牙，兩隊我都好鐘意呀！如無意外緊係葡萄牙贏。不過我捧捷克捧咗咁多年，多多少少都有 D 情意結。既然係冷門，一於開場時如果表現唔係太差，小注買佢贏！
Cheers!
今日香港算係牛皮 (或者係熊皮都得) 啦，收市跌咗 47 點，收市報 23,327。
內地市況唔就，美國個市就更差。啱啱寫呢篇 post 的時候 DOW 已經跌超過 160 點。不管美市午市有冇反彈，維京人由六月頭起已經好堅定不移咁話端午過後呢兩個禮拜一定會跌！太多太多數據喺呢兩個禮拜出喇，是但一個數據唔掂都係大家沽貨的好理由。更何況美國又傳加息，越南又爆煲，香港又有禽流感要殺雞！香港股票前路茫茫，暫時都睇唔到有乜曙光。
******
講番歐洲國家盃好過。尋晚睇俄羅斯對西班牙，結果西班牙 4:1 大勝，踢得唔錯。其實俄羅斯上半場都踢得幾好，不過今次希汀克佈個陣比較新鮮，似乎後防唔係好掂。
今晚第一場捷克對葡萄牙，兩隊我都好鐘意呀！如無意外緊係葡萄牙贏。不過我捧捷克捧咗咁多年，多多少少都有 D 情意結。既然係冷門，一於開場時如果表現唔係太差，小注買佢贏！
Cheers!
2008年6月10日星期二
一塌糊塗
美股尋晚企番穩少少，但一 D 都對港股毫無幫助。小弟喺月頭已經喺度講話端午節過後要小心，仲話會跌到你唔信，結果又中！
美股上星期五暴跌接近 400 點，而內地個市受加存款準備金率 1 個百分點所影響，今日滬指狂瀉 7.7%！港股受美中兩面夾擊，完全冇啖好食，跌個一塌糊塗。恆指今日收市報 23,375 點，跌 1,026 點。國企指數收市報 12,789 點，跌 723 點！恆指創三個月嚟最大單日跌幅，成交又好配合咁有成八百幾億。今日有成 36隻恆指牛證被收回，破咗自從香港有牛熊證後的新紀錄。家下期指仲低水百幾點，你都咪話唔恐怖！
恆指只要跌多三十零點，就會補番 4月 2日彈上嚟的上升裂口。
維京人好肯定今期跌勢未完，話明六月飛霜，起碼跌埋下個禮拜！而且又係嗰句，會跌到你唔信！睇圖表，恆指日線圖已經成功出現頭肩頂，個頭喺二萬六，條頸線喺二萬四，如無意外量度跌幅應可以去到 22,000。仲有起碼千幾點要跌！
個人覺得今次就算跌破兩萬點都唔出奇。
小弟覺得中移動 (#00941) 有機會見雙位數，港交所 (#00388) 可能得番百零蚊，匯控 (#00005) 返 $120，中國人壽 (#02628) 跌低過 $25！係咪跨張咗 D ? 係呀！Hey, 不過做人最緊要有想像力！
咁係咪即係個市會反彈無力呢？咁又未必。小弟估跌埋下個禮拜後，奧運前可能會升番浸，奧運過後又跌過，正式步入熊市三期。不過咁快估奧運後的事都係言之過早，都係睇埋下個禮拜先算！
個市要升，油價要先回落。油價幾時會回落都幾難估。
其實今期都幾大鑊，無啦啦爆咗個亞洲小金融風暴。越南上年俾人捧到上天，今日俾人打番落地獄。股市由上年高位千一點跌到家下得番三百零點，比高位跌咗差唔多六成，認真不知所謂。仲不知所謂既係越南政府為咗減少游資同埋控制通脹，大幅一口氣加息超過百分之三，認真強勢政府。越南仲自行將其貨幣貶值 2%，攪到今日泰國等亞洲國家匯率大跌，要各國央行出手托匯！
小弟的貨：
# 02823 A50 基金 - 暫蝕 9%
# 30007 恆指熊證 - 暫賺 17%
內地個市咁差，理論上 A50 基金應該喺上指跌破三千點後沽出 (而家仲未到)。不過一嚟長遠睇好中國，二嚟怕阿爺出手打救，決定長線持有。若跌到 $12 左右會加碼。
******
今日咁多壞消息，不如講番單好消息啦。下個月 11 號香港就有 3G 行貨 iPhone 賣喇！Yeah! 不過好遺憾，淨係得數字台有得賣，即係話又要幫襯李生喇。和記電訊 (#02332) 今日逆市升 1.28%。
睇番個 specification，好多功能好似好正咁，而且價錢比非 3G 版本平成一半咁濟 ... ummm ...... 真係好吸引喎 ....
******
尋日歐洲國家盃，結果法國果然贏唔到羅馬尼亞，又估中咗！但我就衰咗喺意大利度，俾荷蘭贏咁多。激死！連贏五場竟然輸喺班意大利佬度。今晚雖然西班牙贏面好大，不過我好鐘意俄羅斯神奇教練希汀克，今日一於繼續博冷，買 Russia 去也。
Good luck !
美股上星期五暴跌接近 400 點，而內地個市受加存款準備金率 1 個百分點所影響，今日滬指狂瀉 7.7%！港股受美中兩面夾擊，完全冇啖好食，跌個一塌糊塗。恆指今日收市報 23,375 點，跌 1,026 點。國企指數收市報 12,789 點，跌 723 點！恆指創三個月嚟最大單日跌幅，成交又好配合咁有成八百幾億。今日有成 36隻恆指牛證被收回，破咗自從香港有牛熊證後的新紀錄。家下期指仲低水百幾點，你都咪話唔恐怖！
恆指只要跌多三十零點，就會補番 4月 2日彈上嚟的上升裂口。
維京人好肯定今期跌勢未完，話明六月飛霜，起碼跌埋下個禮拜！而且又係嗰句，會跌到你唔信！睇圖表，恆指日線圖已經成功出現頭肩頂，個頭喺二萬六，條頸線喺二萬四，如無意外量度跌幅應可以去到 22,000。仲有起碼千幾點要跌！
個人覺得今次就算跌破兩萬點都唔出奇。
小弟覺得中移動 (#00941) 有機會見雙位數，港交所 (#00388) 可能得番百零蚊，匯控 (#00005) 返 $120，中國人壽 (#02628) 跌低過 $25！係咪跨張咗 D ? 係呀！Hey, 不過做人最緊要有想像力！
咁係咪即係個市會反彈無力呢？咁又未必。小弟估跌埋下個禮拜後，奧運前可能會升番浸，奧運過後又跌過，正式步入熊市三期。不過咁快估奧運後的事都係言之過早，都係睇埋下個禮拜先算！
個市要升，油價要先回落。油價幾時會回落都幾難估。
其實今期都幾大鑊，無啦啦爆咗個亞洲小金融風暴。越南上年俾人捧到上天，今日俾人打番落地獄。股市由上年高位千一點跌到家下得番三百零點，比高位跌咗差唔多六成，認真不知所謂。仲不知所謂既係越南政府為咗減少游資同埋控制通脹，大幅一口氣加息超過百分之三，認真強勢政府。越南仲自行將其貨幣貶值 2%，攪到今日泰國等亞洲國家匯率大跌，要各國央行出手托匯！
小弟的貨：
# 02823 A50 基金 - 暫蝕 9%
# 30007 恆指熊證 - 暫賺 17%
內地個市咁差，理論上 A50 基金應該喺上指跌破三千點後沽出 (而家仲未到)。不過一嚟長遠睇好中國，二嚟怕阿爺出手打救，決定長線持有。若跌到 $12 左右會加碼。
******
今日咁多壞消息，不如講番單好消息啦。下個月 11 號香港就有 3G 行貨 iPhone 賣喇！Yeah! 不過好遺憾，淨係得數字台有得賣，即係話又要幫襯李生喇。和記電訊 (#02332) 今日逆市升 1.28%。
睇番個 specification，好多功能好似好正咁，而且價錢比非 3G 版本平成一半咁濟 ... ummm ...... 真係好吸引喎 ....
******
尋日歐洲國家盃，結果法國果然贏唔到羅馬尼亞，又估中咗！但我就衰咗喺意大利度，俾荷蘭贏咁多。激死！連贏五場竟然輸喺班意大利佬度。今晚雖然西班牙贏面好大，不過我好鐘意俄羅斯神奇教練希汀克，今日一於繼續博冷，買 Russia 去也。
Good luck !
2008年6月9日星期一
端午節假期後要小心！
小弟上個禮拜的初期已經話唔睇好六月個市，家下更加確定有關的觀點。特別係要留意聽日開始的個零兩個禮拜！
港股上個星期的整體表現還可以，都係跌百零點啫 ...... 不過美股上星期五就暴跌接近四百點！咦？唔係喎，今日係 6月9日，來緊的星期五先係十三號喎，乜黑色星期五提早一個星期來到咩？
港股雖則今日放假可以暫時避過一刧，但正所謂刧數難逃，各位記得小心！
啱啱過咗的假期其實都幾多多災多難的新聞：星期五晚美股大跌；星期六朝早黑色暴雨，大澳變大鑊；下午保安道街市發現 H5N1，政府驚到慌失失；星期日日本秋葉原發生斬人事件；內地華南地區持續下雨，仲有死人冧樓 ...... 雖然全部都同股市冇乜直接關係，不過俾人的感覺都好唔老黎 ......
同股市有關的，咁當然有內地加存款準備金率啦！好奇怪，點解今次一口氣公佈來緊的兩次加息 (雖然喺唔同的時間加)，而唔分開兩次加？呢點小弟仲唔係好明，睇下聽日報紙點講先！
******
生意淡薄，不如賭博。
歐洲國家盃頭四場維京人都好好彩估中晒！
寫呢篇 post 的時候仲有 5分鐘羅馬尼亞對法國就開波。既然前幾場幫襯馬會贏咗少少，今晚有本錢可以買冷。
第一場我小注買羅馬尼亞 win 同埋讓球 win，只要法國隊和波或輸波我都有錢收。另外，夜場會買意大利贏荷蘭。聽日睇好俄羅斯有機會爆冷贏西班牙！
Good luck!
港股上個星期的整體表現還可以，都係跌百零點啫 ...... 不過美股上星期五就暴跌接近四百點！咦？唔係喎，今日係 6月9日，來緊的星期五先係十三號喎，乜黑色星期五提早一個星期來到咩？
港股雖則今日放假可以暫時避過一刧，但正所謂刧數難逃，各位記得小心！
啱啱過咗的假期其實都幾多多災多難的新聞：星期五晚美股大跌；星期六朝早黑色暴雨，大澳變大鑊；下午保安道街市發現 H5N1，政府驚到慌失失；星期日日本秋葉原發生斬人事件；內地華南地區持續下雨，仲有死人冧樓 ...... 雖然全部都同股市冇乜直接關係，不過俾人的感覺都好唔老黎 ......
同股市有關的，咁當然有內地加存款準備金率啦！好奇怪，點解今次一口氣公佈來緊的兩次加息 (雖然喺唔同的時間加)，而唔分開兩次加？呢點小弟仲唔係好明，睇下聽日報紙點講先！
******
生意淡薄，不如賭博。
歐洲國家盃頭四場維京人都好好彩估中晒！
寫呢篇 post 的時候仲有 5分鐘羅馬尼亞對法國就開波。既然前幾場幫襯馬會贏咗少少，今晚有本錢可以買冷。
第一場我小注買羅馬尼亞 win 同埋讓球 win，只要法國隊和波或輸波我都有錢收。另外，夜場會買意大利贏荷蘭。聽日睇好俄羅斯有機會爆冷贏西班牙！
Good luck!
2008年6月2日星期一
六月飛霜
呢排個市靜得交關，但維京人則忙到不可開交。原本五月底要趕個 project deadline，但 D user 慢吞吞仲有好多嘢未準備好，小弟一於同老細講話延遲 go live 一個月，即六月底先交貨。等維京人今個月可以唔駛執上線後的手尾，相對可以輕鬆 D。而且呢個周末開始歐洲國家盃開鑼，乘機可以舒舒服服通頂睇波！正！
如果睇成交，個市表面睇來好似水靜河飛咁。但實情上個禮拜的財經新聞真係精彩到暈！繼郭氏三兄弟內哄升級、然後有內地電信股大兜亂，再有老廉的探射燈行動捉 D 窩輪造市者去飲咖啡，仲有港交所加長「競價」時段的「勁假」收市價，真係股市乜都有，非常好玩。
信不信由你，呢個六月，維京人係睇淡的，而且有可能仲係幾淡嗰隻，個市可能會跌到你唔信。特別係要小心過咗端午節後既個零兩個禮拜，大市好有機會試試底位，一於喺奧運前嚟個大整古。
小弟絶對唔係危言聳聽。
自美國次按危機爆煲以嚟，都差唔多過咗一年有多。仲記得上年三月左右，係 HSBC 第一時間走出嚟叫人留意，同埋作出相對應的應變。其實次按攪到咁上下，減息都減咗咁多次，美元又跌到阿媽都唔認得，但係美國佬仲未有好大起色。美國已經公認係衰退！衰退還衰退，幣就幣在呢一年仲有通脹 ... 呢下先慘，通脹猛於虎，減息呢招未必萬試萬靈，仲可能攪到物價暴漲。家下做美國人好慘，供樓冇錢，周圍 D 嘢又貴，苦不堪言。2008年第一季美國銀行業賺 193億，比去年同期 356億大跌超過 45%。小弟估計下一浪應該會輪到信用卡或其他乜 loan 物 loan 爆煲，銀行又一輪撇帳，profit 又再減少，業績一浪差過一浪。
睇番美股，其實個市都冇乜點變，自低位萬零點咁上下彈番去萬三點，基本上都喺呢個 range 彈下彈下。好似好有支持咁。不過，醜婦終需見家翁，醜股終需見股東。其實2008年4月份已開始有信用卡公司 (好似係美國運通) 的撇脹率已達到差唔多 7%。嘩！咁即係借 100 蚊俾你，銀行即時 write off 7 蚊！而且撇脹率仲有上升趨勢。預期第二季業績好有機會會差過第一季。
另外，呢個禮拜五美國會公佈失業率，而禮拜六就會公佈消費信貸；過完龍舟節後會開始陸續仲有貿易收支、聯儲局褐皮書、CPI、消費者信心指數、房屋市場指數、領先指數等等，呢排大家都 expect 美國經濟最壞時間已過去，但只要其中一個數據唔符合 expectation，市場就可能乘機大沽特沽！
前排美股一開市大跌，中午好多時都俾 D 有心人買番上去。但呢幾日既美股好似已經開始乏力，連大戶都唔係好想托上去？
美國唔老嚟，又睇吓內地個市。家下中央重點脤災，應該冇時間照顧 A 市股民。更何況通脹亦預期會加劇，宏調未必會放鬆。
花旗同阿爺既然都唔就，再加上六月例淡，再加上歐洲國家盃開鑼基金經理情願睇波都唔睇股市，而且廉署探射燈射到大戶暫時都無心戀戰，香港個市最多俾佢好埋呢個禮拜。
今個六月，可能會下雪。都係專心睇波好過！
手頭的貨：
# 02823 A50 基金 - 暫蝕 1%
# 30007 恆指熊證 - 暫蝕 13%
其中 #30007 會 keep 多三個禮拜左右，暫不設止蝕。
如果睇成交，個市表面睇來好似水靜河飛咁。但實情上個禮拜的財經新聞真係精彩到暈！繼郭氏三兄弟內哄升級、然後有內地電信股大兜亂，再有老廉的探射燈行動捉 D 窩輪造市者去飲咖啡，仲有港交所加長「競價」時段的「勁假」收市價，真係股市乜都有，非常好玩。
信不信由你，呢個六月，維京人係睇淡的，而且有可能仲係幾淡嗰隻，個市可能會跌到你唔信。特別係要小心過咗端午節後既個零兩個禮拜，大市好有機會試試底位，一於喺奧運前嚟個大整古。
小弟絶對唔係危言聳聽。
自美國次按危機爆煲以嚟，都差唔多過咗一年有多。仲記得上年三月左右，係 HSBC 第一時間走出嚟叫人留意，同埋作出相對應的應變。其實次按攪到咁上下，減息都減咗咁多次，美元又跌到阿媽都唔認得，但係美國佬仲未有好大起色。美國已經公認係衰退！衰退還衰退，幣就幣在呢一年仲有通脹 ... 呢下先慘，通脹猛於虎，減息呢招未必萬試萬靈，仲可能攪到物價暴漲。家下做美國人好慘，供樓冇錢，周圍 D 嘢又貴，苦不堪言。2008年第一季美國銀行業賺 193億，比去年同期 356億大跌超過 45%。小弟估計下一浪應該會輪到信用卡或其他乜 loan 物 loan 爆煲，銀行又一輪撇帳，profit 又再減少，業績一浪差過一浪。
睇番美股，其實個市都冇乜點變，自低位萬零點咁上下彈番去萬三點，基本上都喺呢個 range 彈下彈下。好似好有支持咁。不過，醜婦終需見家翁，醜股終需見股東。其實2008年4月份已開始有信用卡公司 (好似係美國運通) 的撇脹率已達到差唔多 7%。嘩！咁即係借 100 蚊俾你，銀行即時 write off 7 蚊！而且撇脹率仲有上升趨勢。預期第二季業績好有機會會差過第一季。
另外，呢個禮拜五美國會公佈失業率，而禮拜六就會公佈消費信貸；過完龍舟節後會開始陸續仲有貿易收支、聯儲局褐皮書、CPI、消費者信心指數、房屋市場指數、領先指數等等，呢排大家都 expect 美國經濟最壞時間已過去，但只要其中一個數據唔符合 expectation，市場就可能乘機大沽特沽！
前排美股一開市大跌，中午好多時都俾 D 有心人買番上去。但呢幾日既美股好似已經開始乏力，連大戶都唔係好想托上去？
美國唔老嚟，又睇吓內地個市。家下中央重點脤災，應該冇時間照顧 A 市股民。更何況通脹亦預期會加劇，宏調未必會放鬆。
花旗同阿爺既然都唔就，再加上六月例淡，再加上歐洲國家盃開鑼基金經理情願睇波都唔睇股市，而且廉署探射燈射到大戶暫時都無心戀戰，香港個市最多俾佢好埋呢個禮拜。
今個六月，可能會下雪。都係專心睇波好過！
手頭的貨：
# 02823 A50 基金 - 暫蝕 1%
# 30007 恆指熊證 - 暫蝕 13%
其中 #30007 會 keep 多三個禮拜左右，暫不設止蝕。