先喺機場搭火車到火車站。對火車冇咩期待，結果亦真係冇咩 surprise。感覺同香港差好遠，直接 D 講係舊，但都 OK。
中央火車站好型，本身已經係一個景點。據聞係 1889年由一位著名荷蘭建築師所設計。
一去到先搵酒店。行行重行行，由 Central Station 出發。Dutch 原來同英文差唔多，只係佢哋叫做 Centraal Station。酒店喺 Centraal Station 附近嘅一條運河旁邊，應該好易搵。
搵吓搵吓都係唔識路，唯有問人。荷蘭人英文超 okay，連後生仔後生女英文都好 okay。但後生女行得快，結果走去問伯伯。伯伯係華人，超好人，指指點點解釋得好詳細，但喺呢個周圍都係河嘅城市維京人開始有點兒抓狂。
最終好彩都搵到自己間酒店。酒店 staff 好 nice。同佢講英文好舒服。
由於第一日行李被航空公司誤點關係，唯有著住件原本單薄嘅衫先喺 Amsterdam 嘅街頭行。基本上沿住大路去到水霸廣場 Dam 再落去 Singel 花市，最後去埋梵谷博物館，半天基本上已經行晒 Amsterdam 嘅主要景點。Amsterdam 人鐘意以單車代步，單車多到，感覺上似返番去 80年代嘅中國。
喺呢個咁如斯開放嘅城市，drugs 同埋 sex 根本唔係咩一回事。
周圍都係 coffee shop。原來 coffee shop 係要嚟食大麻嘅，Cafe 先係要嚟飲咖啡。維京人最後都係冇試食大麻，不過 coffee 都幾好飲。其中一間比較出名嘅 coffee shop 叫做 bulldog。
經過傳聞嘅紅燈區，D 女人除晒衫淨係得條吊條 bra，對佢哋嚟講好碎料。不過最衰唔俾影相。燕瘦環肥乜都有，目不暇給。不過可能唔係咁夜 (20:00 左右)，唔算係好熱鬧。
超級市場勁多芝士同埋啤酒，買啤酒飲仲平過飲水。
總括嚟講，Amsterdam 俾我嘅感覺係好 relax。最衰太凍，唔係真係想租架單車四圍慢慢睇。
******
荷比盧+巴黎遊
0: 初一開始遇厄運
******
13 則留言:
点解所有相都有水印?
小瓶子，
間唔中都要 hard sell 下自己個 blog 嘛。哈哈。
:P
去amsterdam 大麻無吸, 8點係紅燈區齋look? hmmm...... 你其實同阿嫂去honeymoon呀?
哇，維京，你個 blog 網咁鬼犀利嘅，瓣數多到吖！
荷蘭紅燈區好似話將會取締喎！
有冇去荷蘭銀行?
Holland Bank好聞名
尤其是Holland Bank cheque
imak,
唔話你係神婆真係唔得，你永遠都咁心水清。今次係同女朋友去。咦？有機會真係要自己出去走一趟先得。係喎，話自己公司需要出 trip 都好喎 ...... 嘿嘿 ......
laulong,
興趣太多，時間太少。所以成日都想中六合彩唔駛返工！得閒去 imak 個 blog 睇吓啦。
去之前都有聽人講過話紅燈區被取締，不過去到仲係有得睇，只係夜晚開紅燈嘅阿姐位置比較分散。反而坐火車差唔多去到比利時布魯塞爾，接近中央車站時見到成條街都係唔著衫嘅女人，睇嚟係模仿荷蘭嘅紅燈區，而且似乎仲有睇頭。
卡臣，
咁聞名嘅 Holland Bank 都唔知就真係 Holland Bank Cheque 咯。呵呵。
viking... 公幹? 佢知唔知你公司有 biz 在荷蘭架? 小心穿崩喎, 女人多數心水清! btw, 多謝哂你幫我宣傳喎!
"反而坐火車差唔多去到比利時布魯塞爾，接近中央車站時見到成條街都係唔著衫嘅女人，睇嚟係模仿荷蘭嘅紅燈區，而且似乎仲有睇頭"
后悔...早知道就去Brussel啦. 反正都是差不多车程.
imak,
可以話自己出去 business trip，實際去邊只要唔睇 passport，呵呵，應該唔知啩 ...... 不過我都係講吓咁啫 ....
好嘢緊係要宣傳吓啦。
Desertfox,
Brussels 可以話係我呢個 trip 最 happy 嘅城市。稍後得閒會 post 番 D 相。
Cheers!
荷蘭是個水鄉在那裡騎單車樂透了,還有很有名的鑽石鑲嵌工廠。
班機遲了40分鐘還可接受...謝謝來訪！
係外國咁 relax 既環境，有時真係好唔想返 HK !
哈哈，除了coffee shop嘅真大麻，仲有大麻糖、大麻肥皂...
自由行，
用 V 開頭嘅英文字真係有點兒考起。
聶秀康，
噢 ... 你唔講真係唔知道呢。
反而喺 Belgium 就見到好多賣鑽石嘅舖頭。
巴林，
咪係！攪到家下連睇市都唔係好有心機。
巴黎旅客，
又係你唔講我又真係唔知㖭。
唉，又錯過咗 .... 真係要多 D 上你個 blog 學吓嘢先得。
Cheers!
發佈留言