等待，觀望，繼續等待，繼續觀望。
做乜？之唔係屏息以待美國總統大選囉。選擇結果最快都要星期三下午公布。今次大選無論 Obama 定係 McCain win，都無可避免地要面對經濟衰到貼地嘅殘局。就算家下 Obama 得人心而當選總統，以家下 D 人性急嘅心態，相信民望好快就會回落。
反觀市場，似乎放出嚟嘅 signal 係看後選後市況。寫呢篇 post 嘅時候美股仲未開，但杜指期貨就一度升超過２00點。
今日港股似坐過山車，恆指一度下挫近500點，其後倒升近２00點，收市略回只升40點，收報14384點，成交又再縮一縮，至452億元。
內地 A 貨就繼續徧淡，阿爺出咗咁多招都未能一時間扭轉跌市。上證指數一度跌破1700點，重磅股份後來做護盤生力軍，最後艱難免強地算係守得住1700點，收報1706點。全球反彈 A 股唔彈，唔通大家覺得 A 貨實情比人貴？
大起大落己經成為近期股市嘅風格，以現時市場氣氛睇嚟，港股可能喺１５日 G20 開會前仲有一浸升勢。維京人暫時手持恆指 put 輪 #15500，買入價 $0.234，家下已回跌至＄0.197，暫蝕約１５﹪。繼續持有，等待再嚟緊嘅試低位。
Cheers!
沒有留言:
發佈留言