奧巴馬成功搶政七個共和黨票倉，共搶去共和黨８１張選舉人票，成功當選新一屆美國總統。Obama 勝利後發表演講第一句：「如果你仲係唔相信喺美國一切都有可能、仍然懷疑前人嘅夢想係咪能夠響我哋呢代實現，如果你仍質疑民主，今晚就係你嘅答案！」
It's time to change！有興趣睇佢長達差唔多成二千個英文字演說嘅朋友，可以 click 呢度。
維京人覺得 Obama 上台，某個程度都係受到金融海嘯經濟唔好，而令美國人極度渴求「改變」所致。So far 睇佢咁多次演講，好老實講，都冇乜具體嘅政策，真係得個「吹」字！不過做領袖唔一定要自己做，只需要有魅力，就可以吸引人才嚟幫佢手。所以小弟都相信佢或多或少都可帶俾人希望。
記得佢喺競選時曾承諾上任後會推出減稅措施，但喺前朝累積巨大財赤下，仲減稅嘅話是否撐得住強美元政策？
Obama 略帶保護主義，話企業每招聘一個美國人可以獲得減稅，而高收入人士交稅就相比低收入人士交多 D 等。
永遠都係講就天下無敵，做就有心無力。大家睇下台灣嘅小馬哥，只要選舉後冇乜表現，D 人就開始唔耐煩，攪到佢家下都幾狼狽吓。不過此馬未必同彼馬，奧巴馬睇嚟都係聰明人，話勝出選舉只係開始，家下經濟危機影響美國，未必可以一年，甚至佢任內嗰四年可以解決。 就睇下佢可唔可以帶領美國佬重振雄風？
港股受美股昨晚上漲所影響，恆指曾經好 high 咁升咗933點。但當知道奧巴馬當選後，可能受「好消息」出貨所影響，升勢唔能夠持續，最後恆指收報14840點，升咗456點或 3.17﹪。
今日成交有成633.7億港元，留意今日下晝嘅成交係多過上晝嘅。上午升市成交少，下午跌市成交增多，徧淡。高開低收，一支陰燭加上射擊之星格局，又係徧淡。期指低水約百零點，亦都係徧淡。
港股由最高位跌落去萬一點，家下約萬四點。仲未放貨者，請留意呢次反彈可能係最後放生機會，唔好再話個市唔俾機會你放貨喇。It's time to change，係指美國政壇而唔係指港股！跌勢已成，唔係話改變就改變。
小弟繼續持有恆指 put 輪 #15500，繼續睇淡。
Cheers!
4 則留言:
Anyway, the change has come...haha i believe...我都唔知點解咁關心呢單嘢...HAHA 可能去完美國,見到好多關於佢的紀念品..不過我的行業看到好多金融海嘯的影響(唔係股市上的)
你嘅行業點樣受金融海嘯影響？講嚟 share 下好嘛？
我現在都算係半個廣告人，係金融海嘯底下，企業對廣告界的投入會第一個叫停。線上廣告第一個叫停，EVENT第二輪，其他類型也只會拿緊褲頭，不會這麼鬆手投資，等看定一點市場才再傾。唯一看來剩下的就只有直接對消費者的RETAIL MARKETING會受惠。現在世界五大廣告集團，已經下令屬下公司停止進行任何招人工作. (我母公司-美國NASDAQ上司的-也下令本年停上任何人員薪金調整及招募了)江湖傳聞其中一五大之一更已內傳將高層員工減薪20%作應變。我算為RETAIL MARKETING的ACCT工作，對的，錢看來還暫時不會停，但銷售壓力會增大，工作壓力只會加加加。另外因為線上廣告公司(ABOVE THE LINE)投入減少，就借機向線下廣告(BTL)發展﹐公司有危也有機，但有機的在這段時間想放鬆就想到不要想了....
今日香港又有目黑壽司話執笠。同集團的STAGE CAFE、甲乙丙中國廚房及和庭日本料理都已結業。睇嚟係時候整番個金融海嘯下公司結業排行榜做個紀錄先得！得閒留下言過 D 料俾我哋喎。
Cheers!
發佈留言