尋晚美國休市，今日香港股票就連續第四日做好。恆指升咗336點或2.48﹪，收報 13888點，好好意頭！
有睇開呢個 blog 嘅朋友都知道維京人係大淡友，覺得恆指半年內會見四位數。成日講到咁差，亦唔代表短期個市會跟個人意願走。小弟覺得十二月頭幾日可能仲有得升，但睇番今年三月、六月、九月嘅季結都做得好差，直覺上恆指仲要試一次低位先見底。
Anyway，呢兩日要睇下美國 Black Friday 嘅零售市道好唔好。上去美國嘅零售網睇下，個市唔好零售商劈價劈到成劈肉醬意粉咁，一劈糊塗：50" Samsung 高清電視唔駛 800美元，香港買 46"都要兩萬幾港紙、HP Desktop 電腦唔駛400美元、GPS 100美元有找、700萬像素嘅相機可以賣唔駛 60美元、 微波爐 25美元亦可以有一個、大富翁 board game 10蚊美金攪掂、甚至一條牛仔褲可以平到賣 4 美元！真係平到有 D 匪夷所思！賤物鬥窮人，零售商要錢唔要貨，費事 D 貨賣唔去仲要蝕俾倉租。
唔怪得美國人咁瘋狂啦！ D 嘢賣到咁平，銷售額係唔係可以靠人氣谷得起，仲係有待觀察。
阿四叔今日出嚟講嘢，今次佢就學醒咗喇，唔會再實牙實齒話恆指會出到幾多點，而係好玄咁講話「盛極必衰，衰極必盛」。睇嚟佢真係哀莫大於心死。其實家下做人最緊要樂觀，睇下前排嚟香港嘅阿 Nick，真係覺得佢好犀利，周身都充滿正能量。
寫呢篇 post 嘅時候美股牛皮，杜指跌約 5點。美股得嗰半日市，假期氣氛濃厚，不看也吧。
祝各位有個愉快嘅周末。Cheers！
2 則留言:
It shows that how important is the presentation skill.
Nick can be a spiritual leader with his charisma.
Obama is also a spiritual leader as he can give hope to US citizen. In this economy dark age, hope is the most important thing to people. Good luck to him.
發佈留言