好開心，寫呢篇 post 既呢一個 moment，DOW 跌多過一百多點。對我哋呢 D 冇貨喺手的散戶，點都係好事來既。
話晒美國經濟差到阿媽都唔認得，冇理由呢個時候覺得個股市會升得去邊。
雖然香港個市呢兩日反彈千多點，對我來講，只會係反彈。雖然一般熊市的反彈可以升成 30% - 40%，但因為而家我冇貨喺手，冇計啦，就算個市升我都係只可以寄望佢繼續跌 (買佢升又好似真係覺得冇乜值博率) ......
今日隻渣打 (2888) 真係發神經，升咗 $14！真係一隻好股。家吓都有 D 後悔咁早放咗佢。
不過冇計啦，唔做都做咗 lor .....
中國人壽 (2628) 我就持續看淡喇 ..... 見佢個業績記者會講話開始想投資海外市場，就唔知點解越睇越唔舒服、越睇越心寒 ...... 話晒對內地金融機構走出去都有 D 戒心，成日覺得佢哋會接人哋 D 蟹貨。
尤其係國壽靠既多數都係投資得來的收益 ......
咁即係話股市好佢就好，股市唔好佢都應該唔慌好得去邊個隻！
睇番 A 股個市，人心向淡。睇來都係易跌難升。
我會呢兩日開始留意一下有乜熊證可以買吓咁。不過呢排公司跟的 Project 做緊 UAT (User Acceptance Test) ，忙到顛咗，都唔知有冇時間買就真。
沒有留言:
發佈留言