等東風

呢排忙 Project 埋尾忙到不得了，同時間自己亦好多野攪緊，攪到日頭開市時間都未有時間睇住個市。

夜晚返來睇到恆指收報 26183，跌 57點。我隻懺悔中移 call 輪 #13245 家下跌成差唔多有兩成。

而今晚美市亦跌，寫呢篇 post 的時候 DOW 跌成 78點。原因？估計可能油價啱啱 touch 到 120 美元啩 .... 另外 Microsoft (MSFT) 收購 Yahoo! (YHOO) 唔成功，Yahoo! 曾跌超過兩成！ 中移動美國 ADR (CHL) 家下仲跌超過 2%，慘 lor ...... 睇來聽日點樣都要抽時間望望個市，有需要的話做止蝕。

不過睇番今日恆指期貨，都曾經 touch 過 26000 架，不過好快就反彈番上來。而市場上似乎都幾分離，有睇會繼續升，有睇話反彈已經完成。感覺上大小散戶好友淡友都好似靜止不動，個樣飲咗維他清心棧咁，再加上開埋日立小涼伴，大家都按兵不動。

似乎大家都好似等緊一 D 消息刺激吓個市。不過消息係乜？大家都未知。今期唯有繼續靜觀其變等東風。

做人最緊要有臘腸，呀，唔係，係立場至啱。小弟暫時仍然審慎看好，覺得呢個 moment 仲有人睇淡即係仲可以夾淡友。Let's see it's true or not! Cheers!