美股於星期五晚大跌成 145點，今日大家都估到個市都唔謊好得去邊架喇。結果果然冇令到淡友失望,恆指一開市已經跌成四百幾點。最後收市報 24127，跌586點。今日恆指前後多咗10分鐘買賣交易時段，大家每日睇市的時間又多咗。
臨收市時期指又抽番上來,好古怪，仲高水成100點咁濟。咦？睇來今期個市抽上又插水，插完又抽升，應該係要來殺 Warrent 同埋 CBBC 喎。大鑊！我今朝仲入咗隻熊證 30007 ...... 唔通又中咗大戶計？
今日點解會買熊證？主要係睇盤路，大價股涯沽涯得好犀利，尤其係隻中移動！兼且港交所又好似沽壓重，好似後向唔係幾好喎 ......
中移動涯沽，主要係內地電信股重組關係卦。對我來講，落實電信市場重組，即係將中移動原本獨食的大餅攞出來分餅仔。監管當局表明「在一定時期內採取必要的非對稱管制措施」，促使行業格局向均衡發展，呢個「非對稱管制」，好明顯係針對中移動啦，咁攪法則好似 set 咗市佔率的上限咁。
Anyway, 見到期指又升番上來，覺得有 D 唔對路。今晚歐美股市又休市，冇晒方向，聽日可能要抽多少少時間睇住個市先得。
沒有留言:
發佈留言