重整旗鼓

大地震後已超過多過一個星期。呢次地震對維京人來講非常震憾。亦越來越覺得做人應該及時行樂，今朝有酒今朝醉。

維京人深感哀痛之餘，公司亦正忙著上新 system。所以維京人亦有一個星期沒有更新呢個 blog。

現在也是時候收拾心情，重整旗鼓再出發。話晒要及時行樂，都要有錢先得。

近排仍然好忙，冇乜時間睇住個市。暫時仍持有 A50 基金 (02823)。

兩個星期前小弟睇錯市，以為大戶會夾淡倉抽個市上去，恆指有機會去到 27000。不過原來 26000 阻力已經重重。家下個市唔升唔落咁，好似好難炒。睇來又係要老土 D 講句炒股唔炒市。

四川省受到地震的沉重打擊，無數的受害者仍然等待救援。呢 D 地區缺乏糧食和醫療器械,估計需要更多重型卡車運送物支。與此同時，未來將需要更多工程機械進行重建。

So, 喺地震導致工程機械和重型卡車需求強勁的帶動下，柴油發動機的銷售可能可以得到提升。可以留意下隻濰柴動力（02338）。家下營造緊頭肩底，如果突破頸線約 $46，估計可以有機會去到 $60。

另外，2008年柴油發動機銷量增長率或約為20%。中長線皆宜。