呢個禮拜忙到隻屐咁，攪到完全冇時間睇住個市。尋日仲唔得閒 update 吓呢個 blog 。今日啱啱做完 presentation，下午一睇個市，嘩！又跌？結果我好忍痛咁放晒手頭的輪，蝕成半。都係怪自己睇錯又放得遲。
睇番財經台，原來昨日 AIG 業績差到阿媽都唔認得。攪到個大市氣氛好鬼差。而內地個市又傳就來公佈的 CPI 會失手又升番，股民擔心調控又緊手番。
今日恆生指數收報 25063，跌 386點。國企指數收報 13662，跌 224點。成交得嗰 77億，冇乜人放貨亦代表冇乜人買貨。
正所謂十個牛皮九個淡，所以今周一開始成交咁低已有啟示。
呢兩日壞消息接踵而來，而且好多壞消息都係次按風暴後遺症。呢個情況其實都遇咗。不過當好友都確認同埋親眼見到經濟狀況會越來越差，就會開始逢高必沽見低又唔肯買貨，股票一浪低於一浪，一底低於一底。我相信熊市三期可能已經開始咗。
今期目標: 恆指可能有機會跌番去 20000點甚至更低。唯一要顧慮的係阿爺可能會出手救市。如果係，會夾淡友而將個市抽番上去，恆指唔排除都有機會去番 27000。不過我估就算阿爺救市都唔會好得去邊，even 奧運效應將至。熊三人心虛怯，如果真係抽番上去，可以放心買 put 輪或熊證。
手頭既貨：
# 02823 A50 基金 - 暫賺 6%
沒有留言:
發佈留言