美股星期五下跌，加上擔心匯控供股，港股三月份第一個交易日係以跌市嚟收市。恆指收報 12317點，跌 494點。成交可能受匯控 (#00005) 停版影響，得嗰 363.6億港紙。
無數大小股民引頸以待嘅匯控終於公布咗業績，去年純利大跌 70%，與上半年純利 599.1億港元相比，即係話下半年蝕咗 153億港元，比市場預期最差嘅預測更差！
業績唔好外，股息亦派少咗，全年計派息約 0.64美金，按年計即係跌 29%。
股息派少咗外，公司同時亦宣佈要供股。
金融海嘯，匯控唔要政府支助都要伸手問股民攞吓錢，以增強本身嘅資本，所以唔供唔供最終都係要供。12供 5，供股價即係約港幣 $28.1。陰功，比市場預期嘅 $33 仲要低呀。
咁如果有一手匯控喺手，即係要供幾多呢？由於佢係 12供 5，揸一手 400股匯控即係話要供 166 股，每股約 $28.1，即係話一手要供約 $4664.6喇。如果以匯控停牌前個價 $56.95 計，即係供完股後匯控只值 $48.49 左右。
難怪呼寫呢篇 post 嘅時候，英國嗰便匯控已經大跌約一成。(大家可以喺 Yahoo! Finance 度以 HSBA.L 作搜尋）
如果有匯控喺手，供 or not 供，相信 it is a question。如果未有匯控喺手，家下又可唔可以入貨呢？
其實匯控已經今時唔同往日。以往銀行可以靠 sell 一啲金融工具賺吓錢，又可以攪 D 消費融資，但家下連 HouseHold 都話要 close，就知道當日嘅高增長 engine，喺咁嘅經濟形勢下未必撻得著。而且，好嘅管理層唔代表唔會做錯嘢，好似買咗 HouseHold ......
無疑供咗股後，匯控嘅財政狀況會比較穩健，但係，穩健又唔代表佢有好強嘅盈利喎。買股票，如果睇長遠，應該睇佢未來嘅盈利能力。
估計匯控有機會聽日會跌穿 $40。
另外，大摩又向港交所 (#00388) 施魔奏，話成交少調佢個目標價為 $15！冇錯，冇睇錯，係 $15。港交所受摩笛影響，大跌 8.07%，收市報 $57.5。
睇嚟，港股後市有機會大插，向四位數邁進。至於會唔會喺今個月達標則要睇著瞧。
******
維京人喺周五晚凌晨 2點零鐘沽咗嘢歐羅兌美元 @ 1.27042，今朝一起身，嘩！歐羅兑美元即兌 1.2600 左右，即係話一個周末就執接近 100 點子，即刻平咗倉先。不過今晚歐洲公佈通漲數據，比預期好，令到歐羅又跌唔落。頭先啱啱喺 1.2593 沽歐羅，止蝕放於 1.2625，睇佢會再有機會跌。
******
荷比盧+巴黎遊，周末再續。
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
******
維京人近期愛上跑步，有空請幫幫忙為小弟打氣啦！
http://runningviking.blogspot.com
******
7 則留言:
果然很惨...
hsbc management 的timing 真係差到暈!!! 有無攪, 供股一早唔供? 依家先黎供???
如果我有貨在手, 我明天即放!!! 因為我對它的管理層 has lost the trust confidence.
i don't know why i have this feeling but i think the so-called 第二波 is finally here!!! why? 有甚麼能令香港投資者再度恐慌? 東歐問題或美債泡沫, impact 都不及hsbc 對香港投資者大! up till now, 英國現報 $42, 你話明天開市跌幾多? 大市又跟佢跌幾多? 真係累街坊!!!
小瓶子，
唔慘唔慘，如果上個禮拜有沽匯控嘅話。
imak,
係呀，今次匯控嘅 timing 真係好奇怪。如果一早喺七十零蚊話供，相信都唔駛咁慘。我同你一樣，如果有貨喺手，聽日肯定會一早放。始終呢個都係機會成本嚟㗎嘛，咁多嘢好買家下仲駛乜買佢？
你說得對，令香港投資者恐慌嘅，可能係匯控完成供股後，股價繼續向下跌。匯控聽日跌幾多就唔知，但睇嚟好快跌破 $40。
睇嚟你好返囉喎，咁有火氣嘅？果然乖女孝順係唔同 D。
如果我係匯控股東, 臥病在床都彈番起身反啦!!!
份成績表真係比市場預期既最差情況仲要差好多 !
真係暈！
HSBC 業績意外地差，我都俾佢累起。我諗要佢股價復蘇，起碼要成年咯！
發佈留言