一早叫大家唔好買匯控 (#00005)，維京人甚至喺唔少嘅 blog 度留言叫人唔好供股。結果係點？有目共睹啦，今日匯控收報 $33。勁跌 ２4﹪。其實本身匯控今日都冇跌咁勁㗎。喺競價時段最後一分鐘，仲做緊 $37.5。但一分鐘原來可以發生好多嘢，就喺收市嗰一刻，咁就由 $37.5 跌到 $37 然後竟然即刻去到 $33！
睇有線，阿菁姐喺匯控 touch 到 $33 嘅時候，仲忍唔住流眼淚㖭呀陰功。感覺哀鴻遍野，攪到佢一時間仲開唔到聲。
佢應該唔係持重貨者，因為晨早已經叫人諗清楚先好供股，叫人唔好一味講個信字。估計菁姐嘅眼淚，係痛心。同埋睇唔過眼大戶，點解喺最後一分鐘都要質低呢隻同港人一同呼吸嘅愛股？
如果唔係金融海嘯，以前真係諗都冇諗過堂堂大藍籌（仲要係 HSBC！）可以單日甚至單分鐘可以有咁大嘅波幅。家下做人真係要有想像力，呢個世界仲有咩冇可能？
如果你有匯控喺手，諗住賣埋供股權出去，哼哼，如意算盤都打唔響呀。匯控咁樣暴挫，唔駛指意認股權值得幾多錢。
淨係匯控，恆指已經奉獻咗超過 400點。今日恆指收市 11344點，挫 576點或 4.84%。
美國今日開始玩夏令時間，美股會提早一個鐘頭（即香港時間 21:30) 開市。
******
周末繼續寫埋荷比盧+巴黎遊
0: 初一開始遇厄運
1: 阿姆斯特丹感覺: 運河、單車、大麻、紅燈區、仲有花。
2: 好荷蘭感覺但有點造作的 Zaanse Schans
3: 不一樣的運河城市 - Utrecht
4: 城鎮雖小，建築美麗 - Haarlem new!
******
維京人近期愛上跑步，有空請幫幫忙為小弟打氣啦！
http://runningviking.blogspot.com
******
10 則留言:
我都見到菁姐好心嗡!我也難過啊...競價時段攪到個價咁低...
以前真係想像唔到 ...
viking... 唔知有人真係聽我地發up瘋,公報完業績復市果日就減持? maybe 俾人話無guts, but proves that's the right thing to do!!!
3 耳，
菁姐真係有感而發呢。希望佢唔係真係買咗牛證或者 call 輪啦。
巴林，
個人覺得係時候嚟個反彈。你點睇？
imak,
唉，不聽我哋呢 D 老人言，家吓佢哋咪吃虧在眼前囉 ...... 呵呵 ......
針唔拮到肉點會知痛？佢口口聲聲話自己和家人朋友都冇持有5仔，係登啲股民喊遮，你信唔信吖？
好多時講和做係兩回事來！
如果我有匯豐, 我諗我唔止會咸. 而係傻Q左係度大笑. 所以我相信菁姐係無持有o既.
下次你地見到有人笑就知佢一定係.."股冬"
Hana,
冇食白粉都知道食白粉唔好。所以我覺得針唔拮到肉都可以心痛嘅 ......
Koon,
最新消息：HSBC 英國嗰便反彈至 $42!
青姐冇，佢阿爸阿媽有哩！
不過佢都係性情中人！
哈哈！校長真係抵死！
冇食過白粉雖然知白粉唔好但唔會知點解啲人明知唔好都會繼續食喎！
市傳青姐買咗大量5仔ELN\ELI
laulong & Hana,
哈哈，都唔排除有咁嘅可能嘅。
Cheers!
發佈留言